Yoweli 2:6 - Mandinka Bible

⁶ Biriŋ ì coomanta, moo bee kijoo teyita, ñaadaalu bee yelemata.

Yoweli 2:6 Mawu Ofanana

Jabuuroolu 119:83

M fasata le komeŋ niŋ sufura bootoo meeta siisiyo kono, hani wo m maŋ ñina i la luwaalu la.

Yesaya 13:8

Silaŋ baa be duŋ na ì la le, dimiŋo niŋ niitooroo ye i miniŋ ì la. Ì be ŋuntaŋ na le ko, niŋ musoo be tiŋo to. Ì kija kuntutoo be ñoo juubee la le, ì ñaadaa ye yelema silaŋo kamma.

Yeremiya 30:6

Ali ñininkaaroo ke, ali ye a juubee baŋ, muna kewo si deenaanoo wuluu noo? Wo to muŋ ne ye a tinna ŋa kee kanaŋ-wo-kee kanaŋ je, a buloo be a konoo to, ko tiŋ ye musu maa? Muŋ ne ye moo bee ñaadaa yelemandi, ko saata kuurantoo?

Yeremiya 8:21

Bayiri n na moolu le toñonkata, m fanaa toñonkata le. N ka kumboo le, niitooroo ye duŋ n na.

Niikuyaa Suukuwolu 4:8

Ì fele, ì naata fiŋ ko kemboo, moo buka ì suutee mbeedoolu kaŋ, ì balafatoo jaata ì kuloolu bala, a jaata ko loo jaaroo.

Nahumu 2:10

Ninewe teyita, a kenseŋyaata, a kasaarata. A moolu kijoo teyita, fo ì kumbaliŋolu ka busa ñoo la. Ì semboo bee taata, ì niyo kuyaata fo ì ñaadaa yelemata.

Nahumu 2:11

Ì la saatewo keta ñaadii le, meŋ ka muluŋ nuŋ ko jata koloo, jatadiŋolu daañini dulaa, jatoolu sabatidulaa, jatamusoolu niŋ jatadiŋolu, daameŋ moo buka haañi ka ì waliŋ jee?