Yoweli 2:23 - Mandinka Bible

²³ “Siyoni moolu, ali kontaani, ali ye seewoo Yaawe la kuwo la, ali la Alla. A la beteyaa kaŋ, a ye samaajiyo dii ali la, a ye jiyo boŋ ali ye naŋ fo a fuumata, samaa foloo jiyo aniŋ samaa labaŋ jiyo, ko a be nuŋ ñaameŋ.

Yoweli 2:23 Mawu Ofanana

1 Mansoolu 8:36

Bituŋ i si i lamoyi ka bo Arijana kono, aduŋ i si yamfa i la dookuulaalu la junuboo la, i la moolu Banisirayilankoolu. I si ì karandi ka taama kuu kendoo la, aduŋ i si sanjoo jindi naŋ bankoo kaŋ i ye meŋ dii i la moolu la ka ke ì la keetaafeŋo ti.

Yuuba 33:23

Tumandoo, malaayikoo si tara noo Alla la malaayika wuliwuloolu kono le, ka tara a niŋ hadamadiŋolu teema, meŋ be hadamadiŋo yaamari la kuu kendoo la.

Yuuba 37:13

Alla le ka samaajiyo jindi naŋ duniyaa kono, tumandoo a si ke moolu ye jaraboo ti, tumandoo a ye ke ì ye neemoo ti.

Jabuuroolu 104:34

Allamaa n na miiroo ye Yaawe kontaani, kaatu a la kuwo le ka n seewondi.

Jabuuroolu 147:8

A ka saŋo bala bee ke tawaloolu le ti, a ye sanjoo jindi naŋ bankoo kaŋ, a ye ñaamoo falindi konkoolu kaŋ.

Jabuuroolu 149:2

Banisirayilankoolu, ali jusulaa ali Daamansoo la kuwo to. Siyoni* moolu, ali seewoo ali la Mansa la kuwo to.

Jabuuroolu 28:7

Yaawe le mu n semboo ti, aniŋ n na tankaraŋ koteeroo*, n jikita a la niŋ n sondomoo bee le la. A ye m maakoyi le, aduŋ n jusulaata baake le. Wo kamma la, m be a tentu la niŋ suukuwolu le la.

Jabuuroolu 32:11

Alitolu mennu tilinta, ali kontaani ka seewoo Yaawe la kuwo to. Tiliŋo be alitolu mennu sondomoo kono, ali seewoo kendeke.

Jabuuroolu 84:6

Niŋ ì be tambi la Baka, wo wulumbaŋ jaaroo kono, a ka ke ì ye woyoolu le ti, aduŋ samaajii foloo ka a bee neemandi le.

Kuma Kotoomaalu 16:15

Niŋ mansa ñaalantoo be diyaariŋ, wo mu baluwo le ti, aduŋ a la beteyaa ka muluŋ ne ko tawaloo meŋ ka samaa naati.

Yesaya 30:21

Niŋ ali jenketa ka bo siloo kaŋ, bulubaa la waraŋ maraa la, ali tuloo be a kumakaŋo moyi la ali kooma le ko, “Ñiŋ ne mu siloo ti, ali taama niŋ a la.”

Yesaya 30:23

Yaawe be samaa jindi la ali la fiifeŋolu kaŋ ne, siimaŋo meŋ be faliŋ na bankoo kaŋ si beteyaa, a ye siyaa. Wo luŋo la, ali la ninsi koorewolu be daañiniŋo ke la dulaa fanuriŋ baalu le to.

Yesaya 41:16

Ali be ì fayi la foñoo kono le, ì ye janjaŋ, burufatoo ye ì tindi. Wo to ali be kontaani la le, kaatu nte le mu Yaawe ali la Alla ti, ali be nte Banisirayila la Senuŋ Baa jayi la le.

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

Yeremiya 3:3

Wo le ye samaa foloo jiyo bali naa la, aniŋ samaa labaŋ jiyo. Bari hani wo, cakoo la ñaajaa le be i la, i buka malu fereŋ.

