Yosuwa 7:2 - Mandinka Bible

² Yosuwa naata kee doolu kii ka bo Yeriko ka taa Ayi saatewo to, meŋ be Beti-Aweni daala, Beteli tilibo kara maafaŋo la. A ko ì ye ko, “Ali wuli, ali ye taa ñiŋ tundoo la kuwo kulloo ñini.” Bituŋ ñiŋ kewolu taata teŋ ne ka Ayi la kuwolu kulloo ñini.

Yosuwa 7:2 Mawu Ofanana

1 Musa 12:8

Ka bo jee a naata konkotundoo* kaŋ, Beteli tilibo kara maafaŋo la. A ye a la tiriliisoo* loo ka tara Beteli tilijii karoo niŋ Ayi tilibo karoo teema. A ye sadaabodulaa loo jee fanaa to Yaawe ye, a ka duwaa niŋ a too la.

1 Musa 28:19

A naata dulaa ñiŋ kumandi Beteli la, bari jee too foloo mu Lusi le ti.

1 Mansoolu 12:29

A ye kiliŋo londi Beteli, aduŋ kiliŋ doo a ye wo londi Dani.

Nehemiya 11:31

Benjamini lasiloo moolu siita Keba le, Mikimasi, Aya, Beteli aniŋ a dandanna saateeriŋolu to,

Kuma Kotoomaalu 20:18

Yaamaroo ñini janniŋ i ka feeroo siti, niŋ i lafita keloo wulindi la, bula yaamaroo nooma.

Kuma Kotoomaalu 24:6

Niŋ i lafita keloo wulindi la, fo i si yaamaroo soto, aduŋ niŋ i lafita ka ke noorilaa ti, fo i ye yaamarilaa jamaa soto.

Yesaya 10:28

Asiriya kelediŋ kafoolu dunta Ayati, ì tambita Mikironi la, ì ye ì la jooraŋ doolu maabo Mikimasi.

Yeremiya 49:3

“Ite Hesiboni saatewo, wuuri, kaatu Ayi keta tumbuŋo le ti! Alitolu Raba musoolu, ali kumboo! Ali booto funtoolu duŋ ka ali la niikuyaa yitandi, ali ye saŋakumboo ke ka boriŋ-boriŋ, ka i maabo fitoolu koto, kaatu ali la jalaŋo Moleki be taa mutoo kono le, a niŋ a la piriisoolu* niŋ a batubaalu.

Hoseya 4:15

“Ite Banisirayila, i si cakayaa ke ñaa-wo-ñaa, kana Yahuuda duŋ ñiŋ junuboo to. Ite Yahuuda, i dahaa baturoo la Kilikali, kana taa baturoo la Beti-Aweni, i kana i kali nte Yaawe too la.

Matiyu 10:16

“Ali a kalamuta ko, m be ali kii kaŋ banta le ko saajiyolu, mennu be suluwolu kono. Wo kamma la ali si feere ko woloo, aniŋ ali si sooneeyaa ko puraa.

Efesusinkoolu 5:15

Wo to, ali ali hakiloo tu ali baluuñaa to. Ali kana ke ñaamembaloolu ti, bari ali si ke ñaamendiŋolu ti.

Yosuwa 12:9

Banisirayilankoolu ye ñiŋ saatewolu le mansoolu kiliŋ-kiliŋ naa noo keloo to: Yeriko mansa, Ayi mansa meŋ be Beteli daala,

Yosuwa 18:12

Maraa karoo la, ì la naanewo datita Yoridani Boloŋo le to la. A tambita wo la Yeriko daala konko seleraŋ siloo maraa kara maafaŋo to la, ka tiliŋ wo la konkotundoo* kaŋ tilijiyo la, ka taa fo Beti-Aweni keñewuloo* kono.

Yosuwa 2:1

Bituŋ Yosuwa Nuni dinkewo ye kullooñinilaa fula kii, ka bo ì la daakaa to, meŋ be Sitimu. A ko ì ye ko, “Ali taa kullooñini ke Kanaani bankoo la kuwo keñaa la, sako Yeriko saatewo faŋo.” Kabiriŋ ì futata saatewo kono, ì dunta cakamusoo doo le la buŋo kono, ì ka a fo meŋ ye ko Rahabu, ka suutoo laa jee.

Yosuwa 7:3

Kabiriŋ ì muruta naŋ Yosuwa kaŋ, ì ko a ye ko, “A maŋ jari, moo bee ye taa ka Ayi boyinkaŋ. Moo wuli fula waraŋ moo wuli saba dammaa kii ka jee taa. Kana moo bee batandi ka taa. Saatewo ñiŋ kewolu maŋ siyaa.”

1 Samuweli 13:5

Filisitinkoolu benta, ka Banisirayilankoolu kelendi. Ì ye ì kelendi niŋ keleraŋ sareeti* wuli saba le la, keleraŋ sareeti borindilaalu, mennu taata fo moo wuli wooro, aniŋ sinna kelediŋolu, mennu be siyaariŋ ko bankumunkoo. Ì bee taata beŋ Mikimasi le Beti-Aweni tilibo karoo la.

1 Samuweli 14:23

Keloo keta le fo ì tambita Beti-Aweni la, wo luŋo la Yaawe ye Banisirayilankoolu tankandi le.

1 Samuweli 30:27

A ye a kii mennu be Beteli, Ramoti-Nekefu aniŋ Yatiri,