Yunusa 1:4 - Mandinka Bible

⁴ Bituŋ Yaawe ye foño baa wulindi Baa Baa* ñiŋ kono, turubaadoo wulita, fo kuluŋo lafita ka teyi.

Yunusa 1:4 Mawu Ofanana

Jabuuroolu 135:6

Meŋ diyaata Yaawe ye, a ka wo le ke, Arijana niŋ duniyaa kono, fankaasoolu niŋ diinoŋolu kono.

Jabuuroolu 135:7

Ate le ka tawaloolu ke santo duniyaa daŋolu to, a ka saŋ ŋalasoo ke samaajiyo ye, aduŋ a ka foñoo bondi naŋ a la foñobuŋolu le kono.

Jabuuroolu 148:8

ka taa saŋ ŋalasoo niŋ saŋ beroo, komboo niŋ tawaloolu, aniŋ turubaadoo, mennu ka a la yaamaroolu taamandi, ali a jayi.

2 Musa 10:13

Bituŋ Musa ye a la dokoo wulindi Misira bankoo kunto, aduŋ Yaawe ye a ke, foñoo bota bankoo tilibo karoo la, a feeta wo tiloo muumee aniŋ suutoo. Soomandaa foñoo ye kuntiŋolu samba naŋ.

2 Musa 10:19

Bituŋ Yaawe ye foño baa kataŋo naati, ka bo naŋ tilijii karoo la, meŋ ye kuntiŋolu bee samba Kulunjumbe Baa kono. Hani kuntiŋ kiliŋ ne maŋ tu Misira bankoo dulaalu bee to.

2 Musa 14:21

Wo to le Musa ye a buloo coodi baa kunto, aduŋ wo suutoo muumee Yaawe ye foño baa wulindi tiliboo la, a ye baa yelemandi banku jaaroo ti. Jiyo talaata fula ti,

2 Musa 15:10

Bari Yaawe, i la niijii kiliŋo meŋ bota i bala, wo le ye Misirankoolu bee tundi baa kono. Ì tunenta le komeŋ beroo, baa diinoŋo kono.

Yeremiya 51:16

Niŋ a kumata, jii jamaa le ka bumbuŋ saŋ fatoolu kono, a ka tawaloolu wulindi ka bo duniyaa daŋolu bee le to. A ka saŋ ŋalasoo niŋ samaajiyo le jindi, a ye foñoo fee naŋ ka bo a la foñobuŋolu kono.

Amosi 4:13

Mansoo meŋ ye konkoolu daa aniŋ foñoo, ate Mansoo le ye a la miira kuwolu lankenemayandi hadamadiŋolu ye. Ate le ka falindiri ke suutoo niŋ tiloo la. Ate le marata konko jaŋ baalu bee ma duniyaa kono. Yaawe Alihawaa Maariyo*, wo le mu a too ti.

4 Musa 11:31

Yaawe ye foñoo fee ka bo baa kono, a ye woloolu samba naŋ, a ye ì janjandiŋ daakaa karoo bee la. Niŋ i taata kara-wo-kara tili kiliŋ taamoo hapoo la, woloolu ka tara fatafatariŋ ne, ì niŋ bankoo teemoo maŋ tambi nonkonkatiñaa fula la.