Yunusa 2:2 - Mandinka Bible

² A ko: “N na bataa kaŋ ŋa ite Yaawe kumandi le, aduŋ i ye n danku le. Ka bo kaburu dinkoolu to, ŋa i la maakoyiroo daani, aduŋ i ye n kalamuta le.

Yunusa 2:2 Mawu Ofanana

2 Taarika 33:12

Kabiriŋ a be ñiŋ niitooroo kono, a ye Yaawe daani, a la Alla, a ye a fammajii kendeke a mumuñolu la Alla ñaatiliŋo la.

Jabuuroolu 116:3

Saayaa jalamaa le naata n kaŋ karoo bee la, kaburoo silaŋo dunta n na, n tarata dewuŋo niŋ kijafaroo kono.

Jabuuroolu 120:1

Kabiriŋ m be mantooroo kono, n kumboota Yaawe* ye, aduŋ a ye n jaabi le ka m maakoyi. Ŋa ñiŋ ne duwaa ko,

Jabuuroolu 16:10

I te n tu la saayaa kono. I te soŋ na, i la lannamoo ye taa kaburoo kono.

Jabuuroolu 22:24

A buka jutu moo bataariŋolu la sako ka ñewuŋ ì la, ì la bataa kono, bari a ka ì jaabi le niŋ ì woosiita a ye maakoyiroo la.

Jabuuroolu 34:6

Nte koritoo woosiita a ye le, a ye n jaabi, aduŋ a ye n kiisa n na mantoora kuwolu bee kono le.

Jabuuroolu 4:1

Niŋ ŋa i kumandi, i danku m ma, ite Alla meŋ mu n na tiliŋo sababoo ti. I ye dahaa dii n na le, mantooroo waatoo kono, balafaa n ye, i ye n na duwaa jaabi.

Jabuuroolu 61:2

N ka i kumandi le ka bo fo duniyaa daŋo to, tuma meŋ na n jikilateyita. N samba tankaraŋ bere baa to, meŋ jamfabaata n ti.

Jabuuroolu 65:2

Moolu bee be naa ite le kaŋ, kaatu ite le ka duwaa jaabi.

Jabuuroolu 86:13

Kaatu i ye i la kanu bambaloo yitandi nte la baake le. I ye n niyo tankandi le, n sutiyaata saayaa la ñaa-wo-ñaa.

Yesaya 14:9

Kaburu dinkoo maamanta ka i benduŋ, Laakirankoolu wulita ka i kontoŋ. Mennu keta duniyaa ñaatonkoolu ti, mennu keta mansoolu ti bankoolu kaŋ, ì bee wulita ì la mansasiiraŋolu kaŋ.

Niikuyaa Suukuwolu 3:55

Silaŋo kono, Yaawe, ŋa i too kili le ka bo dinkoo kono.

Esekiyeli 26:20

Wo waatoo la m be i samba la fureeduu le, i ye taa ka kafu wo moolu ma mennu faata i ñaa. M be i samba la laakira le, i ye taa sabati kasaara dulaalu to, aduŋ i te muru noo la naŋ kotenke ka naa dulaa soto bankoo to, moo baluuriŋolu be daameŋ.

Esekiyeli 31:14

Wo kamma la, yiroolu mennu bee falinta jii daala, a ye wolu bali le ka jaŋayaa waraŋ ka ì buloolu fayi ka jamfa fo ka sutiyaa minaayoolu ma. Kaatu saayaa le be ì ñaato ka taa kaburoo kono, ka taa kafu doolu ma mennu faata ì ñaa, ì be kaburoo le kono.”

Matiyu 12:40

Ko Yunusa tarata ñee baa konoo kono tili saba aniŋ suuto saba, wo ñaa kiliŋo la, Moo Dinkewo be tara la bankoo kono fo tili saba aniŋ suuto saba.

Luka 11:10

Kaatu moo-wo-moo meŋ ye daaniroo ke, wo be a soto la le. Moo-wo-moo meŋ ye ñinindiroo ke, wo be a je la le. Aduŋ moo-wo-moo meŋ ye konkondiroo ke, bundaa be yele la a ye le.

Luka 22:44

A duwaata kendeke niitooroo kono, aduŋ a taroo mulunta yele dotiŋ-dotiŋolu le la, mennu tondita bankoo to.

Kiilaalu 2:27

I te n tu la saayaa kono. I te soŋ na, i la Moo Senuŋo ye toli.

Hiburunkoolu 5:7

Biriŋ Yeesu be sabatiriŋ duniyaa kono jaŋ ko hadamadiŋo, a ye duwaalu niŋ daaniroolu ke ka bo niŋ kumboo baa niŋ ñaajiyolu la Alla ye, meŋ si a tankandi noo saayaa ma. Aduŋ Alla ye a moyi a la a ñaasilaŋo le kamma la.

1 Samuweli 1:16

Kana i la dookuulaa ke musu jawoo ti. N ka duwaa jaŋ n na jaakaloo niŋ n na bataa le la.”

1 Samuweli 30:6

Dawuda tarata niitoora baa le kono, kaatu kewolu ka ñiŋ ne fo ko, “Ali ŋà a buŋ.” Ì bee niyo kuyaata le, kaatu ì maŋ ì diŋolu je. Bari Dawuda ye a jikoo loo Yaawe* le kaŋ, a la Alla.