Yoweli 1:2 - Mandinka Bible

² Alitolu alifaalu, ali i lamoyi ñiŋ na. Ali ali tuloo loo, bankoo siilaalu bee! Fo ñiŋ siifaa nene keta ali tiloo la le baŋ, waraŋ ali mumuñolu tiloo la?

Yoweli 1:2 Mawu Ofanana

Yuuba 12:12

Ì ko, ñaameŋo be keebaayaa le bulu, fahaamuroo be sii jaŋayaa bulu.

Yuuba 15:10

Keebaa kuntiña koyoolu, mennu siyaata i faa ti, wolu le ye ntolu karandi ñaameŋo la.

Yuuba 21:7

Muŋ ne ye a tinna moo kuruŋolu ka baluu noo, ì ye taa fo ì ye keebaayaa, aduŋ ì semboo ka tara lafaa kaŋ?

Yuuba 8:8

Ñininkaaroo ke jamaanoolu la mennu tambita, i ye a juubee, ì la moo foloolu ye muŋ ne je.

Jabuuroolu 49:1

Moolu bee, ali i lamoyi ñiŋ na. Duniyaa moolu bee, ali ali tuloo loo ñiŋ na.

Yesaya 34:1

Alitolu bantala bankoolu*, ali kata naŋ, ali ye i lamoyi. Moolu, ali ali tuloo loo. Duniyaa si a moyi, aniŋ a konokono feŋolu bee, duniyaa aniŋ mennu bee be baluuriŋ a kono.

Yesaya 7:17

Yaawe be mantoora kuu baa le naati la i niŋ i la moolu kaŋ, aniŋ i faamaa koomalankoolu. Ñiŋ mantooroo le be jawuyaa la ka tambi mantooroolu bee la, kabiriŋ Efurayimu bota Yahuuda la karoo la, aduŋ Asiriya mansa le be ñiŋ mantooroo saabu la.

Yeremiya 30:7

Kooni! Wo le be ke la luŋ baa ti. A ñoŋo te soto la. A be ke la Yaakuba koomoo ye jarabi waatoo le ti, bari ì be kiisa la a kono le.”

Yeremiya 5:21

Ali ali tuloo tu ñiŋ to, alitolu toolee hakilintaŋolu. Ñaa be ali la le, bari ali buka i je, tuloo be ali la, bari ali buka i moyi.

Daniyeli 12:1

Malaayikoo ñiŋ tententa ka a fo ko, “Wo waatoo la Mikayeli be finti la le, malaayika kuntii baa, meŋ ka i la moolu kanta. Mantoora waatoo be naa le, meŋ ñoŋo nene maŋ soto kabiriŋ Banisirayilankoolu keta ì fansuŋ bankoo ti, fo ka naa bula wo waatoo la. Niŋ wo waatoo siita, i la moolu mennu toolu be safeeriŋ baluwo kitaaboo kono, wolu be tanka la le.

Hoseya 4:1

Alitolu Banisirayilankoolu, ali ali tuloo loo Yaawe* la kumakaŋo la. Yaawe ye Banisirayila siilaalu tuumi ñiŋ ne la ko: “Ñiŋ bankoo kaŋ, foroyaa te keriŋ waraŋ tiliŋo, fo Alla lombaliyaa doroŋ.

Hoseya 5:1

Yaawe* ko: “Alitolu piriisoolu*, ali ali tuloo loo ñiŋ na! Banisirayilankoolu, ali ali hakiloo tu ñiŋ to! Mansabuŋo moolu, ali i lamoyi! Kiitiyo be alitolu le kaŋ, kaatu ali keta kutindiŋo le ti Misipa, ali keta jaloo ti ka wanka Tabori Konkoo kunto.

Yoweli 1:14

Ali suŋ sahayaariŋo londi, ali ye beŋo kili. Ali alifaalu bendi Yaawe Batudulaa Buŋo to, ali la Alla, aniŋ bankoo siilaalu bee, ali ye woosii Yaawe ye.

Yoweli 2:2

Luŋ dibiŋ, dibi fiŋ diboo, tawali fiŋo ye dulaa bee dibindi. Ko ñiŋ dibi fiŋo ye konkoolu muuri, kelediŋ jamaa coomanta naŋ, ì niŋ sembe baa, a siifaa ñoŋo nene maŋ soto, a ñoŋo nene te soto la.

Amosi 3:1

Ali i lamoyi alitolu Banisirayilankoolu, alitolu mennu keta moolu ti, Yaawe* ye mennu bondi naŋ Misira bankoo kaŋ. A ye ñiŋ kumakaŋo le fo ali ma, a ko,

Amosi 4:1

Ali ñiŋ kumakaŋo moyi alitolu Samariya musoolu, alitolu mennu be nunkuriŋ ko Basani tundoo ninsoolu, alitolu mennu ye fuwaaroolu toora, ali ye fentaŋolu batandi, alitolu mennu ka doloo kaniŋ ali keeñolu bulu.

Amosi 5:1

Ali ñiŋ kumakaŋo moyi, alitolu Banisirayilankoolu, m be meŋ woosii la teŋ ali la kuwo to,

Mika 1:2

Ali moyiroo ke bankoolu bee, ali bee kewu. Duniyaa niŋ a konokono feŋolu, ali i lamoyi. M Maarii Yaawe faŋo le be seedeyaa la ali la kuwo la, ka bo a taradulaa senuŋo to.

Mika 3:1

Ali i lamoyi m ma, alitolu Yaakuba koomalanka maralilaalu, alitolu Banisirayila ñaatonkoolu. Fo ka a loŋ meŋ mu tiliŋo ti, wo maŋ tu ali faŋo le bulu baŋ?

Mika 3:9

Ali i lamoyi ñiŋ na, alitolu Yaakuba koomalanka maralilaalu, alitolu Banisirayila ñaatonkoolu, alitolu tooñaakoŋ moolu, alitolu mennu ka tooñaa nakari.

Matiyu 13:9

Meŋ ye tuloo soto, a si a moyi.”

Matiyu 24:21

Kaatu wo waatoo le la koleyaa kuu baa be ke la, meŋ ñoŋo nene maŋ ke biriŋ duniyaa datidulaa fo ka naa bula bii la, aduŋ a ñoŋo nene te ke la kotenke.

Lankenemoo 2:7

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, m be siloo dii la wo la le ka domoroo ke ka bo yiroo to, meŋ ka baluwo dii. Wo yiroo be Alla la naakoo le kono.