Yoweli 2:17 - Mandinka Bible

¹⁷ Piriisoolu*, Yaawe la dookuulaalu, ali kumboo batudulaa pereŋo niŋ sadaajanidulaa* teema. Ali si a fo, “Yaawe, dukaree, hiina i la moolu la. Itolu le mu i taa ti, kana ì ke jutunna feŋo ti, ka ì ke banku koteŋolu ye jelefeŋo ti. Muŋ ne be a tinna la ì be a fo la ko, ‘Ì la Alla lee?’ ”

Yoweli 2:17 Mawu Ofanana

1 Mansoolu 6:3

Buŋo ñaato pereŋo konoo la fanoo kaañanta simfaañaa taŋ niŋ luulu le fee, a karoo la jamfoo kaañanta simfaañaa taŋ saba le fee. Ñiŋ pereŋo karoo la jamfoo niŋ Alla Batudulaa Buŋo faŋo ñaatiliŋo le kaañanta.

1 Mansoolu 9:7

wo to m be Banisirayilankoolu buruka la bankoo kaŋ ne ŋa meŋ dii ì la, aduŋ m be n koo dii la ñiŋ buŋo la le, ŋa meŋ seneyandi n too ye. Bituŋ Banisirayilankoolu si ke jelefeŋo niŋ jutunna moolu ti moolu bee kono.

2 Taarika 7:20

wo to m be ali wutu la bankoo kaŋ ne, ŋa meŋ dii ali la, aduŋ m be n koo dii la ñiŋ buŋo la le, ŋa meŋ seneyandi n too ye. A si ke moolu bee ye jelefeŋo niŋ jutunna feŋo ti.

2 Taarika 8:12

Bituŋ Sulemani ka jani sadaalu* bo sadaajanidulaa* kaŋ Yaawe ye, a ye meŋ loo Alla Batudulaa ñaatiliŋo la.

Nehemiya 9:36

“Bari a fele baŋ, m̀ mu joŋolu le ti bii. Ǹ keta joŋolu ti bankoo kaŋ, i ye meŋ dii m̀ mumuñolu la, ñiŋ kamma la ì si a tinewo domo, aniŋ a ka feŋ kendoolu mennu wuluu.

Jabuuroolu 115:2

Muŋ ne ye a tinna sii koteŋolu ka ǹ ñininkaa ko, “Ali la Alla duŋ, a lee?”

Jabuuroolu 42:10

Ì la nendiroolu ka duŋ n na le fo n kuloo kono, bayiri luŋ-wo-luŋ ì ka n ñininkaa le ko, “I la Alla lee?”

Jabuuroolu 42:11

Muŋ ne ye nte jirandi teŋ, n niyo be fitiiriŋ n kono? N ñanta n jikoo loo la Alla le kaŋ, aduŋ m be a jayi la le kotenke, n na Alla, meŋ mu n na Kiisandirilaa ti.

Jabuuroolu 42:3

N ka kumboo le suutoo niŋ tiloo, aduŋ n ñaajiyo doroŋ ne mu n na domoroo ti. N jawoolu ka tu la a fo la n ye le ko, “I la Alla lee?”

Jabuuroolu 42:4

Niitooroo le ka faa n kono niŋ n hakiloo bulata koomanto la, n niŋ moo jamaalu ka taa Alla Batudulaa Buŋo* to ñaameŋ. N ka tambi ì ñaato le, ka tara suukuwo laa kaŋ santo niŋ seewoo la, ka Alla tentu juurali waatoo la.

Jabuuroolu 74:10

Hee Alla, janniŋ muŋ tuma le ǹ jawoolu be tara la i ñaawali la? Fo ì be tu la i neŋ na le baŋ fo fawu?

Jabuuroolu 79:10

Muŋ ne be a tinna bantala banku* moolu be a fo la ko, “Ì la Alla lee?” I la dookuulaalu yeloo boŋo juloo joo bantala banku moolu to, ǹ ñaa ye a je.

Jabuuroolu 79:4

Ǹ keta ǹ dandanna banku moolu ye jutunna moolu le ti, ì ka ǹ ñaawali ka jele ǹ na.

Jabuuroolu 89:41

Moolu mennu bee ka tambi, ì ka a la feŋolu ñapinkaŋ ne. A dandanna moolu ye a ke jelefeŋo le ti.

Jabuuroolu 89:51

Yaawe, i jawoolu ye i la tomboŋ mansa neŋ ne, a taata daa-wo-daa ì ka a neŋ ne.

2 Musa 34:9

A ko, “Yaawe, tooñaa-tooñaa, niŋ n na kuwo ye i jusulaa, wo to i niŋ ǹ si taa ñoo la. Ñiŋ moolu kaŋo jaata ñaa-wo-ñaa, bari yamfa ǹ na kuu kuruŋ kewo la, aniŋ ǹ na junuboolu, i ye m̀ muta ko i fansuŋ moolu.”

Yesaya 22:12

Yaawe Alihawaa Maariyo be lafi la le, ali ye woosii ka kumboo wo luŋo la kuwo la, ali ye ali kuŋo lii ka booto funtoo duŋ, ka ali la niikuyaa yitandi.

