Yosuwa 8:1 - Mandinka Bible

¹ Bituŋ Yaawe* ko Yosuwa ye ko, “Kana sila, aduŋ i kana jikilateyi. I niŋ kelediŋolu bee ye taa, ali ye taa ka Ayi boyinkaŋ. Nte le ye Ayi mansa duŋ i buloo kono, a la moolu, a la saatewo, aniŋ a la bankoo.

Yosuwa 8:1 Mawu Ofanana

Jabuuroolu 27:1

Yaawe* le mu n na lampoo ti, aniŋ n na tankoo, m be sila la jumaa le la? Yaawe le mu n na baluwo tuukuraŋo ti, jumaa le la kuwo be n kija fara la?

Jabuuroolu 44:3

Ì maŋ bankoo taa ka bo niŋ ì la hawusaroolu* la, waraŋ ka nooroo ke ì faŋolu semboo la. I semboo la waroo le ye a tinna, aniŋ i la taroo ì fee, ka a yitandi ko i ye ì kanu le.

Jabuuroolu 46:11

Yaawe Alihawaa Maariyo be ntolu fee le. M̀ mumu Yaakuba la Alla le mu ǹ ye tankadulaa ti. S

Yesaya 12:2

Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”

Yesaya 43:2

Niŋ ali be teyi la niŋ baa la, m be tara la ali fee le. Niŋ ali be tambi la niŋ baa diinondiŋo la, jiyo te ali kunuŋ na. Niŋ ali taamata dimbaa kono, ali te jani la. Niŋ ali dunta mantooroo kono, a te ali dewuŋ na.

Yeremiya 46:27

“Wo to ali kana sila, alitolu Yaakuba koomalankoolu, n na dookuulaa, sako ka jikilateyi, ite Banisirayila. Kaatu ko, m be i kiisa la naŋ dulaa jamfariŋolu to le, ka i koomalankoolu bondi naŋ ì mutadulaa bankoo kaŋ. Yaakuba be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 49:3

“Ite Hesiboni saatewo, wuuri, kaatu Ayi keta tumbuŋo le ti! Alitolu Raba musoolu, ali kumboo! Ali booto funtoolu duŋ ka ali la niikuyaa yitandi, ali ye saŋakumboo ke ka boriŋ-boriŋ, ka i maabo fitoolu koto, kaatu ali la jalaŋo Moleki be taa mutoo kono le, a niŋ a la piriisoolu* niŋ a batubaalu.

Daniyeli 2:21

Ate le ka waatoolu niŋ jamaanoolu yelemandi, ate le ka mansoolu londi, aduŋ ate le ka ì bondi. Ate le ka ñaameŋo dii, aniŋ londoo.

Daniyeli 4:25

Ì be i bayi la le ka bo hadamadiŋ kontoo kono, aduŋ i niŋ daafeŋolu le be tara la ñoo kaŋ. I be ñaamoo ñimi la le ko ninsoo, aduŋ komboo be jii la i kaŋ ne, ka i sinandi, fo sanji woorowula. Niŋ wo keta, i be a loŋ na le ko, Alla Mansa Tallaa le marata hadamadiŋolu la mansamarali bankoolu ma, aduŋ moo-wo-moo diyaata a ye, a ka a dii wo le la.

Daniyeli 4:35

Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.

Matiyu 8:26

Wo to le a ko ì ye ko, “Ali ka muŋ ne sila? Alitolu moo lanna dooyaariŋolu!” Bituŋ a wulita, a ye foñoo niŋ baa baliŋolu jalayi. Wo to le ì tenkunta tek.

5 Musa 1:21

A fele, Yaawe ali la Alla ye bankoo ñiŋ dii ali la le. Ali taa ka jee ke ali taa ti, ko Yaawe, ali mumuñolu la Alla ye a fo ali ye ñaameŋ. Ali kana sila waraŋ ka jikilateyi.”

5 Musa 31:8

Yaawe faŋo le be tambi la ali ñaato, a ye tara ali fee. A te bo la ali koto sako a si ali bula ali faŋ ye. Wo to, ali kana sila, waraŋ ka jikilateyi.”

5 Musa 7:18

Ali kana sila wo moolu la, ali hakiloo si bula Yaawe ali la Alla ye meŋ ke Firawoona la aniŋ Misirankoolu bee.

5 Musa 7:21

Wo kamma la, ali kana sila ñiŋ moolu la. Yaawe ali la Alla be ali fee le, a warata le, aduŋ a silaŋñaa warata.

Yosuwa 1:9

Kana ñina ŋa yaamaroo meŋ dii i la, ka fatiyaa, aniŋ ka bambaŋ. Kana sila, i kana jikilateyi, kaatu nte Yaawe i la Alla le be tara la i fee, i taata daa-wo-daa.”

Yosuwa 10:7

Bituŋ Yosuwa wulita ka bo Kilikali, a niŋ a la kelediŋ kafoo bee, aniŋ a la kelelaa baalu.

Yosuwa 10:8

Yaawe* naata a fo Yosuwa ye ko, “Kana sila ì la, kaatu nte le ye ì duŋ i bulu. Moo te ì kono, meŋ si i loo noo i fee keloo la.”

Yosuwa 2:24

Ì ko Yosuwa ye ko, “Tooñaa-tooñaa, Yaawe ye ñiŋ bankoo bee duŋ m̀ bulu le. Bankoo moolu bee kijoo be teyiriŋ ǹ na kuwo la le.”

Yosuwa 6:2

Bituŋ Yaawe* naata a fo Yosuwa ye ko, “A juubee, nte le ye Yeriko duŋ i buloo kono, biriŋ mansa faŋo ka taa fo a la kelediŋolu bee.

Yosuwa 7:9

Niŋ Kanaaninkoolu niŋ moo koteŋolu mennu be bankoo kaŋ, ye ñiŋ moyi, ì be naa ñapi la ǹ kaŋ ne, ì ye ǹ toolu buruka duniyaa kono. I be muŋ ne ke la, fo i too la waroo si loŋ?”