Yosuwa 3:13 - Mandinka Bible

¹³ Yaawe le mu duniyaa bee Maarii ti. Niŋ piriisoolu mennu ka a la Kambeŋ Kunewo samba, ye ì siŋo bula Yoridani Boloŋ jiyo kono doroŋ, jiyo la boroo be loo la le. A ye kafu ñoo ma dulaa kiliŋ, a samasimmaa ye loo.”

Yosuwa 3:13 Mawu Ofanana

1 Taarika 29:11

Yaawe, ite le taa mu semboo niŋ waroo ti, kallankeeyaa* niŋ mansabaayaa aniŋ horomoo be ite le ye, aduŋ duniyaa niŋ Arijana feŋolu bee mu ite le taa ti. Yaawe, ite le mu Mansa Baa ti, ite le be feŋo bee santo.

Jabuuroolu 33:7

A ye baajiyo bee kafu dulaa kiliŋo le to, a ye fankaasoolu duumoo bee ke jiibuŋolu kono.

Jabuuroolu 74:15

Ite le ye woyoolu niŋ boloŋolu ñaapuuloolu fetendi, i ye boloŋ jaabaloolu jandi le.

Jabuuroolu 78:13

Alla ye baa fara le ka ì tambindi a teema la. A ye baajiyo moolondi le, a loota komeŋ sansaŋo.

2 Musa 15:8

I la niijiyo semboo ye baajiyo moolondi santo, a loota komeŋ sansaŋo, jiyolu mennu be baa dulaa diinondiŋ baa to, naata bambaŋ.

Yesaya 54:5

Kaatu nte i Daamansoo ka munta le ko i keemaa. Yaawe Alihawaa Maariyo* le mu n too ti, nte Banisirayila la Senuŋ Baa le mu i kumakaalaa ti, ì ka a fo n ye le ko, duniyaa bee la Alla.”

Habakuki 3:15

Ite le taamata baajiyo kono, i niŋ i la suwoolu, baajiyo bee kankanta.

Jakariya 4:14

Bituŋ a ko n ye ko, “Ñinnu le mu moo fuloo ti, duniyaa bee Maariyo ye tuloo boŋ mennu kuŋolu kaŋ ka ì tomboŋ a la dookuulaalu ti.”

Yosuwa 3:11

Ali a juubee, duniyaa bee Maariyo la Kambeŋ Kunewo be taa ali ñaato le Yoridani Boloŋo kono.

Yosuwa 4:7

ali si a fo ì ye ko, ‘Yoridani Boloŋo jaata Yaawe la Kambeŋ Kunewo le ñaatiliŋo la. Kabiriŋ a be teyi kaŋ Yoridani Boloŋo la, boloŋo jiyo la boroo bee le loota.’ Ñiŋ beroolu ñanta ke la Banisirayila moolu ye hakilibulandiraŋo le ti fo abadaa.”