Yosuwa 1:8 - Mandinka Bible

⁸ Kana soŋ ñiŋ Luwaa Kitaaboo* la kumakaŋolu ye bo i daa kono. Kali tara a la kumakaŋolu miira kaŋ suuto tili. I si i hakiloo tu ka kuwolu bee ke, mennu be safeeriŋ a kono. Wo le be a tinna la, i be yiriwaa la, i ye ñaatotaa soto i taaraŋ siloolu bee la.

Yosuwa 1:8 Mawu Ofanana

1 Musa 24:63

Wulaara kiliŋ na, Isiyaaka fintita kunkoo to taamaŋ-taamaŋo la. A ye a kuŋo wuli, a ye ñonkomoolu hayinaŋ, ì be naa kaŋ.

2 Taarika 26:5

A tarata sondiŋ Alla ma le Jakariya baluu tiloo la, meŋ ka a yaamari ka sila Alla la. A tarata sondiŋ Yaawe Alla ma waatoo meŋ bee la, a ye ñaatotaa dii a la le.

Jabuuroolu 119:11

Ŋa i la kumoolu muta n sondomoo kono le, ñiŋ kamma la n kana junube kuu ke i la.

Jabuuroolu 119:15

N ka m miira i la luwaalu la le, aduŋ n ñaa ka tu looriŋ i la siloolu kaŋ ne.

Jabuuroolu 119:97

Nte ŋa i la karandiroo kanu le famfaŋ, aduŋ n ka m miira a la le luŋ-wo-luŋ.

Jabuuroolu 119:99

Ŋa fahaamuroo ke le ka tambi n karammoolu bee la, kaatu n ka n hakiloo loo i la karandiroolu le kaŋ.

Jabuuroolu 19:14

Hee Yaawe, ite le mu n na semberaŋ beroo ti, aniŋ m bondilaa. Allamaa n daakumoolu niŋ n sondomoo kono miiroolu ye ke i ñaa koto mutataa ti.

Jabuuroolu 40:10

I ye ǹ deemaa ñaameŋ ka ǹ tankandi, m maŋ a tu maaboriŋ n kono. I ye ǹ deemaa ñaameŋ ka ǹ tankandi. Ŋa a fo le i tuta looriŋ ǹ ye ñaameŋ, aniŋ i ye ǹ tankandi ñaameŋ. M maŋ tu deyiriŋ ka i la kanu bambaloo niŋ i la tiliŋo maabo i la moolu la beŋ baa to.

Kuma Kotoomaalu 3:1

N diŋo, kana ñina n na karandiroo la, aduŋ i si n na yaamaroolu muta i sondomoo kono.

Yesaya 59:21

A ko: “Nte wo de, n niŋ ì be ñiŋ kambeŋo le siti la. Ite n na annabiyomoo, ŋa n na Nooroo meŋ dii i la, aniŋ ŋa n na kumakaŋo meŋ duŋ i daa, be tara la i fee le, aduŋ a be tara la i diŋolu fee le aniŋ i koomalankoolu ka bo saayiŋ na fo abadaa. Nte Yaawe le ye a fo.”

Matiyu 12:35

Moo betoo ka kuu betoolu le fintindi ka bo a sondomoo kono, meŋ be faariŋ beteyaa la. Aduŋ moo jawoo ka kuu jawoolu le fintindi ka bo a sondomoo kono, meŋ be faariŋ jawuyaa la.

Matiyu 28:20

Ali si ì karandi ka kumoolu bee muta, nte ye ali yaamari mennu la. Aduŋ nte be tara la ali fee le waati-wo-waati hani fo duniyaa dandulaa to.”

Matiyu 7:21

“A maŋ ke ko, moo-wo-moo meŋ ka a fo n ye, ‘M Maarii, m Maarii’, be duŋ na Arijana mansabaayaa kono le, bari meŋ ka m Faamaa la lafoo ke, meŋ be Arijana.

Matiyu 7:24

“Wo kamma la, moo-wo-moo meŋ ye n na ñiŋ kumoolu moyi, aduŋ a ye ì muta, wo ka munta le ko kee ñaamendiŋo, meŋ ye a la buŋo loo beroo kaŋ.

