Yoweli 3:12 - Mandinka Bible

¹² Yaawe ko: “Alitolu bankoolu, ali wuli naŋ, ali ye naa Yehosafati Wulumbaŋo to. M be sii la jee le to, ka dandanna bankoolu bee kiitindi.

Yoweli 3:12 Mawu Ofanana

2 Taarika 20:26

Tili naaninjaŋo, ì bee benta Beraka Wulumbaŋo kono ka Yaawe tentu. Wo le ye a tinna ì ka jee kumandi Beraka Wulumbaŋ ne la hani bii.

Jabuuroolu 7:6

Hee Yaawe, wuli i la kamfaa kaŋ, i ye loo n jawoolu kamma, ì niŋ ì la jusukandoo. N na Alla, maamaŋ. Ite ye kiitiiteyi koyiriŋo le kaniŋ.

Jabuuroolu 96:13

ka suukuwo laa Yaawe ye, kaatu a be naa le, a be naa ka duniyaa kiitindi. A be duniyaa moolu kiitindi la tiliŋo niŋ tooñaa le la.

Jabuuroolu 98:9

ì ye suukuwo laa Yaawe ñaatiliŋo la. A ka naa duniyaa kiitindi le, a be duniyaa moolu kiitindi la tiliŋo niŋ tooñaa le la.

Yesaya 2:4

A be kiitiyo kuntu la bankoolu teema le, aduŋ a be fitinoo daa faa la moo jamaa ye. Ì be ì la hawusaroolu* tunkaŋ na le, ka ì ke senedaboolu ti, ì la sooroolu ye ke katirilaŋolu ti. Banku te hawusari sika la banku kamma, sako ì si moo karandi keloo keñaa la kotenke.

Yesaya 22:1

Kiilaariyaa kumoo fele, ŋa meŋ je wulumbaŋo la kuwo to. Ali ka muŋ maañaa le ke teŋ, ka sele buŋ santo teruriŋolu* kaŋ ka juuraloo ke?

Yesaya 3:13

Yaawe ye a la siiraŋo taa kiitiidulaa to le, aduŋ a pareeta le ka bankoolu kiitindi.

Esekiyeli 30:3

Yaawe la luŋo sutiyaata naŋ ne. A luŋo siita naŋ ne, a be ke la tooroo luŋo le ti. A be ke la diboo waatoo le ti. Wo le be ke la duniyaa bankoolu la kasaaroo luŋo ti.

Esekiyeli 39:11

“Wo luŋo la, Kooki be baadee dulaa soto la Banisirayila bankoo kaŋ ne. A be tara la Abarimu Wulumbaŋo le kono, meŋ be Koojii Baa tilibo karoo la. Ì la kaburoolu be siyaa la le, fo labaŋo la ì si taamalaalu la siloo suki. Kaatu Kooki niŋ a la wo kafoo bee be baadee la jee le to. Ì be jee toolaa la Hamoni-Kooki Wulumbaŋo le la.

Yoweli 3:14

Moo wuliwuloolu, kiitii wulumbaŋo to! Yaawe la luŋo sutiyaata naŋ kiitii wulumbaŋ ne.

Yoweli 3:2

M be bankoolu bee le kafu la ñoo ma, ŋa ì samba naŋ Yehosafati Wulumbaŋo to. N niŋ ì ye duŋ kiitiyo kono jee, kaatu ì ye m faŋo la moolu, Banisirayilankoolu janjandi bankoolu kaŋ ne taariŋ, ì ye n na bankoo talaa ñoo teema.

Mika 4:3

A be kiitiyo kuntu la bankoolu teema, aduŋ ate le fanaa be fitinoo daa faa la banku sembemaalu teema, ka taa fo dulaa jaŋ. Ì be ì la hawusaroolu* tunkaŋ na le ka ke senedaboolu ti, ì la sooroolu ye ke katirilaŋolu ti. Banku te hawusari sika la banku kamma, sako ì si moo karandi keloo keñaa la kotenke.

Jakariya 14:4

Wo luŋo la, a siŋo be tara la looriŋ Olifu Konkoo kaŋ ne, meŋ be Yerusalaamu tilibo karoo la. Konkoo ñiŋ be fara la teema le ka bo tilibo ka taa tilijii. Talantewo be ñori la maraa karoo la, talantee doo ye ñori bulubaa karoo la. Wulumbaŋ fanuŋ baa ye tara ì teema.

Lankenemoo 19:11

Bituŋ ŋa Arijana je yeleriŋ, suu koyoo be jee. A borindilaa meŋ be siiriŋ a kaŋ, a ka kumandi Foroo niŋ Tooñaa le la. A ka kiitiyo niŋ keloo ke niŋ tiliŋo le la.