Yeremiya 5:24

Ì buka ñiŋ miira ì sondomoolu kono ko, ‘M̀ batu ŋà sila Yaawe ǹ na Alla la, ate meŋ ka samaajiyo dii a waatoo la, samaa foloo jiyo, samaa labaŋ jiyo, ka katiri sanjaanoolu jikoo dii ǹ na.’ ”

Niikuyaa Suukuwolu 4:2

Siyoni* diŋ kende-kendoolu, ì niŋ saniforoo le be temberiŋ, ì ye wolu le muta potoo daandiŋo ti teŋ, boodaalaa buloo ka meŋ daa!

Esekiyeli 34:26

M be wo dulaalu aniŋ n na konko senuŋo* niŋ a dandaŋolu bee ke la ì ye neemoo le ti, aduŋ m be n na samaa neemoo dii la ì la a waatoo le la. M be neemoo sanjimaa le boŋ na ì kaŋ.

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”

3 Musa 26:4

m be kali samaajiyo dii la ali la a waatoo la le. Bankoo ye neema ka fiifeŋolu bondi, bankoo yiroolu ye neema, ka diŋ a ñaama.

Amosi 4:7

Ŋa ali bali samaa fanaa la, biriŋ sanjaanoo dasata kari saba. N ka samaa ke saatee doo to, ŋa saatee doo bali. Samaa ka ke kunku doo to, doo buka a soto, a ye jaa.

Jakariya 10:1

Ali Yaawe* daani samaajiyo la a waatoo la, ate meŋ ka tawaloolu dadaa. Ali a daani, ate meŋ ka samaajiyo jurumi naŋ ali ye, a ye moo bee la kunkoo fiifeŋolu falindi.

Jakariya 10:7

Efurayimu* moolu si ke ko kelejawaroolu, ì ye seewoo, ko meŋ ye wayinoo* miŋ. Ì diŋolu si ñiŋ je, ì fanaa ye jusulaa. Ì niyo si seewoo nte Yaawe la kuwo to.

Jakariya 9:13

Ŋa Yahuuda ŋooji le ka ke n na kaloo ti, ŋa Efurayimu ke n na kalabeñoo ti. M be Siyoni dinkewolu ke la le ko kelejawaroo la hawusaroo*, ka Jirisi bankoo dinkewolu kele.”

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Kiilaalu 14:17

Bari hani wo, a ka yita le ko ate be keriŋ ne, kaatu a ka tu kuu betoolu ke la ali ye le. A ka samaajiyo dii ali la, a ka ke ali ka katiroo ke a waatoo la, a ka ali daañini, aniŋ ka ali sondomoolu fandi niŋ seewoo la.”

5 Musa 11:14

Niŋ ali ye wo ke, a be samaajiyo dii la ali la a waatoo la le, samaa foloo jiyo aniŋ samaa labaŋ jiyo, fo ali si siimaŋ kese jamaa soto, wayini* yiridiŋolu aniŋ olifu* tuloo.

5 Musa 28:12

Yaawe be saŋo palanteeroolu yele la ali ye le ka sanjiyo jindi ali la bankoo kaŋ a waatoo la. A be neema la ali ma ali la kata kuwolu bee le to. Banku koteŋo moolu le be juloo taa la alitolu bulu, bari alitolu nene te julu taa la moo bulu.

5 Musa 32:2

Allamaa n na karandiroo ye jii ali kaŋ ko sanjiyo, m fokumoolu ye ke ko komboo, ko samaa jiyo ñaamoolu kaŋ, ko sanji yofuyofoo fiifeŋ mereŋolu kaŋ.

Filipinkoolu 3:1

M baadiŋolu*, labaŋo la, ali seewoo Maariyo kono! Nte te pasi la ka ñiŋ kuwolu seyinkaŋ safee ali ye, aduŋ wo mu alitolu ye nafaa le ti.

Filipinkoolu 3:3

Ntolu le mu moolu ti, mennu ye sunna tooñaa soto, baawo ǹ ka Alla batu le ka bo niŋ a la Nooroo la, aduŋ ǹ ka kibiri Kiristu* Yeesu le la kuwo la. M̀ buka ǹ jikoo loo ǹ na hadamadiŋyaa kuwolu kaŋ,

Filipinkoolu 4:4

Ali kali tu seewooriŋ Maariyo kono! Aduŋ m be a fo la kotenke, ali seewoo!