Yosuwa 10:6 - Mandinka Bible

⁶ Kibeyoninkoolu naata kumoo kii Yosuwa ye Kilikali daakaa to. Ì ko a ye ko, “Kana i buloo bo i la joŋolu koto. Naa katabake, i ye ǹ niyolu tanka! M̀ maakoyi, kaatu Amori mansoolu bee mennu be sabatiriŋ konkotundoo* kaŋ, laata ñoo kaŋ ne ka ǹ kele.”

Yosuwa 10:6 Mawu Ofanana

2 Mansoolu 4:24

Musoo naata a ye faloo siti. Bituŋ a ko a la dookuulaa ye ko, “Faloo bayi ŋà taa. Kana i siŋo talaa fo niŋ n ko i ye a talaa.”

Jabuuroolu 125:2

Komeŋ konkoolu ye Yerusalaamu murubeŋ ñaameŋ, Yaawe ye a la moolu murubeŋ wo le ñaama, ka bo saayiŋ na, ka taa fo abadaa.

Yesaya 33:22

Yaawe le mu ǹ na kiitiikuntulaa ti, Yaawe le mu ǹ na ñaatonkoo ti. Yaawe le mu ǹ na mansoo ti. Ate le be ǹ tanka la.

4 Musa 13:29

Amalekinkoolu be siiriŋ Nekefu tundoo le kaŋ. Hiti koomalankoolu, Yebusinkoolu, aniŋ Amorinkoolu, wolu be siiriŋ konkotundoo le kaŋ. Kanaaninkoolu be siiriŋ Baa Baa* le daala aniŋ Yoridani Boloŋo maafaŋo la.”

Luka 1:39

Tili dantaŋ koolaa Mariyaama wulita, a tariyaatoo taata saatee doo to, meŋ be Yudeya konkotundoo* kaŋ.

5 Musa 1:15

Bituŋ ŋa moo ñaamendiŋolu niŋ buuñaa moolu tomboŋ ali la lasiloolu kono, ka ì ke ali la ñaatonkoolu ti. Doolu keta kelediŋ ñaatonkoolu ti wuli kiliŋolu kunna, doolu kemoolu, doolu taŋ luuloolu, doolu taŋolu, doolu keta dookuulaalu ti bundaa koteŋolu to, ali la lasiloolu bee kunna.

Yosuwa 10:5

Bituŋ ñiŋ Amori mansakee luuloo mennu mu Yerusalaamu mansa ti, Heburoni mansa, Yarimuti mansa, Lakisi mansa aniŋ Ekiloni mansa, ì bee kafuta ñoo ma, ì niŋ ì la kelediŋ kafoolu bee ka Kibeyoni saatewo suki, aniŋ ka a saatee moolu kele.

Yosuwa 10:7

Bituŋ Yosuwa wulita ka bo Kilikali, a niŋ a la kelediŋ kafoo bee, aniŋ a la kelelaa baalu.

Yosuwa 21:11

Ì ye Ariba la saatewo dii ì la, meŋ mu Heburoni ti, aniŋ a daala beeyaŋ daañini dulaa meŋ be Yahuuda konkotundoo* kaŋ. Ariba mu Anaki bonsuŋo le ti.

Yosuwa 5:10

Kabiriŋ Banisirayilankoolu sabatita Kilikali, Yeriko kene fanuŋo kono, karoo tili taŋ niŋ naaninjaŋo wulaaroo le mu, ì ye Yaawe Tambi Tumoo Juuraloo* ke.

Yosuwa 9:15

Yosuwa niŋ ì teeriyaata, a niŋ ì ye kambeŋo siti ka ì niyolu tanka, aduŋ Banisirayila ñaatonkoolu ye kambeŋo ñiŋ bambandi niŋ kaloo la.

Yosuwa 9:6

Bituŋ ì taata Yosuwa yaa daakaa to, meŋ be Kilikali. Ì ko a niŋ Banisirayila kewolu ye ko, “Ntolu ka bo naŋ banku jamfariŋ baa le to, ǹ lafita ñiŋ ne la, ǹ niŋ ali ye kambeŋo siti.”

Yosuwa 9:8

Ì ko Yosuwa ye ko, “Ntolu mu i la joŋolu doroŋ ne ti.” Bari Yosuwa naata ì ñininkaa, a ko ì ye ko, “Alitolu faŋolu mu jumaa le ti, aniŋ ali bota mintoo le?”