Luka 11:28

Bari Yeesu ko a ye ko, “Barakoo be moolu le ye, mennu ka Alla la kumoo moyi, aniŋ ì ka a muta.”

Yohana 13:17

Niŋ ali ye ñiŋ kuwolu loŋ, aduŋ ali ye ì ke fanaa, ali be barakoo soto la le.

Yohana 14:21

Moo meŋ ye n na yaamaroolu moyi, aduŋ a ye ì muta, wo le ye n kanu. Meŋ ye n kanu, m Faamaa be wo kanu la le. Nte fanaa be wo kanu la le, aduŋ m be m faŋo yitandi la a la le.”

Efesusinkoolu 4:29

Kuma jawoo kana bo ali daa kono. Wo noo to, ali la kumoolu si beteyaa ka moolu yiriwandi, ka ì maakoyi ì la suuloolu kono, aniŋ ka ì seewondi.

5 Musa 29:8

Ŋà ì la bankoo taa, ŋà a dii Rubeni lasiloo la, Kadu lasiloo aniŋ Manase lasili talanteemoo ka ke ì la keetaafeŋo ti.

5 Musa 29:9

Wo kamma la, ali si ñiŋ kambeŋ kumoolu muta kendeke, fo ali si ñaatotaa soto ali la kata kuwolu bee to.

5 Musa 30:14

Wo nte! Kumoo be sutiyaariŋ ali la le. A be ali daa koto le, aniŋ ali sondomoo to. Wo to, ali si baara noo ì la le.

5 Musa 31:11

Wo waatoo la Banisirayilankoolu bee ka naa Yaawe ali la Alla ñaatiliŋo la le, a ye daameŋ tomboŋ. Ali si ñiŋ Luwaa karaŋ Banisirayilankoolu bee ye, ì ye a moyi.

5 Musa 31:24

Kabiriŋ Musa ye luwaa kumoolu bee baŋ safee la kitaaboo kono,

5 Musa 5:1

Bituŋ Musa naata Banisirayilankoolu bee kumandi ka ì bendi ñoo kaŋ, a ko ì ye ko: Alitolu Banisirayilankoolu, ali i lamoyi luwaalu niŋ yaamaroolu bee la m be naa mennu fo la ali ye bii luŋo la. Ali ñanta le ka ì karaŋ, aduŋ ali si ì muta kuuke.

5 Musa 5:29

Niŋ ì sondomoolu tuta teŋ, ì ye n horoma, ì ye n na luwaalu bee muta, kuwolu bee be laakuu la ì ye le, ì niŋ ì koomalankoolu fo abadaa.

5 Musa 5:32

Bituŋ Musa ko ì ye ko: Ali kuwolu bee muta kendeke, Yaawe ali la Alla ye ali yaamari mennu la. Ali kana hani yaamari kiliŋ soosoo wolu kono, waraŋ ka jenke kara la.

Kolosankoolu 3:16

Ali Kiristu la kumoo bula, a ye baluu kendeke ali kono. Ali ñoo karandi, ali ye ñoo yaamari niŋ ñaameŋo bee la. Ali jabuuroolu laa, jayiri suukuwolu aniŋ suukuu senuŋolu. Ali si ì laa niŋ tenturoo la ali sondomoolu kono.

Yosuwa 1:7

I si fatiyaa kendeke, i ye bambaŋ! I hakiloo tu luwaalu to, n na dookuulaa Musa ye mennu dii i la. I niŋ a la kuwolu kana foo ñoo kooma, fo i si naa ñaatotaa soto noo, i taata daa-wo-daa.

Yosuwa 8:34

Wo koolaa, Yosuwa naata luwaa ñiŋ na kumakaŋolu bee karaŋ santo, neemoo aniŋ dankoo, ko a be safeeriŋ Luwaa Kitaaboo faŋo to ñaameŋ.

Lankenemoo 22:14

Barakoo be moolu le ye, mennu ye ì la duŋ feŋolu kuu fo ì si taa noo yiroo to, meŋ ka baluwo dii, aniŋ ì si duŋ noo saatewo kono, ka bo niŋ a dundaŋ daalu la.