Yohana 8:41 - Mandinka Bible

⁴¹ Ali ka ali faamaa la kuwolu le ke.” Wo to le ì ko a ye ko, “Ntolu maŋ ke jankadiŋolu ti. Ŋà Faamaa kiliŋ ne soto, meŋ mu Alla ti.”

Yohana 8:41 Mawu Ofanana

2 Musa 4:22

Bituŋ i si a fo Firawoona ye ko, ‘Yaawe ye ñiŋ ne fo ko, Banisirayila be a ye le ko dinkee foloo.

Yesaya 63:16

Bari ite le mu m̀ Faamaa ti. M̀ mumuñolu Iburayima niŋ Isirayila maŋ ǹ loŋ, ì maŋ ǹ na kuwo loŋ. Hee Yaawe, ite le mu m̀ Faamaa ti, ǹ Kumakaalaa, biriŋ koomanto, wo le mu i too ti.

Yesaya 64:8

Bari Yaawe*, ite le mu m̀ Faamaa ti. Ǹ ka munta le ko potoo, aduŋ ite le mu boodaalaa ti, i buloolu le ye ntolu bee daa.

Yeremiya 3:19

“Nte Yaawe ko m faŋ ye le ko: Wo si nte seewoo, ka ali bulandi ñiŋ kontoo kono ko, n diŋolu le mu ali ti, ŋa ñaaboo bankoo dii ali la, bankoolu bee banku ñiimaa. Ŋa ñiŋ ne muta ko ali be n kumandi la ali Faamaa le la, aduŋ ali te muru la ka ali koo dii n na.

Yeremiya 31:20

Yaawe ko: “Fo Efurayimu maŋ ke n kanu diŋo le ti baŋ? Fo a maŋ ke n jusukunto diŋo le ti baŋ? N ka tu la a jalayi la ñaa-wo-ñaa, hani wo n hakiloo ka tara a kaŋ ne. A la kuwo loo be faariŋ n kono le. Tooñaa, m be balafaa yitandi la a la le.” Yaawe le ye a fo.

Hoseya 1:2

Yaawe la diyaamu foloo Hoseya ye, a ko a ye le ko, “Taa i ye cakamusoo futuu, ali ye cakadiŋolu wuluu, kaatu ñiŋ banku moolu ka cakayaa maañaa le ke, bayiri ì ye ì koo dii nte Yaawe la le.”

Malaki 1:6

Yaawe Alihawaa Maariyo ko piriisoolu* ye ko, “Dinkewo ka a faa horoma le, aduŋ joŋo fanaa ka a maarii horoma le. Niŋ a ye a tara nte mu ali faamaa ti, n na horomoo diita n na mintoo le? Niŋ m mu ali maarii ti, n na buuñaa diita n na mintoo le? Alitolu le jututa n too la. “Bari ali ka a fo ko, ‘Ntolu jututa i too la ñaadii?’

Malaki 2:11

Yahuudoolu maŋ tiliŋ Alla fee, aduŋ kuu haraamuriŋolu le keta Yerusalaamu, aniŋ Banisirayila bee. Yahuudoolu ye Yaawe Batudulaa Senuŋo le kosondi, a ye daameŋ kanu, ka bantala banku* sunkutoolu futuu, mennu ka jalaŋolu batu.

Yohana 8:38

Nte ka kuwolu le fo, ŋa mennu je m Faamaa la. Aduŋ ali fanaa ka kuwolu le ke, ali ye mennu moyi ali faamaa la.”

Yohana 8:44

Ali bota Ibiliisa le bala, ali faamaa, aduŋ ali lafita ka ali faamaa la lafoo le ke. A mu moofaalaa le ti biriŋ foloodulaa to. A maŋ tara tooñaa kaŋ, kaatu tooñaa te a bulu. Niŋ a ye faniyaa fo, a daajikoo le mu, kaatu a mu faniyaa folaa le ti, aniŋ faniyaa folaalu faamaa.

5 Musa 14:1

Musa ko Banisirayilankoolu ye ko: Alitolu mu Yaawe* ali la Alla la dindiŋolu le ti, wo to niŋ ali be saŋakumboo la, ali kana ali faŋ nama waraŋ ka ali fondaalu lii.

5 Musa 32:6

Alitolu toolee hakilintaŋolu, fo ali ñanta Yaawe joo la teŋ ne baŋ? Fo ate le maŋ ke ali faamaa ti, ali Daamansoo? Fo ate le maŋ ali daa ka ali ke banku baa ti?

1 Yohana 3:12

M̀ maŋ ñaŋ na ke la ko Kaabiila meŋ bota Seetaanoo* bala, a ye a doomaa faa. Aduŋ muŋ ne ye a tinna a ye a faa? Kaatu a la kebaaroolu le jawuyaata, a doomaa la kebaaroolu tilinta.