Yesaya 37:20

Wo to saayiŋ Yaawe, ǹ na Alla, ǹ tankandi ñiŋ mansa bulu. Niŋ wo keta, duniyaa mansamarali bankoolu bee si a loŋ ko, ite Yaawe doroŋ ne mu Alla ti.”

Esekiyeli 20:9

“Bari niŋ ŋa wo ke nuŋ, wo be ke la n ye tookuyaa le ti bankoolu ye mennu be ì dandaŋolu la, kaatu wolu ye a je le ŋa m faŋ yitandi Banisirayilankoolu la ñaameŋ ka ì bondi naŋ Misira bankoo kaŋ.

Esekiyeli 8:16

Bituŋ a naata n samba Yaawe Batudulaa Buŋo konoto luwo to. Ŋa kee muwaŋ niŋ luulu le tara dundaŋ daa niŋ sadaajanidulaa teema. Ì ñaa be tilindiŋ tiliboo la, ì koo be diiriŋ Yaawe Batudulaa Buŋo la. Ì be sujudi kaŋ tiloo le ye, ka a batu.

Hoseya 14:2

Ali muru Yaawe kaŋ, niŋ ñiŋ kumoo la ko, “Yamfa ǹ na junuboolu bee la, i ye i la hiinoo yitandi ǹ na, fo ǹ si ǹ na jayiroo samba i ye naŋ ko beeyaŋ sadaa*.

Yoweli 1:13

Alitolu piriisoolu, ali booto funtoo duŋ, ali ye woosii, ali kumboo, alitolu Alla la sadaabolaalu. Alitolu, n na Alla la dookuulaalu, ali naa, ali ye suutoo bee ke booto funtoo kono. Siimaŋ sadaa niŋ miŋ feŋ sadaa danta ali la Alla Batudulaa Buŋo to.

Yoweli 1:9

Siimaŋ sadaa* niŋ miŋ feŋ sadaa kuntuta Yaawe Batudulaa Buŋo* to. Piriisoolu* woosiita, Yaawe la dookuulaalu.

Amosi 7:2

Kabiriŋ kuntiŋolu ye fiifeŋolu bee fita bankoo bala fo a seneyaata set, ŋa Yaawe daani ko, “Dukaree m Maariyo, yamfa i la moolu ye, Yaakuba koomalankoolu. Niŋ i maŋ yamfa, ì be baluu noo la ñaadii le, kaatu ì maŋ siyaa?”

Amosi 7:5

Ŋa Yaawe daani ko, “Dukaree m Maariyo, ŋa i daani wo tu jee. Yaakuba koomalankoolu be baluu noo la ñaadii le, kaatu ì maŋ siyaa?”

Mika 7:10

Jawoolu ñaa be boyi la ñiŋ kaŋ ne, aduŋ ì si malu, itolu mennu ka ǹ ñaawali ko, “Ali la Alla Yaawe, a lee?” Ǹ ñaa be boyi la ì la kooroo kaŋ ne, aduŋ a si ke ǹ ñaa la jaŋ, ko mbeedikaŋ buutoo, dori-dori laaloo.

Malaki 1:9

Wo to, ali Alla la hiinoo daani, ka balafaa soto ǹ ye. Fo Yaawe Alihawaa Maariyo be ali la kuwo muta la le baŋ, ñiŋ sadaa siifaalu bondoo la?

4 Musa 25:6

Musa niŋ Banisirayila jamaa moo bee le tarata kumboo la Bendulaa Tiriliisoo* dundaŋ daa to. Wo dulaa faŋo to ì ñaa la, ì ye Banisirayilankoo doo le je, a ye Midiyani musoo samba naŋ, a niŋ a baadiŋolu la tiriliisoo to.

Matiyu 23:35

Wo le ye a tinna yankankatoo be boyi la ali kaŋ moo tilindiŋolu bee yeloo boŋo kamma la, ka bo Haabiila yeloo to ka naa fo Jakariya yeloo to, Berekiya dinkewo, ali ye meŋ faa Alla Batudulaa Buŋo niŋ sadaajanidulaa teema.

Matiyu 27:43

A jikita Alla le la. Wo to niŋ Alla lafita, a si a kanandi, kaatu a faŋo ye a fo le ko, ate mu Alla Dinkewo le ti!”

5 Musa 28:37

A be ke la jee moolu ye masilaŋ kuwo le ti, niŋ ì ye a je meŋ be laariŋ ali kaŋ. Ali si naa ke ì ye jelefeŋo niŋ jutunna moolu ti bankoolu kaŋ, Yaawe be ali bayi la daamennu to.

5 Musa 32:27

Bari ali jawoolu, wolu te a fahaamu la ko, nte Yaawe la keroo le mu. Ì si kibiri, ì ye a fo ko, ‘A fele ŋà Banisirayila noo.’ ”

Yosuwa 7:9

Niŋ Kanaaninkoolu niŋ moo koteŋolu mennu be bankoo kaŋ, ye ñiŋ moyi, ì be naa ñapi la ǹ kaŋ ne, ì ye ǹ toolu buruka duniyaa kono. I be muŋ ne ke la, fo i too la waroo si loŋ?”