Yoweli 2:15 - Mandinka Bible

¹⁵ Ali binoo fee Siyoni, ali suŋ sahayaariŋo londi, ali ye beŋo kili.

Yoweli 2:15 Mawu Ofanana

1 Mansoolu 21:12

Ì ye kankulaaroo ke ka luŋo muta luŋo meŋ moo bee ñanta ka suŋ, aduŋ ì ye Naboti sindi dulaa buuñaariŋ baa to moolu kono.

1 Mansoolu 21:9

A ye kumoolu mennu safee leetaroolu ñinnu kono wo le keta ñiŋ ti ko: Ali kankulaaroo ke ka luŋo muta, luŋo meŋ moo bee ñanta suŋ na. Ali si moolu bendi, aduŋ ali si Naboti sindi dulaa buuñaariŋ baa to.

2 Mansoolu 10:20

Bituŋ Yehu ko, “Ali beŋo kumandi Baali jalaŋo tooyaa la.” Wo le to ì ye a kankulaa.

Yesaya 1:13

Ali i foño ka sadaa kuntaŋo naati. Ali la cuuraayi siisiyo mu n tanoo le ti. Ali la ñiŋ kuruŋyaa beŋolu, ali la Kari Kuta Juuraloo*, Loobula Luŋo, aniŋ diina beŋ koteŋolu, n te ì muña noo la.

Yeremiya 36:9

Yehoyakimu la mansayaa sanji luulunjaŋo kari konontonjaŋo kono le, ì ye a kankulaa ko moo bee si suŋ, fo Yaawe si kaayaa ì ye. Wolu le mu moolu ti mennu be sabatiriŋ Yerusalaamu, aniŋ mennu bota naŋ Yahuuda saatee koteŋolu to taariŋ.

Yoweli 1:14

Ali suŋ sahayaariŋo londi, ali ye beŋo kili. Ali alifaalu bendi Yaawe Batudulaa Buŋo to, ali la Alla, aniŋ bankoo siilaalu bee, ali ye woosii Yaawe ye.

Yoweli 2:1

Ali binoo fee Siyoni*, n na konko senuŋo*, ali a fee maamandiraŋo ti. Bankoo siilaalu bee ye jarajara, kaatu Yaawe* la luŋo ka naa le, a sutiyaata naŋ ne.

4 Musa 10:3

Niŋ ì bee feeta fo waati jaŋ, jamaa moo bee le ñanta kafu la ñoo ma i ñaatiliŋo la Bendulaa Tiriliisoo* dundaŋ daa to.