Yoweli 1:12 - Mandinka Bible

¹² Wayini yiroo jaata, sooto suŋo norota, roomaani* suŋo, tamarewo aniŋ pomu suŋo, yiroolu bee le jaata. Tooñaa, moolu la seewoo danta.

Yoweli 1:12 Mawu Ofanana

Jabuuroolu 4:7

I ye nte jusulandi le ka tambi n jawoolu la, hani ì ye siimaŋolu niŋ miŋ feŋ diimaalu soto ñaa-wo-ñaa.

Jabuuroolu 92:12

Moo tilindiŋolu be yiriwaa la le komeŋ teŋ suŋo, ì ye faliŋ komeŋ Libanooni sedari* yiroolu.

Suukuwo 2:3

Ko pomu suŋo, wuloo yiroolu teema, n jusukuŋo be kewolu kono wo le ñaama. N niŋ seewoo le ka sii a dubeŋo koto, a diŋo ka timiyaa n kaŋo kono.

Suukuwo 4:13

I mu naakoo le ti, roomaani* yiroolu ka faliŋ daameŋ, ì niŋ ì diŋ diimaalu. Fudani firoolu niŋ fiifeŋ seeralaalu buka foo jee,

Yesaya 16:10

Seewoo niŋ jusulaa maŋ soto kunku jambandiriŋolu to, moo buka denkili laa, waraŋ ka sari, wayini yiri kankaŋolu to, moo buka wayini biti, yiridiŋ bitidulaa to, kontaani sari kaŋo danta le.

Yesaya 24:11

Moolu be woosii kaŋ mbeedoolu kaŋ, wayinoo la mankoo kamma la. Seewoo bee danta, jusulaa yeemanta duniyaa kono.

Yesaya 24:7

Wayini* yiroo si jaa, wayinoo ye manki, juuralilaalu ye sunu.

Yesaya 9:3

Ite Yaawe ye bankoo moolu siyandi, i ye ì la kontaanoo lafaa. Ì be seewoo la i ñaatiliŋo la le, ko moolu ka seewoo ñaameŋ, niŋ ì be katiroo la, waraŋ niŋ kelediŋolu be ñapinkaŋ feŋolu talaa la.

Yeremiya 48:3

Kumboo kaŋo moyi baŋ, ka bo Horonayimu ko, ‘Fitinoo niŋ kasaara baa le keta!’

Yeremiya 48:33

Seewoo niŋ jusulaa, ŋa wo buusi le, ka bo Mowabi, yiriwaa banku. Ŋa wayinoo bali soto la wayini* yiridiŋ bitidulaa to le, moo buka ì doriŋ-doriŋ jee, seewoo niŋ wuuroo la. Wuuroo be keriŋ, bari a maŋ ke seewoo wuuri ti.

Yoweli 1:10

Kunkoolu tiñaata, senebankoo kumboota, siimaŋ kesoolu tiñaata, wayini yiridiŋolu jaata, olifu* tuloo ye ǹ tu kooma.

Yoweli 1:16

Fo domoroo maŋ daŋ m̀ faŋo ñaa koto baŋ, kontaanoo niŋ seewoo danta ǹ na Alla Batudulaa Buŋo to?

Yunusa 4:7

Wo saamoo, kabiriŋ fanoo keta, Alla la yaamaroo kaŋ tumboo ye wo fiifeŋo domo, bituŋ a norota.

Hakayi 2:19

Fo siimaŋ kese le tuta buntuŋ kono baŋ? Fo hani saayiŋ sooto suŋolu, wayini yiroolu, roomaani* yiroolu, aniŋ olifu* yiroolu ka diŋ ne baŋ? “Ka bo ñiŋ luŋo la, m be neema la ali ma le.”

Malaki 3:11

M be kuntiŋolu bayi la ali ye le, ì kana ali la bankoo siimaŋ feŋolu kasaara, aduŋ ali la wayini* yiroolu be diŋ na le kendeke. Nte Yaawe Alihawaa Maariyo le ye a fo.

4 Musa 13:23

Biriŋ ì naata fo Esikoli Wulumbaŋo to, ì ye wayini yiribuloo kuntu, wayini yiridiŋ ñatoo tarata meŋ bala. Kee fula le ye a deŋ dokoo bala ka a samba, a niŋ roomaani* yiridiŋolu niŋ sooto diŋolu.