Yohana 8:43 - Mandinka Bible

⁴³ Muŋ ne ye a tinna ali maŋ n na kumoo fahaamu? Kaatu ali maŋ ali tuloolu loo noo ka n na kumoo moyi.

Yohana 8:43 Mawu Ofanana

Kuma Kotoomaalu 28:5

Moo kuruŋolu buka tiliŋo la kuwo fahaamu noo, bari moolu mennu ka Yaawe* ñini, wolu ka a fahaamu kendeke le.

Yesaya 44:18

Ì maŋ feŋ loŋ, aduŋ ì maŋ feŋ fahaamu. Ì ñaalu be finkiriŋ ne, wo le ye a tinna ì buka feŋ je. Ì sondomoo be sukiriŋ, ì buka fahaamuroo ke.

Yesaya 6:9

A ko n ye ko, “Taa a fo ñiŋ moolu ye ko, ‘Ali si lamoyiroo ke, bari ali te fahaamuroo ke la. Ali si juubeeroo ke, bari ali te feŋ kalamuta la.’

Yeremiya 6:10

N si diyaamu noo jumaa le ye ka a dandalaa? Jumaa le be i lamoyi la n na? Ì tuloolu sukita le, ì te i moyi noo la. Ì ka jutu Yaawe la kumoo la le, a buka ì kontaani.

Hoseya 14:9

Moo meŋ ñaamenta, wo be ñiŋ kuwolu fahaamu la le. Moo meŋ ka kuwolu bo noo ñoo to, wo be ñiŋ loŋ na le. Yaawe la siloo tilinta le, moo tilindiŋo ka taama ate le la, bari moo kuruŋo, wo ka taki a kaŋ ne.

Mika 4:12

Bari ì maŋ a loŋ, miiroolu mennu be Yaawe bulu, ì maŋ a la feere landiriŋo loŋ ko, a ye ì kafu ñoo kaŋ ne ka ì jarabi, ko siimaŋ kunsitoolu ka tembendi toñonkari dulaa ñaameŋ.

Matiyu 13:15

Kaatu ñiŋ moolu sondomoolu bee jaata le. Ì buka moyiroo ke noo baake ì tuloolu la, aduŋ ì ye ì ñaalu biti le. Niŋ wo nte, ì be jeroo ke la ì ñaalu la le, ì ye moyiroo ke ì tuloolu la, aduŋ ì be fahaamuroo ke la ì sondomoolu la le ka naa muru nte kaŋ, fo n si ì kendeyandi.’

Yohana 5:25

Tooñaa-tooñaa, m be a fo la ali ye, waatoo be naa la le, aduŋ a siita le fokabaŋ, waatoo meŋ, furewolu be Alla Dinkewo* la kumakaŋo moyi la. Aduŋ mennu ye a moyi, wolu be badaa-badaa baluwo le soto la.

Yohana 5:43

Nte naata m Faamaa tooyaa le la, alitolu maŋ soŋ m ma. Bari niŋ moo doo ka naa a faŋo tooyaa la, ali ka soŋ wo maarii ma le.

Yohana 6:60

Kabiriŋ a noomalanka jamaa ye ñiŋ kumoolu moyi, ì ko, “Ñiŋ mu kuma koleŋ baa le ti. Jumaa le si ñiŋ muta noo?”

Yohana 7:17

Niŋ moo-wo-moo lafita ka Alla la lafoo ke, a be a loŋ na le, fo ñiŋ karandiroo bota Alla le yaa, waraŋ fo nte ka m fansuŋ kuwo le fo.

Yohana 8:27

Ì maŋ a fahaamu ko, a ka a Faamaa la kuwo le fo ì ye.

Yohana 8:33

Ì ye a jaabi ko, “Ntolu mu Iburayima koomalankoolu le ti, aduŋ ǹ nene maŋ ke moo la joŋo ti. Wo to, ite si a fo noo ñaadii le ko, ‘Ali be firiŋ na le’?”

Yohana 8:39

Ì ye a jaabi ko, “Iburayima le mu ntolu faamaa ti.” Bituŋ Yeesu ko ì ye ko, “Niŋ ali mu Iburayima diŋolu le ti, wo to ali be baara la kuwolu le la, Iburayima ye mennu ke.

Kiilaalu 7:51

“Alitolu moo kuŋ jaaroolu! Ali sondomoolu niŋ ali tuloolu sukita le. Ali ka tu balandiŋ Noora Kuliŋo ma le waati-wo-waati. Ali mumuñolu ka meŋ ke nuŋ, ali fanaa be wo le ke kaŋ.

Roomankoolu 3:11

Moo te keriŋ, meŋ ye fahaamuroo soto, moo maŋ Alla ñini.