Yohana 6:20 - Mandinka Bible

²⁰ bari Yeesu ko ì ye ko, “Nte le mu, ali kana sila!”

Yohana 6:20 Mawu Ofanana

Jabuuroolu 35:3

I la sooroo niŋ i la hawusaroo* teeka m bayindilaalu kamma. N dankeneyandi ko i be n tanka la le.

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Yesaya 41:14

Yaakuba koomalankoolu, ali kana sila, alitolu mennu ka muluŋ moolu ñaa koto ko tumboo. Hee ite Banisirayilandiŋ, nte faŋo le be i maakoyi la.” Yaawe Banisirayila la Senuŋ Baa, ali Kumakaalaa faŋo le ye a fo.

Yesaya 44:8

Ali kijoo kana ali fara, waraŋ ka sila. Fo m maŋ ñiŋ fo ali ye nuŋ kabiriŋ aniŋ saayiŋ? Alitolu le mu n seedoo ti. Fo alla doo le be jee nte koolaa? Hanii, semberaŋ bere doo te jee, nte maŋ hani kiliŋ loŋ.”

Maaka 16:6

Bituŋ a ko ì ye ko, “Ali kana jaakali. Ali ka Yeesu Nasaretinkoo le ñini, ì ye meŋ pempeŋ yiribantambiloo kaŋ. A wulita saayaa kono le, a te jaŋ. Ali a juubee, ì ye a landi daameŋ.

Maaka 6:50

kaatu ì bee le ye a je, aduŋ ì silata. Bari wo loo niŋ baroo teema, a diyaamuta ì ye ko, “Ali kijoo kana fara, nte le mu. Ali kana sila.”

Yohana 6:19

Biriŋ ì ye kuluŋo jaa fo kilomeetari luulu waraŋ wooro ñoŋ na, ì ye Yeesu je. A be taama la baajiyo kaŋ, a be kuluŋo waliŋ kaŋ. Bituŋ ì bee silata baake,

Yohana 6:21

Bituŋ ì seewoota ka a bulandi kuluŋo kono. Wo loo niŋ baroo teema, kuluŋo futata tintoo to, ì ka taa daameŋ to.