Yosuwa 13:12 - Mandinka Bible

¹² mennu mu Basani mansa Oki la mansamarali bankoo bee kafuriŋo ti. Ate le ye maraloo ke Asitaroti aniŋ Edireyi, a fanaa tarata Rafa koomalanka labaŋolu le kono. Musa ye jee moolu kele ka ì bayi.

Yosuwa 13:12 Mawu Ofanana

5 Musa 1:4

Ñiŋ keta biriŋ a ye Amorinkoolu la mansa Sihoni noo keloo to, meŋ tarata maraloo la Hesiboni saatewo to. Wo waati kiliŋo la le a ye Basani tundoo Mansa Oki fanaa kele, a ye a noo, meŋ tarata maraloo la nuŋ Asitaroti niŋ Edireyi saatewolu to.

Yosuwa 12:4

Mansakee doo mu Oki le ti. Ate le mu Basani mansa ti. A tarata Rafa koomalanka labaŋolu le kono. Ate le be maraloo la nuŋ Asitaroti aniŋ Edireyi.

Yosuwa 13:13

Bari Banisirayilankoolu maŋ Kesuri moolu aniŋ Maakatinkoolu bayi, wolu tarata ì kono le fo ka naa bula bii tiloo la.

Yosuwa 13:31

aniŋ Kileyadi talanteemoo, aniŋ Asitaroti niŋ Edireyi saatewolu mennu be Basani la maroo to, meŋ mu Oki la mansamarali bankoo ti. Ñiŋ dulaa mu Makiri koomalankoolu le taa ti, Manase dinkewo. Makiri koomalanka talanteemoo le taa mu, ka bo kaabiila ka taa kaabiila.