Yoweli 3:7 - Mandinka Bible

⁷ Bari saayiŋ m be ì wutundi la naŋ ne, ì ye bo naŋ dulaalu to, ali ye ì waafi daameŋ, ŋa ali kebaaroo murundi ali faŋo kaŋ.

Yoweli 3:7 Mawu Ofanana

Esita 7:10

Bituŋ ì ye Hamani deŋ moo dendulaa bala a faŋo ye meŋ parendi Moridekayi ye. Bituŋ mansa la kamfaa bota.

Yesaya 11:12

A be bandeeroo wulindi la bankoolu ye le, a ye Banisirayila mutamoolu bendi, a ye Yahuuda moo janjandiŋolu kafu ñoo kaŋ, ka bo duniyaa tonkoŋ naanoo to.

Yesaya 49:12

A juubee, n na moolu be bo la naŋ dulaa jamfariŋolu le to, doolu be bo la naŋ maraa karoo le la, doolu ye bo naŋ tilijii, doolu ye bo fo Asuwani maafaŋo la.”

Yesaya 66:6

Ali a moyi, maakaŋo le ka bo naŋ saatewo kono, sari kaŋo ka bo Yaawe Batudulaa to! Yaawe kumakaŋo le mu, ka i joo a jawoolu to a ñaama.

Yeremiya 23:8

Bari ì be kali a fo la le ko, ‘A be koyiriŋ ñaameŋ ko Yaawe be baluuriŋ ne, meŋ ye Banisirayila koomalankoolu bondi naŋ bankoo meŋ be maraa kara maafaŋo la, aniŋ bankoolu bee kaŋ a ye ì janjandi daamennu to.’ Bituŋ ì si tara siiriŋ ì fansuŋ bankoo kaŋ.”

Yeremiya 30:10

“Wo to ali kana sila, alitolu Yaakuba koomalankoolu, n na dookuulaalu, sako ka jikilateyi, alitolu Banisirayilankoolu.” Yaawe le ye a fo. “Kaatu ko, m be ali kiisa la naŋ dulaa jamfariŋo to le, ka ali koomalankoolu bondi naŋ ì mutadulaa bankoo kaŋ. Yaakuba koomoo be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 30:16

“Bari silaŋ, mennu ye i baluu ali la, ì fanaa be ke la baluutaa ti le, aduŋ ali konnantewolu kiliŋ-wo-kiliŋ be taa mutoo kono le. Mennu ye ali ke ñapinkaŋ feŋo ti, ì be ke la ñapinkaŋ feŋo ti le. Mennu ye ali ke buusi feŋo ti, ì be ke la buusi feŋo ti le.

Yeremiya 31:8

A juubee, m be ì bondi la naŋ bankoo meŋ be maraa kara maafaŋo la, ŋa ì kafu naŋ ñoo ma ka bo duniyaa dulaa jamfariŋolu to. Finkintewolu niŋ lanjuurutoolu be tara la ì kono le, konomaatoolu niŋ tintoolu bee, ì kafu jamaa baa le be seyi la naŋ.

Yeremiya 32:37

A be koyiriŋ ne ko, m be ì kafu la ñoo ma le ka bo bankoolu bee kaŋ, ŋa ì bayi daamennu to, n na jusukandoo, diminnaa, aniŋ kamfaa baa kono. M be ì murundi la naŋ ñiŋ dulaa to le, ŋa ì sabatindi tankoo kono.

Esekiyeli 36:24

A ko: “M be ali samba la naŋ ka bo wo bantala bankoolu bee kaŋ ne, ka naa ali fansuŋ bankoo kaŋ.

Esekiyeli 38:8

Ñaato siniŋ m be i kumandi la dookuwo la le, ka bankoo boyinkaŋ, wo bankoo ì ye meŋ seyinkaŋ loo keloo koolaa. Wo moolu bota naŋ bantala banku* jamaalu le kaŋ, ka naa Banisirayila konkoolu kaŋ, ka ì la saatewolu lookuu, mennu tarata tumbundiŋ waati jaŋ na. Saayiŋ a fele, ì be sabatiriŋ kayiroo le kono jee.

Yoweli 3:4

“Tire niŋ Sodomu saatewolu ka taa fo Filisitini tundoolu bee, ali ye muŋ haaji le soto m bala? Fo ŋa julu le duŋ ali la baŋ, ali be n joo kaŋ meŋ na? Niŋ ali be julujoo le la, m be ali la julujoo murundi la ali kaŋ ne waati kiliŋ, a ye donko ali faŋo kuŋo kaŋ ñaabiti niŋ ñaayele teema.

Jakariya 9:13

Ŋa Yahuuda ŋooji le ka ke n na kaloo ti, ŋa Efurayimu ke n na kalabeñoo ti. M be Siyoni dinkewolu ke la le ko kelejawaroo la hawusaroo*, ka Jirisi bankoo dinkewolu kele.”

Matiyu 7:2

Kaatu ali ye moo koteŋolu kiitindi ñaameŋ, ali fanaa be kiitindi la wo le ñaama, aduŋ ali ye a ke moolu ye ñaameŋ, a be ke la ali fanaa ye wo le ñaama.

2 Tesalonikankoolu 1:6

Baawo a koyita le ko, Alla tilinta le, aduŋ moolu mennu ka ali batandi, a be wolu joo la niŋ bataa kuwolu le la.

Yankuba 2:13

Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.

Lankenemoo 13:10

“Niŋ meŋ ñanta taa la mutoo kono, a be taa la mutoo kono le. Niŋ meŋ ñanta faa la niŋ hawusaroo* la, a be faa la niŋ wo le la.” Wo mu wakiilindiri kumoo le ti Alla la moo senuŋolu ye, fo ì si wakiili ì la lannoo kono.

Lankenemoo 16:6

Moolu mennu ye i la moo senuŋolu yeloo boŋ, a niŋ annabiyomoolu yeloo, ite naata ì mindi niŋ yeloo le la. Ì jarita kuluuroo meŋ na, ì naata a soto le.”

Lankenemoo 19:2

A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”

Kiitindirilaalu 1:7

Bituŋ Adoni-Beseki kumata ko, “Alla ka juloo le joo n to. Mansakee taŋ woorowula nene tarata m fanaa koto le, ŋa mennu bulukumbaalu niŋ ì sinkumbaalu kuntu. Ì ka tara domoritoo sikoo le la n na taabuloo koto.” Bituŋ ì ye a samba naŋ Yerusalaamu, a faata wo le to.

1 Samuweli 15:33

Bari Samuweli ko, “Ko i la hawusaroo ye musoolu ke dintaŋo ti ñaameŋ, saayiŋ i fanaa baamaa be ke la dintaŋo ti wo le ñaama musoolu kono.” Wo to le Samuweli ye Akaki kuntuŋ-kuntuŋ Yaawe ñaatiliŋo la Kilikali.