Yohana 5:6 - Mandinka Bible

⁶ Kabiriŋ Yeesu ye a je laariŋ jee, a ye a loŋ ne ko, a la kuuraŋo meebaata a la le. Bituŋ a ko a ye ko, “Fo ite lafita le ka kendeyaa baŋ?”

Yohana 5:6 Mawu Ofanana

Jabuuroolu 142:3

Niŋ n jikilateyita, ite le ka n taaraŋ siloo koroosi. N taaraŋ siloo kaŋ, n jawoolu ye kutindiŋo le laa n ye jee.

Yesaya 65:1

Yaawe* ko: “Ŋa m faŋo yitandi moolu la le, mennu buka n na kuu ñininkaa, aniŋ moolu mennu buka n ñini, fo ì si n je. N ko bankoo meŋ buka n too kumandi ye ko, ‘M fele jaŋ! M fele jaŋ!’

Yeremiya 13:27

Ŋa i la kuu ñewundiŋolu le je, i la jeenoo niŋ sabatibaliyaa, aniŋ i la cakayaa maañaa, konkoolu kaŋ aniŋ kenoolu kono taariŋ. Ite Yerusalaamu, kooroo be i ye! Janniŋ waati jumaa le ite be seneyaa noo la?”

Luka 18:41

“I lafita ŋa muŋ ne ke i ye?” Finkintewo ye a jaabi ko, “M Maariyo, m maakoyi fo n si jeroo ke kotenke.”

Yohana 21:17

Yeesu ko a ye sabanjanke ko, “Simoni Yohana dinkewo, fo i ye n kanu le baŋ?” Pita niyo naata kuyaa baake, kaatu wo le mu siiñaa sabanjaŋo ti, Yeesu ye a ñininkaa ko, “Fo i ye n kanu le baŋ?” Wo to le Pita ko a ye ko, “M Maarii, i ye kuwolu bee loŋ ne. Ite ye a loŋ ne ko, ŋa i kanu le.” Bituŋ Yeesu ko a ye ko, “N na saajiyolu daañini!

Yohana 5:5

Kee doo be nuŋ jee, meŋ tarata kuurandiŋ fo sanji taŋ saba niŋ seyi.

Yohana 5:7

Kuurantoo ye a jaabi ko, “Maariyo, nte maŋ maakoyirilaa soto ka n samba daloo kono, niŋ jiyo maamanta. Niŋ m be naa kaŋ, moo doo le ka n saabaŋ jee.”

Hiburunkoolu 4:13

Feŋ te keriŋ daaroo kono, meŋ si i maabo noo Alla ma. Kuwolu bee be laariŋ kenebaa le to a ñaatiliŋo la, aduŋ ate le be ǹ na kebaaroolu kontibo la.

Hiburunkoolu 4:15

Ŋà piriisi kuntii baa le soto, meŋ ye balafaa soto noo ǹ ye ǹ na sembentaŋyaa kono, kaatu marisa kuwolu naata a faŋo kaŋ ne sila-wo-sila la ko m̀ be ñaameŋ, bari ate nene maŋ junuboo ke.