Yunusa 1:16 - Mandinka Bible

¹⁶ Kabiriŋ wo to ñiŋ kewolu silata Yaawe la baake le. Bituŋ ì naata sadaa* bo a ye, ì ye laahidoo taa a ye.

Yunusa 1:16 Mawu Ofanana

1 Musa 28:20

Bituŋ Yaakuba naata laahidoo taa ko, “Niŋ Alla be tara la m fee, aduŋ ate le be ke la n tankandirilaa ti n na taamoo waatoo kono, m be meŋ kaŋ, aniŋ ate le be ke la domoroo diilaa ti n ye, aniŋ ka m feetoofata,

1 Musa 8:20

Bituŋ Nuha naata sadaabodulaa* loo Yaawe* ye. A ye daafeŋ siifaa-wo-siifaa taa, mennu maŋ koŋ, aniŋ kunoolu, mennu maŋ koŋ, a ye jani sadaa* bo sadaabodulaa ñiŋ kaŋ.

2 Mansoolu 5:17

Bituŋ Naamani ko a ye ko, “M maarii, wo to niŋ i te soorifeŋo muta la, n so bahalee fula la dunoo hapoo la bankumunkoo to, n niŋ a ye taa, kaatu nte te jani sadaa* bo la waraŋ ka sadaa koteŋ bo batufeŋ koteŋ ye Yaawe koolaa.

Yuuba 37:24

Wo ye a saabu a la kuwo ye hadamadiŋolu sila. Moo le la kuu buka muluŋ a ñaa koto feŋ ti, hani mennu ka ì faŋ muta moo ñaamendiŋolu ti.

Jabuuroolu 107:22

Ì ñanta tenturulaŋ sadaalu* bondi la a ye le, aniŋ ka suukuwolu laa niŋ seewoo la, ka a fo a ye kuwolu mennu ke.

Jabuuroolu 116:14

M be n na laahidoolu timmandi la Yaawe ye le, a la moolu bee ñaa la.

Jabuuroolu 50:14

Ali tenturoo le dii nte Alla la ko sadaa, aduŋ ali ali la laahidoolu timmandi nte Mansa Tallaa ye.

Kawandilaa 5:4

Niŋ i ye laahidoo taa Alla ye, kana tonkutonku a timmandoo la. Alla buka kontaani toolewo la kuu la. I laahidita meŋ na, a timmandi.

Yesaya 26:9

I la kuwo ka n sondomoo loo le suutoo, n niyo meŋ be n kono ka tara suulariŋ i la le seyila juunoo, kaatu niŋ i la luwaalu lonta ñiŋ duniyaa kono, duniyaa moolu be tiliŋo karaŋ na le.

Yeremiya 5:22

Muŋ ne ye a tinna ali buka sila n na? Muŋ ne ye a tinna ali buka jarajara n ñaatiliŋo la?” Yaawe le ye a fo. “Ŋa keñoo ke naanewo ti fankaasoo ye le, badaa-badaa kuntuntewo, a te tambi noo la meŋ na muk. Hani jii baliŋolu si busa, ì te kuu noo la, hani ì si bumbuŋ, ì te a salaŋ noo la.

Daniyeli 6:26

“Ŋa kaŋo dii le ko, moolu mennu bee be n na maraloo kono, si horomoo niŋ buuñaa dii Alla la, Daniyeli ka meŋ batu. Ate le mu Alla baluuriŋo ti, a be tu la keriŋ ne fo abadaa. A la mansabaayaa te buruka la muk, aduŋ a la noo le be tu la fo fawu.

Yunusa 1:10

Ñiŋ ye ì kijoo fara le, aduŋ ì ye a ñininkaa ko, “I ye muŋ ne ke?” Ì ye a loŋ ne ko, a ka bori Yaawe le la, kaatu koomanto, a ye a fo ì ye le.

Yunusa 1:14

Wo to le ì kumboota Yaawe ye ko, “Hee Yaawe, kana ntolu bee faa ñiŋ moo kiliŋo dammaa la saayaa kamma la. Kana m̀ muta kuu la ka moo faa, meŋ maŋ kuu jawu ke, kaatu ite, hee Yaawe, meŋ diyaata i ye, i ka wo le ke.”

Maaka 4:31

A ka munta le ko mutaari kesoo. Ì ka a fii kunkoo kono waatoo meŋ na, ate le dooyaata duniyaa fiifeŋ kesoolu bee ti.

Kiilaalu 5:11

Silaŋ baa naata Yeesu la kafoo bee kaŋ, aniŋ wo moolu bee mennu ye ñiŋ kuwolu moyi.