Yosuwa 8:2 - Mandinka Bible

² I ye meŋ ke Yeriko niŋ a mansa la, i be wo le ke la Ayi fanaa la, aniŋ a mansa, fo kuu kiliŋ: ali si ì la feŋolu samba noo le, aniŋ ì la suukono beeyaŋolu ali faŋolu ye. I si kelediŋolu doolu kii ka deleŋo laa saatewo ñiŋ kooma la.”

Yosuwa 8:2 Mawu Ofanana

2 Taarika 13:13

Bari kabiriŋ Abiya be diyaamu kaŋ, Yerobowamu ye kelediŋolu kii, ka deleŋo laa ì kooma la, a ye a tara ate niŋ doolu be ì ñaato.

2 Taarika 20:22

Kabiriŋ ì ye a dati ka suukuwo laa ka jayiroo ke, Yaawe ye Ammoni, Mowabi aniŋ Edomu kelediŋolu mennu be naa kaŋ Yahuuda kamma, duŋ ñoo to ka ñoo kele.

Jabuuroolu 39:6

Hadamadiŋo buka mee baluuriŋ, a be le ko niiniyo, a la matimatoo mu kenseŋ ne ti. Moo ka naafuloo kafu ñoo ma le, bari a buka a loŋ meŋ taa be ke la a ti.

Kuma Kotoomaalu 13:22

Moo kendoo ka keetaafeŋo tu a diŋolu ye le hani a mamariŋolu fanaa ka a soto le, bari junubelaa la naafuloo ka tara maaboriŋ moo tilindiŋo le ye.

Kuma Kotoomaalu 28:20

Moo tilindiŋo be neemoo jamaa le soto la, bari moo meŋ korontota ka ke naafulutiyo ti, a te kana la, a maŋ toora.

Yeremiya 17:11

Ko siisewo meŋ ye kiloolu teyi a maŋ mennu laa, wo le mu moo ti meŋ ka naafuloo soto kalabanteeyaa kono, a la fondinkeeyaa teema le, a be foo la a la, aduŋ a labaŋo be a yitandi la le ko, a mu toolewo le ti.

Yeremiya 51:12

Ali bandeeroo wulindi taamanseeroo ti ka Babiloni tata sansaŋolu boyinkaŋ, ali kelediŋ kantarilaalu bambandi jee kamma, ali ye kantarilaalu londi ì dulaalu to! Ali kelediŋolu wulindi ì ye deleŋo laa ì kamma!” Silaŋ, Yaawe ye a la natoo ke le fokabaŋ, a ye meŋ fo Babiloni la kuwo to.

5 Musa 2:35

Ŋa beeyaŋolu niŋ feŋ kummaa koteŋolu taa saatewolu ñiŋ to.

5 Musa 20:14

Bari musoolu niŋ dindiŋolu, wolu mu ali taa le ti, aniŋ beeyaŋolu niŋ saatewo feŋ toomaalu. Ali si i munafaŋ ali jawoolu sotofeŋolu la, Yaawe ali la Alla ye mennu dii ali la.

5 Musa 3:2

Bari Yaawe* ko n ye le ko, “Musa, kana sila a la. M be a niŋ a la kelediŋolu niŋ a la bankoo bee duŋ na ali bulu le. I ye meŋ ke Amorinkoolu la mansa Sihoni la meŋ marata nuŋ Hesiboni la, i si wo ñoŋo ke Mansa Oki fanaa la ka a kasaara.”

Yosuwa 10:1

Saayiŋ Adoni-Sedeki Yerusalaamu mansa ye a moyi le ko, Yosuwa ye Ayi saatewo taa le, aduŋ a ye saatewo ñiŋ bee tumbuŋ ne. A ye a moyi le fanaa ko, a ye meŋ ke Ayi la aniŋ a mansakewo, a ye wo le fanaa ke Yeriko la aniŋ a mansakewo. A ye a moyi le fanaa ko, Kibeyoninkoolu niŋ Banisirayilankoolu ye kayira kambeŋo le siti, aduŋ ì maŋ jamfa ñoo la.

Yosuwa 10:28

Yosuwa ye Makeda taa wo luŋ ne la. A ye saatewo niŋ a la mansakewo kasaara, ka saatee moolu bee faa hawusaroo la. A maŋ hani moo kiliŋ ne tu baluwo to jee. A ye meŋ ke Yeriko mansa la, a ye wo le ke Makeda mansa fanaa la.

Yosuwa 11:14

Banisirayilankoolu ye feŋolu bee le samba, aniŋ beeyaŋolu ka ì ke ì taa ti, ì ye feŋolu mennu bondi wo saatewolu kono keloo waatoo. Bari saatewolu moolu, ì ye ì bee le faa hawusaroo la, fo ì ye ì baŋ kasaara la. Hani niilamaa kiliŋ, ì maŋ wo le tu jee.

Yosuwa 6:21

Bituŋ ì ye hawusaroo* taa ka saatee moolu bee faa, musu kafuriŋ kee, dindiŋ, keebaa, ninsoolu, saajiyolu aniŋ faloolu.

Yosuwa 8:12

Yosuwa ye kee wuli luulu ñoŋ ne tomboŋ ka deleŋo laa Beteli niŋ Ayi teema, saatewo tilijii karoo la.

Yosuwa 8:14

Kabiriŋ Ayi mansa ye ñiŋ je, a niŋ kewolu mennu bee be saatewo kono, ì tariyaatoo fintita soomandaa juunoo, ì ye ì ñaa tiliŋ Araba* tundoo maafaŋo la ka taa Banisirayilankoolu benduŋ keloo la. Bari a maŋ a loŋ ko, kelediŋolu ye deleŋo le laa saatewo ñiŋ kooma, ì pareeriŋo.

Yosuwa 8:19

kewolu mennu ye deleŋo laa, ì bee tariyaatoo wulita naŋ ka bo ì bitidulaa. Bituŋ ì tariyaatoo tambita ñaato, ì dunta saatewo kono. Ì ye jee muta, kataba kiliŋ ì ye dimbaa duŋ a la.

Yosuwa 8:24

Banisirayilankoolu ye Ayinkoolu bee baŋ faa la kenoolu to jee, ì be ì bayindi kaŋ nuŋ daameŋ. Kabiriŋ ì ye ì bee kiliŋ-kiliŋ faa hawusaroo la, Banisirayilankoolu bee muruta Ayi saatewo kono ka moolu faa, mennu be jee.

Yosuwa 8:3

Wo le to Yosuwa niŋ kelediŋolu bee wulita ka taa Ayi boyinkaŋ. A la kelediŋolu kono, a ye kelediŋ wuli taŋ saba le tomboŋ, a be jikiriŋ mennu la. A ye ì kii ka finti suutoo.

Yosuwa 8:7

ali si finti naŋ ali la deleŋo to, ali ye saatewo taa. Yaawe ali la Alla le be a duŋ na ali buloo kono.

Yosuwa 8:8

Niŋ ali ye saatewo ñiŋ taa, ali ye dimbaa duŋ a la. Ali a ke ko, Yaawe ye ali yaamari ñaameŋ. Ali a je ko, ali be n na kaŋo le nooma.”

Yosuwa 8:9

Kabiriŋ Yosuwa ye ì kii, bituŋ ì naata deleŋo laa ka baturoo ke Beteli niŋ Ayi teema, Ayi tilijii karoo la. Bari Yosuwa niŋ a la moo doolu ye wo suutoo laa ñoo kaŋ ne.

Yosuwa 9:3

Kabiriŋ Kibeyoninkoolu ye a moyi, Yosuwa ye meŋ ke Yeriko la aniŋ Ayi,