Yosuwa 13:9 - Mandinka Bible

⁹ Ì la tundoo la waroo taata le ka bo Aroweri, Arinoni Wulumbaŋo daala, aniŋ ka bo saatewo doo to, meŋ be Arinoni Wulumbaŋo teema, aniŋ ka taa fo Medeba tundoo bee daa bulariŋo jee, ka taa fo Diboni.

Yosuwa 13:9 Mawu Ofanana

2 Samuweli 24:5

Ì teyita Yoridani Boloŋo la, ì daakaata Aroweri saatewo daala maraa karoo la wulumbaŋo teema. Ì bota jee ka taa Kadu aniŋ Yaseri.

1 Taarika 19:7

Ì ye keleraŋ sareeti wuli taŋ saba niŋ fula le joo, aniŋ Maaka mansa niŋ a la kelediŋolu mennu naata ka daakaa Medeba. Itolu Ammoninkoolu faŋo naata finti ì la saatewolu to ka taa Dawuda kele.

Nehemiya 11:25

Yahuuda moo doolu siita ñiŋ saatewolu le niŋ ì la dandanna kenoolu to: Kiriyati-Ariba aniŋ a dandanna saateeriŋolu, Diboni aniŋ a dandanna saateeriŋolu, Yekabuseeli aniŋ a dandanna saateeriŋolu,

Yesaya 15:2

Diboninkoolu taata ì la batudulaa to le, ì la batudulaa tintiŋolu* to ka woosii, Mowabinkoolu lembata Nebo niŋ Medeba la kuwo la. Ì ye ì kuŋolu bee nunku le, ì ye ì booraalu bee lii niikuyaa kamma.

Yeremiya 48:18

“Alitolu Diboninkoolu, ali jii naŋ ali la dulaa horomariŋo to, ali ye sii buutoo kono, kaatu Mowabi bankoo kasaaralaa, wo le ka naa ali kamma, ka ali la tata bambandiŋolu kasaara.

Yeremiya 48:22

Diboni, Nebo, Beti-Dibulatayimu,

Yeremiya 48:8

Tiñaarilaa kafoo be naa saatewolu bee le kamma jee, hani saatee kiliŋ te kana la, wulumbaŋo to be kasaara la le, konkotundi fanuŋo to ye buruka, ko nte Yaawe ye a fo ñaameŋ.

4 Musa 21:30

Ŋà Amorinkoolu noo le, Hesiboni ka taa fo Diboni, ka taa hani fo Nofa meŋ be Medeba daala, ŋà ì bee le turutumbuŋ.”

5 Musa 2:36

Yaawe ǹ na Alla ye saatewolu bee duŋ m̀ bulu le, ka bo Aroweri meŋ be Arinoni Wulumbaŋo jenjeŋo la aniŋ saatee doo meŋ be wo wulumbaŋo teema ka taa wo la fo Kileyadi tundoo kaŋ. Saatee te jee meŋ na tatoo bambanta ntolu fee ka a teyi.

5 Musa 3:12

Kabiriŋ ŋà ñiŋ bankoo taa waati meŋ na, ŋa doo talaa Rubeni lasiloo niŋ Kadu lasiloo moolu le teema, ka bo Aroweri saatewo to meŋ be Arinoni Wulumbaŋo dandaŋo la ka taa konkotundoo* talantewo meŋ be Kileyadi tundoo kaŋ aniŋ a saatewolu.

5 Musa 3:16

Bituŋ ka bo Kileyadi tundoo kara doo la ka taa fo Arinoni Wulumbaŋo to, ŋa wo dii Rubeni lasiloo niŋ Kadu lasiloo moolu le la. Arinoni Wulumbaŋo teema le keta naanewo ti bulubaa karoo la. Yaboki Boloŋo le keta ì niŋ Ammoninkoolu teema naanewo ti, maraa karoo la.

Yosuwa 12:2

Mansakee foloo, wo le mu Sihoni ti, Amori mansa meŋ sabatita Hesiboni. Ate le ye Kileyadi tundoo talanteemoo bee mara ka bo Aroweri, Arinoni Wulumbaŋo daala, ka bo wulumbaŋo teema maafaŋo la, ka taa fo Yaboki Boloŋo bala meŋ mu Ammoninkoolu la naanewo ti.

Yosuwa 13:10

A taata le fo ka bula Ammoninkoolu la naanewo la, aniŋ saatewolu bee, Amori mansa Sihoni meŋ ye maraloo ke Hesiboni, ye mennu mara nuŋ.

Yosuwa 13:16

Wo le mu ka bo Aroweri, Arinoni Wulumbaŋo daala, aniŋ ka bo saatewo to, meŋ be Arinoni Wulumbaŋo teema, aniŋ Medeba tundoo bee.

Yosuwa 13:8

Manase talanteema doo, Rubeni lasili moolu aniŋ Kadu lasili moolu, wolu ye ì la keetaafeŋo soto le, Musa ye meŋ dii ì la Yoridani tilibo karoo la. Ate, Yaawe la dookuulaa faŋo le ye a ke wo ñaama.