Yunusa 1:5 - Mandinka Bible

⁵ Kulunkono dookuulaalu bee silata, bituŋ moo-wo-moo ye a la jalaŋo daani. Ì ye ì la marisandiisoolu fayi baa kono fo kuluŋo si feeyaa. Bari Yunusa tarata nuŋ kuluŋo duuma le, a ye i laa, siinoo ye a taa.

Yunusa 1:5 Mawu Ofanana

1 Mansoolu 18:26

Wo le to ì ye ninsoo ñiŋ taa ì ye meŋ samba ì ye naŋ, ì ye a bee parendi. Bituŋ ì ye Baali jalaŋo too kumandi kabiriŋ soomandaa fo tilibuloo. Ì be wuuri la ka a fo ko, “Baali, ntolu danku!” Bari dankuru maŋ ke, aduŋ moo maŋ ì jaabi. Ì tarata i doŋ kaŋ, ì be sawuŋ-sawuŋ kaŋ ka muruŋ-muruŋ sadaabodulaa* la ì ye meŋ dadaa.

Yuuba 2:4

Bituŋ Seetaani ye Yaawe jaabi ko, “Bari i maŋ a balajaatoo maa foloo. Moo ye feŋo meŋ soto, a si a bee nii noo le ka a niyo tankandi a la.

Jabuuroolu 107:25

Kabiriŋ a kumata, turubaadoo wulita, a feeta, a ye fankaasoo jiibaliŋolu wulindi.

Jabuuroolu 148:8

ka taa saŋ ŋalasoo niŋ saŋ beroo, komboo niŋ tawaloolu, aniŋ turubaadoo, mennu ka a la yaamaroolu taamandi, ali a jayi.

Kawandilaa 3:6

Waati le be ñinindiroo la, waati be foo la. Waati le be feŋo maaboo la, waati be a fayoo la.

Yesaya 45:20

Yaawe ko: “Alitolu keleborilaalu, mennu bota banku doolu to, ali beŋ dulaa kiliŋ ali ye kata naŋ. Mennu ka yiri kuntoolu muta ì la jalaŋolu ti, ì niŋ ì ka tu taa la taariŋ, wolu maŋ feŋ loŋ. Ì ka duwaa ñini batufeŋo le bulu, meŋ te tankandiri ke noo la.

Yeremiya 2:28

Yahuuda, i la alloolu lee, i ye mennu dadaa i faŋo ye? Batu, wolu ye naa, niŋ ì si i kiisa noo mantooroo kono, bayiri ite Yahuuda bankoo la alloolu siyaata le, ì niŋ i la saatewolu yaatewo le kaañanta.

Hoseya 7:14

Ì buka woosii nte ye ì sondomoo bee la, bari ì ka tara sikisiki kaŋ ì la laaraŋolu kaŋ. Niŋ ì be siimaŋo niŋ wayinoo daani kaŋ, ì ka ì balajaatoolu namaŋ-namaŋ ko jalambatulaalu. Ì balanta nte ma.

Yunusa 1:14

Wo to le ì kumboota Yaawe ye ko, “Hee Yaawe, kana ntolu bee faa ñiŋ moo kiliŋo dammaa la saayaa kamma la. Kana m̀ muta kuu la ka moo faa, meŋ maŋ kuu jawu ke, kaatu ite, hee Yaawe, meŋ diyaata i ye, i ka wo le ke.”

Yunusa 1:16

Kabiriŋ wo to ñiŋ kewolu silata Yaawe la baake le. Bituŋ ì naata sadaa* bo a ye, ì ye laahidoo taa a ye.

Yunusa 1:6

Kuluŋ kuntiyo taata a yaa, a ko a ye ko, “Ite ka siinoo ñaadii le? Wuli, i ye i la Alla daani! A si ke noo, a ye balafaa ǹ ye, i si a je ǹ te kasaara la.”

Matiyu 25:5

Baawo wo maañootiyo tarideeta le, ì bee jinkoota. Bituŋ ì ye a dati ka siinoo.

Matiyu 26:43

Bituŋ a muruta naŋ kotenke, a ye ì tara siinoo la, kaatu ì ñaalu kuliyaata nuŋ baake le.

Matiyu 26:45

Wo to le a muruta saayiboolu kaŋ, a ko ì ye ko, “Fo hani saayiŋ ali be siinoo niŋ foñondiŋo le la baŋ? A fele, waatoo siita le. Moo Dinkewo be duŋ na junubelaalu buloo kono.

Kiilaalu 27:38

Kabiriŋ m̀ bee konoo faata, kuluŋo sambalaalu ye duni toolu fayi baa kono ka kuluŋo feeyandi.

Kiitindirilaalu 16:19

A ye a bula ka siinoo a wutoo kaŋ. Bituŋ a ye kewo doo le kumandi. Wo naata ka Samuuda kuntiñakala woorowuloo bee kuntu. A semboo ye a dati ka dooyaa, a semboo bee naata taa.

1 Samuweli 24:3

A taata fo berehuwo to, meŋ be saajiyolu la sansaŋolu maafaŋo la siloo daala, a taata kenoo kono jee. Dawuda niŋ a la kewolu jamfabaata wo berehuwo kono le.