Yoweli 3:16 - Mandinka Bible

¹⁶ Yaawe bumbunta ko jatoo ka bo naŋ Siyoni*, a ye kaŋo dii ka bo Yerusalaamu, saŋo niŋ bankoo jarajarata. Bari Yaawe faŋo le mu a la moolu ye tankadulaa ti, tata bambandiŋo, Banisirayilankoolu ye.

Yoweli 3:16 Mawu Ofanana

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Jabuuroolu 29:11

Allamaa Yaawe ye semboo dii a la moolu la. Allamaa Yaawe ye neema a la moolu ma kayiroo la.

Jabuuroolu 61:3

Bayiri ite le mu n tankandilaa ti, i mu n ye tata bambandiŋo le ti n jawoolu ñaato.

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.

Yesaya 33:16

wo le be ke la moo ti, meŋ be tara la tankoo kono. Tatoo meŋ be konkoo kaŋ, be ke la a ye tankaraŋo le ti. A be domoroo soto la le, aduŋ jiyo te a dasa la.

Yesaya 33:21

Yaawe be a la sembe waroo yitandi la ǹ na jee le to. Baa fanuŋo aniŋ boloŋ baa be tara la jee le. Bari hani wo ǹ jawoolu te kele kuluŋolu jiba noo la jee, sako kuluŋ baalu si tambi jee.

Yesaya 42:13

Yaawe niŋ semboo le be naa ko niŋ kelejawaroo be taa keloo la. A be pareeriŋ ne, a be korontoriŋ keloo kamma le. A ka sari kendeke le, a ka a semboo yitandi a jawoolu la.

Yesaya 51:16

Nte le ŋa n na kumoo duŋ ali daa, ŋa m buloo biti ali kaŋ ka ali tanka. Nte le ye saŋ fatoolu ke ì dulaa to, ŋa bankoo fondamaŋo laa, n ko Siyoninkoolu ye ko, ‘Alitolu le mu n na moolu ti.’ ”

Yeremiya 16:19

Hee Yaawe, ite le mu n jikiraŋ semboo ti, aniŋ n na tata bambandiŋo, i mu n tuukuraŋo ti mantooroo waatoo kono. Banku koteŋ moolu be naa i kaŋ ne ka bo naŋ duniyaa daŋolu to, ì ye a fo ko: “Ntolu la alifaa foloolu maŋ keetaafeŋ soto fo jalaŋ kenseŋolu, jalaŋ kenseŋolu, nafaa te mennu la.

Yeremiya 17:17

Kana ke n ye kooroo saabubaa ti, ite le mu n ye maabodulaa ti maasiiboo luŋo la.

Esekiyeli 38:19

N daalita n na kamfaa dimbaamaa kono, wo luŋo la banku jarajara baa le be ke la Banisirayila bankoo kaŋ.

Hoseya 11:10

Niŋ nte Yaawe bumbunta ko jatoo, n na moolu be bula la n nooma le. Niŋ m bumbunta, n diŋolu kijafaratoo si naa, ka bo tilijii karoo la.

Amosi 1:2

Amosi ko, “Yaawe* kamfaatoo daalita Siyoni* Konkoo kaŋ Yerusalaamu, komeŋ niŋ jatoo bumbunta. Beeyaŋ daañini dulaa ñaamoo bee jaata, Karimeli Konkoo kaŋ bee norota.”

Amosi 3:8

Niŋ jatoo bumbunta, jumaa le te sila la? Niŋ Maarii Yaawe diyaamuta, jumaa le si a la kumakaŋo bankewo baayi noo?

Nahumu 1:7

Yaawe beteyaata le, tankandirilaa, maasiiba waatoo la. A ka moolu le kanta mennu ka ì jikoo loo ate doroŋ kaŋ.

Hakayi 2:6

Yaawe Alihawaa Maariyo le ye ñiŋ fo ko, “Waatindiŋ wucoo kono, m be saŋ fatoolu niŋ duniyaa jiijaa la le, aniŋ fankaasoo niŋ bankoo.”

Hakayi 2:7

Yaawe Alihawaa Maariyo le ye ñiŋ fo ko, “M be duniyaa bankoolu bee le maamandi la, fo ì la naafuloo bee si naa jaŋ, aduŋ m be ñiŋ buŋo konoo bee le kallankeeyandi la ì la naafuloo la.”

Jakariya 10:12

M be ì bambandi la nte Yaawe la kuwo to le, ì ye taama n too la.” Yaawe le ye a fo.

Jakariya 10:6

“M be Yahuuda moolu bambandi la le, ŋa Yusufa koomalankoolu kiisa. M be ì murundi la naŋ ne, kaatu m baloo faata ì ye le. Ì si ke ko, n nene maŋ m baŋ nuŋ mennu to. Nte le mu Yaawe ti, ì la Alla, m be ì la duwaa jaabi la le.

Jakariya 9:12

Alitolu mutamoolu, ali niŋ jikoo, ali muru naŋ ali la saatee tatariŋo kono. Bii m be ñiŋ laahidi la ko, ali la niitoora-wo-niitoora, m be a jooseyi la neemoo la le ko siiñaa fula.

Hiburunkoolu 12:26

Nunto, Alla la kumakaŋo ye bankoo jiijandi le, bari saayiŋ, a laahidita le ko, “Siiñaa kiliŋ koteŋ be naa, n te bankoo dammaa jiijandi la, bari saŋ fatoolu fanaa.”

Lankenemoo 11:13

Jee niŋ jee, banku jarajara baa keta, aduŋ saatewo la talaadaa tanjaŋo bee kasaarata. Moo wuli woorowula le faata wo banku jarajaroo kono. Bituŋ moo toomaalu mennu tuta baluuriŋ, ì silata baake, aduŋ ì ye Arijana Maariyo la semboo niŋ waroo jayi.

Lankenemoo 11:19

Bituŋ Alla Batudulaa Buŋo yeleta Arijana kono, aduŋ Kambeŋ Kunewo* jeta, meŋ be a kono. Saŋ ŋalasoolu, saŋ feteŋolu, saŋ kumakaŋolu, aniŋ banku jarajaroo keta, saŋ bere baalu naata boyi duniyaa kono.

Lankenemoo 16:18

Wo to le saŋ ŋalasoolu, saŋ kumakaŋolu niŋ saŋ feteŋolu keta, aniŋ banku jarajara baa, moo nene maŋ meŋ ñoŋo je duniyaa kono. Wo banku jarajaroo warata baake le!

1 Samuweli 15:29

Alla meŋ mu Banisirayila la waroo niŋ horomoo ti buka faniyaa fo, waraŋ ka a hakiloo faliŋ, kaatu a maŋ ke hadamadiŋo ti. A ye meŋ londi, a buka wo baayi.”