Yoweli 3:9 - Mandinka Bible

⁹ “Ñiŋ kankulaa bankoolu kaŋ: Ali keloo parendi, ali kelejawaroolu maamandi. Kelediŋolu bee ye naa naŋ, ì ye kirimbaasi naŋ.

Yoweli 3:9 Mawu Ofanana

Jabuuroolu 96:10

Ali a kankulaa duniyaa moolu kono ko, “Yaawe mu Mansa le ti. A ye duniyaa londi le a bambanta, a te wutu la a noo to. A be moolu kiitindi la tiliŋo niŋ tooñaa le la.”

Yesaya 34:1

Alitolu bantala bankoolu*, ali kata naŋ, ali ye i lamoyi. Moolu, ali ali tuloo loo. Duniyaa si a moyi, aniŋ a konokono feŋolu bee, duniyaa aniŋ mennu bee be baluuriŋ a kono.

Yeremiya 31:10

“Alitolu bankoolu bee, ali i lamoyi nte Yaawe la kumoo la, aduŋ ali si a kankulaa dulaalu mennu be jamfajaŋo to ko, nte meŋ ye Banisirayila janjandi, m be a kafu la ñoo ma le, ŋa a kanta ko kantarilaa ka a la beeyaŋolu kanta ñaameŋ.

Yeremiya 50:2

“Kiilaariyaa kumoo bankee bankoolu kaŋ ka a kankulaa, bandeeroo wulindi, i ye a kankulaa. Kana a ke kulloo ti, a fo ko, ì be Babiloni muta la keloo to le! Jalaŋ Beli be bula la maloo kono le, wo jalaŋ Merodaki be jikilateyi la le! Babiloni batufeŋolu be bula la maloo kono le, a jalaŋ ñewundiŋolu ye jikilateyi!

Yeremiya 51:11

Yaawe ye Mediya mansoolu le suusundi ka Babiloni kele, kaatu a ye a nata le ka a kasaara. Wo le mu Yaawe la julujoo ti, a la julujoo ì to, ì ye meŋ ke a Batudulaa Buŋo* la. Ì ko, “Ali ali la kalabeñoolu melundi, ali ye ali la koteeroolu* ñafu!

Yeremiya 51:27

“Ali bandeeroo wulindi duniyaa ye ka naa Babiloni kele, ali kelebinoo fee bankoolu ye naŋ taariŋ. Ali bankoolu parendi a kamma keloo la, ali ye ñiŋ mansamarali bankoolu kili naŋ a kamma: Ararati, Minni, aniŋ Asikenasi. Ali kelekuntiyo tomboŋ a kamma, ali ye suwoolu naati ko kuntiŋ jurumoo.

Yeremiya 6:4

Ì be a fo la le ko, ‘Ali i paree a kamma keloo la. Ali wuli, ŋà a boyinkaŋ tilikuntewo! Kooroo boyita ǹ kaŋ, tiloo fele a be boyi la m̀ ma, wulaarandiŋo be taa kaŋ laalaa.

Esekiyeli 38:17

Maarii Yaawe ye ñiŋ ne fo ko: “Ite Kooki, ŋa ite la kuwo fo waati jaŋ koomanto ka bo niŋ n na dookuulaalu la, Banisirayila annabiyomoolu. Ì ye kiilaariyaa kumoo fo sanji jamaa la ko, m be ite le samba la naŋ ka ñapi ì kaŋ.”

Esekiyeli 38:7

“I si tara pareeriŋ, i niŋ wo kafoolu bee mennu be looriŋ i fee, i si ke ì ye ñaatonkoo ti.

Mika 3:5

Annabiyomoo doolu le sotota, mennu ye n na moolu filindi. Niŋ ì be feŋ soto kaŋ meŋ bulu, ì ka kayiroo le laahidi wo ye, bari ì be foo la feŋ na a bulu doroŋ, ì be keloo wulindi la a kamma. Yaawe ye ñiŋ ne fo ñiŋ annabiyomoolu ye ko:

Hakayi 2:7

Yaawe Alihawaa Maariyo le ye ñiŋ fo ko, “M be duniyaa bankoolu bee le maamandi la, fo ì la naafuloo bee si naa jaŋ, aduŋ m be ñiŋ buŋo konoo bee le kallankeeyandi la ì la naafuloo la.”

Jakariya 14:2

Kaatu m be bankoolu bee kumbeŋ na ñoo kaŋ ne ka Yerusalaamu kele. Ì si saatewo ñiŋ taa, ì ye a bunkono feŋolu ñapinkaŋ, ì ye ali la musoolu boyinkaŋ. Saatewo talantewo be taa la mutoo kono le, bari moo toomaalu, wolu be tu la saatewo ñiŋ kono le.

Jakariya 14:3

Yaawe be naa finti la le ka wo bankoolu kele, ko a ka a ke nuŋ ñaameŋ kele luŋolu la.