Yosuwa 10:16 - Mandinka Bible

¹⁶ Saayiŋ ñiŋ mansakee luuloo borita, ì taata maabo berehuwo kono meŋ be Makeda saatewo to.

Yosuwa 10:16 Mawu Ofanana

Jabuuroolu 68:12

“Mansoolu be bori kaŋ ne, ì niŋ ì la kelediŋ kafoolu be bori kaŋ ne!” Musoolu be buusi feŋolu talaa kaŋ suu le.

Jabuuroolu 68:13

Alitolu doolu ye ali faŋolu yeebu kuu saajii koorewolu kono ñaa-wo-ñaa, Banisirayila puraamaa ñarandita kodiforoo le la, a dampaŋolu ñarandita saniforoo la.

Amosi 9:2

Hani niŋ ì ye dinkoo le siŋ fo laakira, n si ì fintindi naŋ a kono. Hani niŋ ì seleta le fo saŋ fatoo to, n si ì jindi naŋ duuma.

Mika 7:17

Ì ye kankaŋo kunuŋ ko saa, ko kuruntu feŋolu, ì jarajaratoo ye finti naŋ ì la tatoolu kono, ì kijafaratoo ye naa ite Yaawe kaŋ, ǹ na Alla, ì ye sila i la.

Yosuwa 10:15

Bituŋ Yosuwa niŋ Banisirayilankoolu bee muruta ì la daakaa to, Kilikali.

Yosuwa 10:17

Kabiriŋ ì ko Yosuwa ye ko, ì ye ñiŋ mansakee luuloo tara maaboriŋ berehuwo le kono Makeda,

Yosuwa 10:5

Bituŋ ñiŋ Amori mansakee luuloo mennu mu Yerusalaamu mansa ti, Heburoni mansa, Yarimuti mansa, Lakisi mansa aniŋ Ekiloni mansa, ì bee kafuta ñoo ma, ì niŋ ì la kelediŋ kafoolu bee ka Kibeyoni saatewo suki, aniŋ ka a saatee moolu kele.

Lankenemoo 6:15

Wo to le duniyaa mansoolu, kantiyolu niŋ kelejawaroolu, fankamaalu niŋ sembetiyolu, ì bee borita ka maabo berehuwolu kono, aniŋ konko bere baalu kono taariŋ. Moolu bee borita, fo joŋolu le mu, waraŋ foroolu.

Kiitindirilaalu 6:2

Midiyaninkoolu semboo naata wara-wara laalaa Banisirayilankoolu ti. Midiyaninkoolu la kuwo kamma la, Banisirayilankoolu ye dulaalu ñiniŋ berehuwolu kono, ka jee ke ì la maabodulaa ti, aniŋ dulaa koteŋolu konkoolu kono, moo te futa noo la ì ma daameŋ.

1 Samuweli 13:6

Kabiriŋ Banisirayilankoolu ye a je ko, ì be bataa le kono, kaatu Filisitinkoolu ye ì dewundi baake le, ì ye i maabo berehuwolu kono, dinkoolu kono, bere konkoo kono, ŋaniŋolu teema, aniŋ koloŋolu kono.

1 Samuweli 24:3

A taata fo berehuwo to, meŋ be saajiyolu la sansaŋolu maafaŋo la siloo daala, a taata kenoo kono jee. Dawuda niŋ a la kewolu jamfabaata wo berehuwo kono le.

1 Samuweli 24:8

Biriŋ wo keta, Dawuda fintita naŋ berehuwo kono, a ye Sawulu kumandi ko, “M maarii mansa!” Kabiriŋ Sawulu ye a kooma juubee, Dawuda ye a kuŋo jimi, a ñoyita Sawulu ye bankoo to.