Yohana 21:25 - Mandinka Bible

²⁵ Bari kuu koteŋ jamaa le be jee, Yeesu ye mennu ke. Niŋ wolu bee kiliŋ-kiliŋ naa safeeta, ŋa a miira, duniyaa faŋo te dulaa soto noo la wo kitaaboolu ye, mennu be safee la.

Yohana 21:25 Mawu Ofanana

Yuuba 26:14

Bari ñiŋ mu a la mansabaayaa kono kuundiŋ ne ti, ǹ ka domandiŋ doroŋ ne moyi. A semboo be le ko saŋ feteŋo, moo buka Alla la waroo daŋo loŋ noo.

Jabuuroolu 40:5

Kooni Yaawe, n na Alla, i ye kaawakuu jamaa le ke. I ye kuu baa jamaa le parendi ntolu ye. Tembeñoo te tara noo la ite la. Niŋ ŋa a kata ka ì bee fo, ì yaatewo tambita kontiroo la le.

Jabuuroolu 71:15

M be kali kuu kendoolu seyinkaŋ na le, i ye mennu ke tiloo muumewo bee, ka a fo i ye i la moolu kiisa ñaameŋ, wo kuwolu yaatewo tambita n na londoo la ñaa-wo-ñaa.

Kawandilaa 12:12

N diŋo, dandalaaroo fele, ñiŋ kumoolu koolaa, fata karandiri koteŋolu ma. Kitaaboo safewo maŋ dandulaa soto, aduŋ karaŋ baa, a ka balajaatoo batandi le.

Amosi 7:10

Bituŋ Amasiya, Beteli piriisoo* naata kiilaa kii Yerobowamu ye, Banisirayila mansa ka a fo a ye ko, Amosi be jamfaa le siti kaŋ a kamma Banisirayila faŋo kono, aduŋ bankoo moolu te a la kumakaŋolu taa noo la.

Matiyu 11:5

Finkintewolu ñaalu yeleta, namatoolu taamata, balajawutoolu kendeyaata, tulu sukiriŋolu ye moyiroo ke, furewolu wulita, aniŋ kibaari betoo kawandita fuwaaroolu ye.

Matiyu 19:24

Ŋa a fo ali ye kotenke, a be sooneeyaa la, ñonkomoo ye duŋ bendaŋ huwo la, diina fankamaa ye duŋ Alla la mansabaayaa kono.”

Maaka 5:16

Bituŋ moolu mennu ye seetaanitoo niŋ seewu koorewo la kuwo je, ì ye wo kuwo saata doolu ye.

Kiilaalu 10:38

Ali ye a loŋ ko, Yeesu meŋ bota Nasareti, Alla ye a fandi Noora Kuliŋo niŋ semboo la le. A taata daa-wo-daa, a ka kuu betoo le ke, aniŋ a ka moolu bee le kendeyandi, Ibiliisa ye mennu siti, kaatu Alla be a fee le.

Kiilaalu 20:35

Kuwolu bee kono, ŋa mennu yitandi ali la, ǹ ñanta dookuwo ke la baake wo le ñaama ka moo lamfuriŋolu maakoyi. Ali hakiloolu si bula m̀ Maarii Yeesu la kumoolu la ko, ‘Ka sooroo ke, wo le neemoo warata diina ka a taa.’ ”

Hiburunkoolu 11:32

Nte si muŋ ne fo noo kotenke? Waatoo maŋ soto noo nte ye ka Kideyoni, Baraki, Samuuda, Yefuta, Dawuda, Samuweli, ì niŋ annabiyomoolu la kuwo saata.