Yosuwa 20:4 - Mandinka Bible

⁴ Niŋ a maarii borita ka taa ñiŋ tankañini dulaa saatewolu to, a ñanta loo la saatewo dundaŋ daa* le to, a ye a la kuwo saata saatewo alifaalu ye. Wolu le ñanta a bula la, a ye duŋ ì la saatewo kono ka dulaa dii a la, a be sabati la daameŋ.

Yosuwa 20:4 Mawu Ofanana

Yuuba 29:7

waatoo meŋ, n niŋ saatee alifaalu ka beŋ, n ka sii ì teema,

Yuuba 5:4

Ì diŋolu niŋ tankoo jamfata ñoo la. Ì ye ì kiitindi tilimbaliyaa kono, moo maŋ soto, meŋ si ì kiisa a kono.

Jabuuroolu 26:9

Kana n niŋ junubelaalu kasaara ñoo la, waraŋ ka n niŋ moofaalaalu niyo taa ñoo la.

Kuma Kotoomaalu 31:23

Moolu ye a keemaa suutee saatee moolu bendulaa to le, a ka sii bankoo alifaalu kono jee le to.

Yeremiya 38:7

Ebedi-Meleki Kusinkoo*, meŋ mu mansasuwo kono dookuulaa ti naata a moyi ko ì ye m bula koloŋo le kono. Wo ye a tara le mansa be siiriŋ Benjamini Dundaŋ Daa to, kiitiidulaa.

Hiburunkoolu 6:18

A ye wo ke le, fo ǹ si sabarindi baa soto ka bo ñiŋ kuu fuloo la, laahidoo niŋ kaloo, mennu buka yelema. Alla la ñiŋ kumoo te ke la noo faniyaa ti. Wo kamma la ntolu mennu naata tankadulaa soto ate fee, ǹ si wakiiloo soto ka wo jikoo muta m̀ bulu fuloo la, a ye meŋ landi ǹ ñaatiliŋo la.

Yosuwa 20:3

Niŋ moo ye a ñoŋ moo faa lañinoo kono, aduŋ a maŋ ke tawoo kaŋ ti, a maarii si bori noo jee le ka tanka ñiŋ moo faariŋo la moolu ma, niŋ ì wulita julujoo la.