Yosuwa 4:8 - Mandinka Bible

⁸ Bituŋ Banisirayila moolu naata a ke, ko Yosuwa ye ì yaamari ñaameŋ. Ì ye bere taŋ niŋ fula tomboŋ ka bo Yoridani Boloŋo teema, ko Banisirayila lasiloo nankamoo be ñaameŋ, ko Yaawe ye a fo Yosuwa ye ñaameŋ. Ì ye ì samba ka taa ì la daakaa to, daameŋ ì ye ì landi jee.

Yosuwa 4:8 Mawu Ofanana

2 Musa 12:28

Yaawe ye Musa niŋ Haaruna yaamari meŋ na, Banisirayilankoolu ye wo le ke.

2 Musa 24:4

Wo to le Yaawe ye feŋ-wo-feŋ fo, Musa ye a bee safee. A saamoo soomandaa a wulita juuna, a ye sadaabodulaa* loo konkosiŋo to. A ye bere samasiŋ taŋ niŋ fula le ke jee, ka Banisirayila lasili taŋ niŋ fuloo yitandi.

Yosuwa 4:20

Bituŋ Yosuwa naata ñiŋ bere taŋ niŋ fuloo landi Kilikali, ì ye mennu bondi naŋ Yoridani Boloŋo to.

Yosuwa 4:9

Yosuwa ye bere taŋ niŋ fula doo fanaa landi Yoridani Boloŋo teema, dinkiraa to piriisoolu mennu ka Kambeŋ Kunewo samba, be looriŋ nuŋ daameŋ. Aduŋ hani bii wo beroolu be jee le.