Yoweli 1:13 - Mandinka Bible

¹³ Alitolu piriisoolu, ali booto funtoo duŋ, ali ye woosii, ali kumboo, alitolu Alla la sadaabolaalu. Alitolu, n na Alla la dookuulaalu, ali naa, ali ye suutoo bee ke booto funtoo kono. Siimaŋ sadaa niŋ miŋ feŋ sadaa danta ali la Alla Batudulaa Buŋo to.

Yoweli 1:13 Mawu Ofanana

2 Samuweli 12:16

Dawuda ye Alla daani a diŋo ye. A sunta, aduŋ a taata a la buŋo kono, a ka suutoolu bee ke laariŋ duuma bankoo le to.

1 Mansoolu 21:27

Kabiriŋ Ahabu ye ñiŋ kumoolu moyi, duŋ feŋolu mennu be dundiŋ a la, a ye ì fara, aduŋ a ye booto funtoolu duŋ ka suŋ. A niŋ booto funtoolu le ka i laa. A ka tara taa kaŋ a niikuyaatoo.

Yesaya 22:12

Yaawe Alihawaa Maariyo be lafi la le, ali ye woosii ka kumboo wo luŋo la kuwo la, ali ye ali kuŋo lii ka booto funtoo duŋ, ka ali la niikuyaa yitandi.

Yesaya 61:6

Alitolu be kumandi la Yaawe la piriisoolu* le la, ì ye ali toolaa Alla la dookuulaalu la. Ali be baluu la niŋ bankoolu la naafuloolu le la, aduŋ ali be tintiŋ na ì la sotofeŋ ñiimaalu le la.

Yeremiya 4:8

Wo kamma la ali booto funtoolu duŋ niikuyaa kamma, ali ye kumboo ka wuuri, kaatu Yaawe la kamfaa baa maŋ bo ǹ kaŋ.

Yeremiya 9:10

M be kumboo la le ka lemba konkoolu ye, ŋa beeyaŋ daañini dulaalu la kuwo saŋawoosii, kaatu ì jaata le ka kenseŋyaa, hani moo buka tambi niŋ jee la, ninsi kumakaŋ buka moyi jee. Kunoolu borita jee la le, aniŋ wulakono daafeŋolu.

Esekiyeli 21:12

“Wo to, ite hadamadiŋo, kumboo fo i ye lemba, kaatu ñiŋ mantooroo meŋ ka naa teŋ, a be laa la n na moolu le kaŋ. Banisirayila maralilaalu niŋ moo toomaalu bee be faa la keloo le to. Wo kamma la, kumboo fo i ka sikisiki, niikuyaa kamma la.

Esekiyeli 27:31

Ì ye ì kuŋolu nunku, ì ye booto funtoolu duŋ, i la kuwo kamma. Ì kumboota i kunna baake le niŋ niikuyaa baa la.

Esekiyeli 7:18

Ì be booto funtoolu le duŋ na ka ì la niikuyaa yitandi, kijafara baa le be duŋ na ì la. Malu kuwo le be moo bee ñaadaa muuri la, ì be ì kuŋolu nunku la maloo kamma le.

Hoseya 9:5

Ali be muŋ ne ke la, ali la juurali looriŋolu la, sako Yaawe la juurali luŋolu?

Yoweli 2:12

Bari hani saayiŋ, Yaawe ko: “Ali muru n kaŋ ali sondomoo bee la, ali niŋ suŋo, kumboo niŋ woosiyo.”

Yoweli 2:14

Jumaa le ye a loŋ? A si ke noo, Yaawe ye a hakiloo faliŋ, a si balafaa soto noo ali ye, a ye neema ali ma siimaŋ jamaa la. Bituŋ ali si siimaŋ sadaa* niŋ miŋ feŋ sadaalu bo noo ali la Alla ye kotenke.

Yoweli 2:17

Piriisoolu*, Yaawe la dookuulaalu, ali kumboo batudulaa pereŋo niŋ sadaajanidulaa* teema. Ali si a fo, “Yaawe, dukaree, hiina i la moolu la. Itolu le mu i taa ti, kana ì ke jutunna feŋo ti, ka ì ke banku koteŋolu ye jelefeŋo ti. Muŋ ne be a tinna la ì be a fo la ko, ‘Ì la Alla lee?’ ”

4 Musa 28:14

Miŋ feŋ sadaa la karoo la, ali si wayinoo liitari fula lafaa ninsituuraa-wo-ninsituuraa kaŋ, saakotoŋo, ali ye wayinoo liitari kiliŋ niŋ talantee lafaa a kaŋ, saajii-wo-saajii wayini liitari kiliŋ. Ñiŋ ne mu Kari Kuta-wo-Kari Kuta* la jani sadaa ti, saŋo bee.

4 Musa 28:4

Ali si saajii kiliŋo bo soomandaa, ali ye doo bo wulaara maafaŋo.

4 Musa 28:7

Saajii-wo-saajii, ali si miŋ feŋ sadaa laa a kaŋ, wayinoo* liitari kiliŋ, ali ye a boŋ sadaajanidulaa* kaŋ nte Yaawe ye.

4 Musa 29:6

Ñiŋ sadaalu ñanta lafaa la kari-wo-kari jani sadaalu le kaŋ, aniŋ luŋ-wo-luŋ sadaalu, ì niŋ ì siimaŋ sadaalu niŋ ì miŋ feŋ sadaalu, ko a kuwo landita ñaameŋ. Sadaalu le mu, mennu ka bo niŋ dimbaa la nte Yaawe ye, ì seeroo ka n seewondi le.

1 Korintinkoolu 4:1

Wo to moolu ñanta ntolu muta la le ko Kiristu* la dookuulaalu, aniŋ Alla la kulloolu karafata mennu ma.

1 Korintinkoolu 9:13

Fo ali maŋ a loŋ ko, moolu mennu ka dookuwo ke Alla Batudulaa kono, wolu ka ì la domoroo soto Alla Batudulaa le to baŋ? Aduŋ moolu mennu ka dookuwo ke sadaajanidulaa* to, fo wolu buka ì niyo soto suboo to, meŋ bota sadaa ti jee?

2 Korintinkoolu 11:23

Fo itolu mu Kiristu la dookuulaalu le ti baŋ? Nte le tambita ì la wo to. Saayiŋ nte be diyaamu kaŋ ne ko ñaamaatoo! Ŋa dookuu baalu le ke ka tambi itolu la, n soronta bunjawoo kono siiñaa jamaa ka tambi itolu la, ì ye m buutee siiñaa jamaa le la mennu te konti noo la, aduŋ siiñaa jamaa n ka sutiyaa saayaa la.

2 Korintinkoolu 3:6

Ate le ye a tinna, ntolu keta noo kambeŋ kutoo la dookuulaalu ti. Ñiŋ kambeŋo maŋ bo niŋ luwaa safeeriŋo la, bari Nooroo, kaatu luwaa ka saayaa le saabu, bari Nooroo ka baluwo le dii.

2 Korintinkoolu 6:4

Bari kuwolu bee kono, ǹ ka m̀ faŋolu yitandi le ko Alla la dookuulaalu. Ntolu ka wakiili tooroolu kono le, bataalu, niikuyaalu niŋ

Lankenemoo 11:3

Nte be semboo dii la n na seede fuloo la le ka kiilaariyaa kumoo fo, fo tili wuli kiliŋ keme fula aniŋ taŋ wooro, booto funtoolu le be tara la dundiŋ ì la.”