Yosuwa 4:11 - Mandinka Bible

¹¹ Kabiriŋ ñiŋ moolu bee teyita doroŋ, piriisoolu niŋ Yaawe la Kambeŋ Kunewo fintita naŋ ka naa boloŋo kankuŋ doo la. Ì tambita moolu ñaato kotenke.

Yosuwa 4:11 Mawu Ofanana

Yesaya 52:12

Bari ali te jee bula la korontoo kono, waraŋ ka bori, kaatu Yaawe Banisirayila la Alla le be ali ñaatonkayaa la, aniŋ ka tara ali kooma.

Yosuwa 24:11

“Ali teyita Yoridani Boloŋo la ka naa Yeriko. Yerikonkoolu fanaalu ye keloo boyi ali kaŋ, aniŋ Amorinkoolu, Perisi koomalankoolu, Kanaaninkoolu, Hitinkoolu, Kirikasinkoolu, Hiwinkoolu aniŋ Yebusinkoolu. Bari n naata ì bee duŋ ali buloo kono.

Yosuwa 3:17

Waatoo meŋ na Banisirayilankoolu be teyi kaŋ boloŋ jaariŋo ñiŋ na, piriisoolu bee mennu ka Yaawe la Kambeŋ Kunewo samba, be lookuuriŋ ne boloŋ jaariŋo ñiŋ teema, fo Banisirayilankoolu bee tambita ka boloŋo ñiŋ teyi.

Yosuwa 3:8

A fo piriisoolu ye, mennu ka Kambeŋ Kunewo samba ko, ‘Niŋ ali futata Yoridani Boloŋo jenjeŋo la, ì ye taa loo boloŋo ñiŋ kono.’ ”

Yosuwa 4:10

Bituŋ piriisoolu mennu ka Kambeŋ Kunewo samba, tuta looriŋ Yoridani Boloŋo teema, fo ñiŋ moolu ye kuwolu bee ke, Yaawe ye Yosuwa yaamari mennu la, aniŋ ko Musa ye a fo nuŋ Yosuwa ye ñaameŋ. Bituŋ ñiŋ moolu tariyaatoo ye boloŋo ñiŋ teyi.

Yosuwa 4:12

Rubeni lasili kewolu ka taa Kadu lasiloo, aniŋ Manase lasili talanteemoo teyita ka tambi Banisirayila moolu ñaato, ì niŋ kelejooraŋolu, ko Musa ye a fo ì ye ñaameŋ.

Yosuwa 4:18

Bituŋ piriisoolu fintita naŋ Yoridani Boloŋo kono, ì niŋ Yaawe la Kambeŋ Kunewo, ì be meŋ samba kaŋ. Ì la ì siŋo loo banku jaaroo kaŋ doroŋ boloŋo kankuŋo la, Yoridani Boloŋ jiyo seyita a ñaama. A woyita a kankuŋolu la kotenke.