Yohana 3:6 - Mandinka Bible

⁶ Meŋ wuluuta balajaatoo la, wo mu balajaatoo le ti, aduŋ meŋ wuluuta Nooroo la, wo mu nooroo le ti.

Yohana 3:6 Mawu Ofanana

1 Musa 5:3

Kabiriŋ Adama siyo be sanji keme sanji taŋ saba, a ye dinkewo soto, meŋ mulunta ko a faŋo, ate faŋo sawuroo be ñaameŋ. Bituŋ a naata a toolaa Seti la.

1 Musa 6:12

Alla ye a je le, duniyaa moolu be jenkeriŋ ñaameŋ. Moo bee le tarata taama kaŋ a fansuŋ sila jenkeriŋo kaŋ.

1 Musa 6:5

Yaawe naata a je ko, hadamadiŋolu la tilimbaliyaa semboo warata duniyaa kono le, aduŋ ì sondomoolu la miira kuwolu ka tara looriŋ kuu jawu kewo doroŋ ne kaŋ waati-wo-waati.

Yuuba 14:4

Hadamadiŋo maŋ seneyaa, feŋ senuŋ si bo noo a bala ñaadii le?

Yuuba 25:4

Hadamadiŋo si tiliŋ noo Alla ñaa koto ñaadii le? Musoo ye moo meŋ wuluu, wo maarii si seneyaa noo ñaadii?

Jabuuroolu 51:10

Hee Alla, sondome senuŋo daa n kono, i ye n saayindi kuu ka soŋ i ma.

Yohana 1:13

Wo keta niŋ wuluuñaa le la, meŋ maŋ bo yeloo la, sako moolu la hame kuwolu niŋ ì balajaatoo la lafoo, bari ka bo niŋ Alla faŋo le la.

Yohana 3:7

Kana jaakali, kaatu n ko i ye le ko, ‘Ali ñanta wuluu la le kotenke.’

Roomankoolu 7:18

Kaatu nte ye a loŋ ne ko, feŋ bete te n kono. Ŋa ñiŋ fo n na hadamadiŋyaa hame kuwolu le to, kaatu m faŋo ka lafi le ka kuu betoo ke, bari m buka a ke noo.

Roomankoolu 7:25

Tenturoo be Alla ye, firiŋo naata ka bo niŋ Yeesu Kiristu le la, m̀ Maariyo! Saayiŋ, n sondomoo kono n sonta le ko, nte mu joŋo le ti Alla la Luwaa ye, bari m balajaatoo niŋ a la hame kuwolu le ye a tinna, n ka luwaa doo muta, meŋ mu junuboo la maraloo ti.

Roomankoolu 7:5

Kabiriŋ m̀ be baluuriŋ ka ǹ na hadamadiŋyaa hame kuwolu nooma nuŋ, Luwaa naata ǹ na niidiyaa kuu jawoolu maamandi ǹ kono mennu ka ǹ samba saayaa kaŋ.

Roomankoolu 8:13

Kaatu niŋ ali ka baluu ka wo hame kuwolu nooma, ali be faa la le, bari niŋ ali baluuta ka Alla la Nooroo nooma, Nooroo le ka balajaatoo la hame kuwolu kasaara, aduŋ ali be baluu la le.

1 Korintinkoolu 6:17

Bari moo meŋ kafuta Maariyo ma, wo niŋ a keta noora kiliŋ ne ti.

2 Korintinkoolu 5:17

Moo meŋ mu Kiristu taa ti, wo maarii keta moo kutoo le ti, kuu kotoo tambita le, kuu kutoo le naata.

Kalatiyankoolu 5:24

Moolu mennu mu Kiristu Yeesu taalu ti, wolu ye ì balajaatoo la lafoo niŋ hame kuu jawoolu pempeŋ yiribantambiloo bala le.

Efesusinkoolu 2:3

M̀ fanaa nene tarata wo moolu kono le nuŋ ka m̀ balajaatoolu la hame kuwolu nooma. Ǹ tarata sondiŋ m̀ balajaatoolu niŋ ǹ na niidiyaa kuwolu le la. Wo kamma la, ǹ niŋ ǹ na hadamadiŋyaa mankutoo keta kasaaroo diŋolu le ti, ko hadamadiŋ koteŋolu bee be ñaameŋ.

Kolosankoolu 2:11

Ate le kono, ali naata sunna fanaa. Wo sunnoo maŋ ke hadamadiŋ buloo la, bari ali sunnata Kiristu le la, kabiriŋ ali ye ali la daajika kotoo wura ali bala,

1 Yohana 3:9

Moo meŋ wuluuta Alla la, wo buka tenteŋ junube kewo la, kaatu Alla mankutoo ka tu sabatiriŋ a kono le. Wo kamma la, a te tu la junube kewo la, kaatu a wuluuta Alla le la.