Yoweli 2:22 - Mandinka Bible

²² Alitolu beeyaŋolu, ali kana sila, kaatu wuloo ñaamoo bee be jambakereriŋ ne, yiroolu dinta, sooto suŋolu niŋ wayini yiroolu dinta a ñaama.

Yoweli 2:22 Mawu Ofanana

1 Musa 4:12

Niŋ i ye senoo ke bankoo kaŋ, a senefeŋolu te beteyaa la i ye kotenke. I be tu la yaayoo le la duniyaa kono ka ke tumarankewo ti.”

Jabuuroolu 36:6

I la kiitiyolu be looriŋ tooñaa le kaŋ, ì bambanta le ko konkoolu, ì diinonta ko fankaasoo. Hee Yaawe, hadamadiŋolu bee la tankoo be ite le bulu, aniŋ daafeŋolu.

Jabuuroolu 65:12

Beeyaŋ daañini dulaa ka tara tibariŋ ñaamoo le la. I ka konkoolu dandaŋo bee seewondi le.

Jabuuroolu 65:13

Saajiyolu ka tara faariŋ kenoolu kono le, i ye wulumbaŋolu bee kono ke siimaŋolu ti. Feŋo bee ka tara seewooriŋ ne, ì ka ì kaŋo bula ñoo la ka suukuwo laa.

Jabuuroolu 67:6

Bankoo ye fiifeŋ betoolu wuluu kendeke le, ǹ ka Alla meŋ batu, a neemata m̀ ma le.

Yesaya 51:3

Tooñaa-tooñaa, Yaawe be Siyoninkoolu* sabarindi la le, aduŋ a be balafaa soto la ì ye le, ì la saatewo tumbunta ñaameŋ. A be ì la wuloo ke la le ko Edeni naakoo, ì la keñewuloo* ye ke ko Yaawe la naakoo. Ì be seewoo niŋ kontaanoo soto la jee le, ì ye Alla tentu niŋ suukuulaa la.

Esekiyeli 36:30

M be a ke la le ali la yiroolu ye diŋ kendeke, ali la kunkoolu ye siimaŋ kese jamaa soto, i si a je ali te konko la ka malu, bankoolu bee teema.

Esekiyeli 36:35

Ì be a fo la le ko, ‘Ñiŋ dulaa meŋ kenseŋyaata nuŋ, a fele, a naata ke ko Edeni naakoo. Aduŋ wo saatee tumbundiŋolu fele, ì naata ì tatoolu lookuu aniŋ ì be faariŋ moolu la ñaameŋ!’

Esekiyeli 36:8

Yaawe ko: “Alitolu Banisirayila konkoolu, ali la yiroolu be buloolu fayi la le ka diŋ n na moolu Banisirayilankoolu ye, kaatu sambii ì be seyi la naŋ suu.

Yunusa 4:11

Bari moolu mennu be Ninewe, ì siyaata moo wuli keme niŋ wuli muwaŋ ti le, mennu maŋ ì bulubaa niŋ ì maraa bo ñoo to, aniŋ daafeŋolu fanaa. Fo ñiŋ saatee baa la kuwo maŋ ñaŋ na n dewuŋ na baŋ?”

Hakayi 2:16

ali tarata nuŋ ñaadii le? Niŋ moo-wo-moo naata siimaŋ bajoo to, a be jikiriŋ ko a be sumandaŋ muwaŋ ne soto la, a ka taŋ doroŋ ne soto. Niŋ a naata wayini bata baa to ka sumandaŋ taŋ luulu bii, a ka muwaŋ doroŋ ne soto.

Jakariya 8:12

Ali be fiiroo ke la kayiroo kono le, wayini* yiroolu ye diŋ kendeke. M be ali la bankoo barakandi la le, saŋo ye sanjiyo jindi. Ñiŋ bee be ke la alitolu moo toomaalu le taa ti.

1 Korintinkoolu 3:7

Wo kamma la, meŋ ka tuturoo ke, waraŋ meŋ ka jiibondiroo ke, wolu maŋ ke feŋ ti, bari Alla doroŋ, meŋ ka falindiroo ke.