Yosuwa 11:8 - Mandinka Bible

⁸ Yaawe ye ì duŋ Banisirayilankoolu bulu le. Ì ye ì noo le ka ì bayi fo Sidoni saatee baa to, Misirefoti-Mayimu, aniŋ Misipa Wulumbaŋo kono tiliboo la. Ì maŋ hani moo kiliŋ ne tu baluwo to jee.

Yosuwa 11:8 Mawu Ofanana

1 Musa 10:15

Kanaani dinkee foloo mu Sidoni le ti, aniŋ Heti.

1 Musa 49:13

Sebuluni, ite be sabati la baadaa le la, daameŋ be ke la tendaa ti kuluŋolu ye. I la bankoo naanewo be taa le fo Sidoni saatewo maafaŋo la.

2 Samuweli 24:6

Ì taata Kileyadi aniŋ Tahitimu-Hodisi tundoo kaŋ, ka taa fo Dani-Yaani, ì jenketa Sidoni maafaŋo la.

Yesaya 23:4

Sidoni, baa daala tata bambandiŋo, malu, kaatu baajiyo le diyaamuta, fankaasoo ye i bo i to le, a ko: “I maŋ ke n diŋ ti! Tiŋ maŋ m maa sako n si wuluu, n nene maŋ kambaane kuluu, sako sunkutundiŋ ye tara m bulu.”

Jakariya 9:2

A ye a fo Hamati fanaa ma le, Hamati, meŋ niŋ Hadiraki be naaneeriŋ. A ye a fo Tire niŋ Sidoni saatewolu fanaa ma le, ì niŋ ì la hakilimaayaa bee.

5 Musa 7:2

Niŋ Yaawe ye a ke fo ali ye i kutu ì la, ali ñanta ì bee faa la le. Ali kana balafaa ì ye, sako ali niŋ ì si kambeŋo siti.

5 Musa 9:3

Wo to ali si a kalamuta ko, Yaawe* ali la Alla, ate le be tambi la ali ñaato ko dimbaa saŋaroo. A be ali semboo warandi la wo moolu ti le mennu be ali ñaato, fo ali si ì wutundi noo jee ali ye ì kasaara katabake, ko ate Yaawe faŋo ye ali laahidi a la ñaameŋ.

Yosuwa 10:20

Bituŋ Yosuwa niŋ Banisirayilankoolu ye ì bee faa faañaa jawu baa la, ì ye ì bee kasaara le cewu, fo moo dantaŋ, wolu le kanata ka duŋ ì la saatee tatariŋolu kono.

Yosuwa 11:3

Mansa Yabini ye kumoo kii Kanaaninkoolu fanaa ye le, mennu be tilijiyo niŋ tiliboo la, Amorinkoolu, Hitinkoolu, Perisi koomalankoolu aniŋ Yebusinkoolu, mennu be sabatiriŋ konkotundoo kaŋ, aniŋ Hiwinkoolu, Herimoni* konkosiŋo la Misipa bankoo kaŋ.

Yosuwa 11:7

Wo le to Yosuwa niŋ a la kelediŋ kafoo bee naata ì kaŋ moonewo kono Meromu Bolondiŋo to ka ì kele.

Yosuwa 13:6

“Mennu be sabatiriŋ konkotundoolu* kaŋ, ka bo Libanooni ka taa Misirefoti-Mayimu mennu mu Sidoninkoolu ti, nte faŋo le be ì bayi la Banisirayilankoolu ye. I si alikuuroo* doroŋ ke, ka ñiŋ bankoo talaa Banisirayilankoolu teema keetaafeŋo ti, ko ŋa i yaamari a la ñaameŋ.

Yosuwa 19:28

A taata Abudoni, Rehobu, Hammoni aniŋ Kana, ka taa wo la fo Sidoni saatee baa faŋo to.

Yosuwa 21:44

Yaawe naata dahaa dii ì la karoo bee la, ko a ye ì mumuñolu laahidi ñaameŋ niŋ kaloo la. Ì jawoolu kono, moo le maŋ soto noo jee meŋ si i loo noo ì fee keloo la. Kaatu Yaawe faŋo le ye ì jawoolu duŋ ì buloo kono.