Yohana 8:6 - Mandinka Bible

⁶ Ì ye ñiŋ fo le ka Yeesu kotobo, fo ì si a tuumi noo ñaameŋ. Wo to le Yeesu jimita duuma. A ye safeeroo ke niŋ a bulukondiŋo la bankoo to.

Yohana 8:6 Mawu Ofanana

1 Musa 49:9

Yahuuda, n dinkewo, ite ka muluŋ ne ko jatadiŋo, meŋ ka i baluu suboo la ka ke sembemaa ti. I ka i saba le, i ye i tiliŋ ko jatoo, ko jatamusoo, jumaa le be haañi la ka i maa?

Jabuuroolu 39:1

N ko m faŋ ye ko, “M be n hakilitu la n kekuwolu to le, ŋa n neŋo muta, a kana n duŋ junube kuwo to. M be n daa mara la niŋ karafewo le la, niŋ moo kuruŋolu be n daala.”

Kuma Kotoomaalu 26:17

Ko moo meŋ ye wuloo muta a tuloo to ka a saba, tambilaa be wo le ñaama, meŋ ka a daa bula sonkoo to, meŋ maŋ ke a taa ti.

Kawandilaa 3:7

Waati le be feŋo la faroo la, waati be a karoo la. Waati le be deyoo la, waati be diyaamoo la.

Yeremiya 17:13

Kooni Yaawe, Banisirayila jikoo mu ite meŋ ti, moo-wo-moo ye a koo dii ite la, a be malu la le. Moolu mennu badalita i ma, ì be yeemaŋ na le ko safeeroo meŋ keta buutoo kono, bayiri ì ye ì koo dii ite Yaawe la le, baluwo jiyo diilaa.

Daniyeli 5:5

Loodulaa kiliŋ moo buloo fintita, a ye safeeroo ke mansa la buŋo bala, lampu maloo tarata looriŋ daameŋ to kaŋ. Aduŋ mansa ñaa ye buloo je le a be safeeroo la.

Amosi 5:10

Kooroo be boyi la ali kaŋ ne, alitolu Banisirayilankoolu. Moo-wo-moo ka tooñaa yitandi kiitiidulaa to, ali ka wo maarii koŋ ne, ali ye jutu moo la meŋ ka tooñaa fo.

Amosi 5:13

Wo ye a tinna hakilimaalu tuta deyiriŋ ne ñiŋ waatoo bee kono, kaatu kuruŋyaa waatoo le mu.

4 Musa 14:22

Ñiŋ moolu kono, hani kiliŋ te duŋ na ñiŋ bankoo kaŋ. Ì ye n na kallankeeyaa je le, aniŋ n na kaawakuwolu ŋa mennu ke Misira aniŋ keñewuloo kono. Bari hani wo ì ka tu n kotobo la, ì buka soŋ ka i lamoyi.

Matiyu 10:16

“Ali a kalamuta ko, m be ali kii kaŋ banta le ko saajiyolu, mennu be suluwolu kono. Wo kamma la ali si feere ko woloo, aniŋ ali si sooneeyaa ko puraa.

Matiyu 15:23

Bari Yeesu maŋ a jaabi hani kuma kiliŋ na. Wo to le a la saayiboolu naata a kaŋ, ì ye a daani ko, “A bayi, a ye taa, kaatu a be sari kaŋ ntolu nooma le.”

Matiyu 16:1

Bituŋ Farisewolu* niŋ Sadusewolu* naata Yeesu kaŋ ka a kotobo. Ì ye a ñininkaa, fo a si kaawakuwo yitandi ì la ka bo Arijana ka a ke taamanseeroo ti.

Matiyu 19:3

Wo to le Farisewolu* naata a kaŋ ka a kotobo, ì ye a ñininkaa ko, “Fo Luwaa sonta ñiŋ na le baŋ, kewo ye a la musoo bula daliila-wo-daliila kaŋ?”

Matiyu 22:18

Bari Yeesu ye ì la feere kuruŋo loŋ ne, bituŋ a ko ì ye ko, “Alitolu bunaafayoolu, muŋ ne ye a tinna ali ka n kotobo?

Matiyu 22:35

Bituŋ kiliŋ be ì kono, meŋ mu Luwaa lonnaa ti, a ye Yeesu ñininkaa ka a kotobo,

Matiyu 26:63

Bari Yeesu tuta deyiriŋ. Bituŋ piriisi kuntii baa ko a ye ko, “Ŋa i kalindi Alla baluuriŋo too le la, a fo n ye, fo ite le mu Alimasiihu* ti baŋ, Alla Dinkewo*.”

Maaka 10:2

Bituŋ Farisewolu* naata a kaŋ ka a kotobo. Ì ye a ñininkaa ko, “Fo Luwaa sonta ñiŋ na le baŋ, kewo ye a la musoo bula?”

Maaka 12:15

Ǹ ñanta a joo la le baŋ, waraŋ fo m̀ maŋ ñaŋ na a joo la?” Bari Yeesu ye ì la bunaafayiyaa loŋ ne, a ko ì ye ko, “Muŋ ne ye a tinna ali ka n kotobo? Ali denaari kiliŋ samba n ye naŋ, ŋa a juubee!”

Maaka 3:2

Farisewolu* tarata Yeesu koroosi kaŋ, fo a be a kendeyandi la le Loobula Luŋo la, fo ì si siloo soto ka a tuumi.

Maaka 8:11

Wo to le Farisewolu* naata, ì ye a dati ka Yeesu soosoo. Ì ye a ñininkaa, fo a si kaawakuwo yitandi ì la ka a ke ì ye taamanseeroo ti ko, a bota Alla le yaa.

Luka 10:25

Luwaa lonnaa doo wulita ka Yeesu kotobo. A ye a ñininkaa ko, “Karammoo, n ñanta muŋ ne ke la fo n si badaa-badaa baluwo soto?”

Luka 11:16

Bituŋ doolu ye a kotobo ko, a si taamanseeroo yitandi ì la ka bo Arijana.

Yohana 8:2

Soomandaa juunoo la, a naata Alla Batudulaa to kotenke. Moolu bee naata a kaŋ jee. Wo to le a siita, a ye ì karandi.

1 Korintinkoolu 10:9

M̀ maŋ ñaŋ na Maariyo kotobo la ko itolu doolu ye a ke ñaameŋ, meŋ ye a tinna saalu ye ì kasaara.