Yoweli 3:4 - Mandinka Bible

⁴ “Tire niŋ Sodomu saatewolu ka taa fo Filisitini tundoolu bee, ali ye muŋ haaji le soto m bala? Fo ŋa julu le duŋ ali la baŋ, ali be n joo kaŋ meŋ na? Niŋ ali be julujoo le la, m be ali la julujoo murundi la ali kaŋ ne waati kiliŋ, a ye donko ali faŋo kuŋo kaŋ ñaabiti niŋ ñaayele teema.

Yoweli 3:4 Mawu Ofanana

2 Taarika 21:16

Bituŋ Yaawe ye a ke, Filisitinkoolu niŋ Araaboolu mennu be Kusi* maafaŋo la kamfaata Yehoramu kamma.

Yesaya 14:29

Alitolu Filisitinkoolu, ali kana seewoo ko, dokoo meŋ ka ali buutee, katita le. Ka bo wo dokoo bala, daŋaroo le be wuluu la, niŋ a ye kiloo teyi, capatoo le be finti la.

Yesaya 34:8

Yaawe ye kiisandiroo parendi Siyoni* ye le, aniŋ saŋo meŋ na a be a la kuwo makatoo bayi la.

Yesaya 59:18

Ì ye kuu jawoolu ke ñaameŋ, a be ì joo la wo le ñaama: A be a la kamfaa juloo joo la a jawoolu to le, yankankatoo, a sookilaalu ye, a be banku jamfariŋolu joo la ì ñaama le.

Yeremiya 47:1

Yaawe* la ñiŋ kumoo le naata Annabilayi Yeremiya kaŋ Filisitinkoolu la kuwo to, janniŋ Firawoona ka ì la saatewo Kaasa kele:

Yeremiya 47:4

Kaatu luŋo siita le silaŋ, ka Filisitinkoolu bee kasaara, aniŋ ka ì la kana moolu bee faa, mennu si Tire niŋ Sidoni maakoyi. Nte Yaawe pareeta le ka Filisitinkoolu kasaara, mennu bajonkita naŋ ka bo Kireti baajooyoo to.

Yeremiya 51:6

Yaawe ko a la moolu ye ko: “Ali bori ka finti Babiloni, moo-wo-moo ye a faŋo niyo tankandi, fo ali kana kasaara ñoo la a kuluu tumoo, kaatu ñiŋ mu nte Yaawe la julujoo waatoo le ti, m be a joo la meŋ na.

Yoweli 2:10

Bankoo ka jarajara ì ñaatiliŋo la le, saŋo ye maamaŋ, karoo niŋ tiloo ye dibi, looloolu ye i dahaa maloo la.

Yoweli 2:2

Luŋ dibiŋ, dibi fiŋ diboo, tawali fiŋo ye dulaa bee dibindi. Ko ñiŋ dibi fiŋo ye konkoolu muuri, kelediŋ jamaa coomanta naŋ, ì niŋ sembe baa, a siifaa ñoŋo nene maŋ soto, a ñoŋo nene te soto la.

Matiyu 11:21

A ko, “Kooroo be alitolu Korasininkoolu ye! Kooroo be alitolu Betisayidankoolu ye! Kaatu kaawakuwolu mennu keta nuŋ ali la saatewolu kono, niŋ a ye a tara, wolu keta Tire niŋ Sidoni saatewolu le kono, tennuŋ ì banta booto funtoolu duŋ, ì ye seebuutoo maa, ka ì la tuuboo yitandi.

Matiyu 11:22

Bari m be a fo la ali ye, kiitiiluŋo la, kuwo be sooneeyaa la Tire niŋ Sidoni le ye ka tambi alitolu la.

Luka 10:13

“Kooroo be alitolu Korasininkoolu ye! Kooroo be alitolu Betisayidankoolu ye! Kaatu kaawakuwolu mennu keta nuŋ ali la saatewolu kono, niŋ a ye a tara, wolu keta Tire niŋ Sidoni saatewolu le kono, tennuŋ ì siita, ì ye booto funtoolu duŋ, ì ye seebuutoo maa, ka ì la tuuboo yitandi.

Luka 10:14

Bari kiitiyo be sooneeyaa la Tire niŋ Sidoni le ye ka tambi alitolu la.

Luka 18:7

Wo to, fo Alla te a la tomboŋ moolu la hakoo dii la ì la baŋ, mennu ka kumboo a ma suutoo niŋ tiloo? Fo a be mee la le baŋ, janniŋ a be ì maakoyi la?

Kiilaalu 9:4

Bituŋ a boyita bankoo to, a ye diyaamukaŋo moyi, meŋ ko a ye ko, “Sawulu, Sawulu, muŋ ne ye a tinna i ka n toorandi?”

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.

2 Tesalonikankoolu 1:6

Baawo a koyita le ko, Alla tilinta le, aduŋ moolu mennu ka ali batandi, a be wolu joo la niŋ bataa kuwolu le la.

Kiitindirilaalu 11:12

Bituŋ Yefuta ye kiilaalu kii Ammoninkoolu la mansa kaŋ ka a fo a ye ko, “Muŋ ne dunta nte niŋ ite teema, fo i be naa n kaŋ ka n na bankoo kele?”