Yohana 19:7 - Mandinka Bible

⁷ Bituŋ Yahuudoolu ye a jaabi ko, “Ŋà luwaa soto le, aduŋ ka bo niŋ wo luwaa la, a ñanta faa la le, kaatu a ye a faŋ ke Alla Dinkewo* le ti.”

Yohana 19:7 Mawu Ofanana

Yesaya 53:4

Tooñaa-tooñaa, ate le ye ǹ na kuuraŋolu taa a ye ǹ na dimoo dunoo samba, bari hani wo, ŋà a miira le ko, Alla le ye a busa, a ye a mantoora, a ye a jarabi.

3 Musa 24:16

Moo-wo-moo ye nte Yaawe too sooki, a maarii ñanta le ka faa. Jamaa bee le ñanta ka a kurulabuŋ, ka a faa. A keta Banisirayilanka le ti baŋ, waraŋ tumarankee, niŋ moo-wo-moo ye nte too sooki, a maarii ñanta le ka faa.

Maaka 15:39

Kabiriŋ kelediŋ kuntiyo meŋ tarata looriŋ a la yiribantambiloo ñaatiliŋo la ye a je, Yeesu ye a la niijii labaŋo ke ñaameŋ, a ko, “Tooñaa, ñiŋ kewo mu Alla Dinkewo* le ti!”

Yohana 19:8

Kabiriŋ Payileti ye ñiŋ kumoo moyi, a la silaŋo kafuta baake.

Yohana 5:18

Wo kumoolu kamma la, Yahuudoolu ye a kata baake ka Yeesu faa. Ì ko, a maŋ luwaa doroŋ tiñaa Loobula Luŋo la, bari biriŋ a ko, Alla mu ate Faamaa le ti, a ye a faŋo niŋ Alla le kaañandi.

Kiilaalu 18:13

Ì ye a tuumi ko, “Ñiŋ kewo ka moolu karandi Alla batuñaa le la, luwaa maŋ soŋ meŋ na.”

Roomankoolu 1:4

A la saayaakoolaa wulindiroo ye a yitandi le ko, a mu Alla Dinkewo* le ti ka bo niŋ Alla la Nooroo la, aduŋ semboo be ate le bulu. Ate le mu m̀ Maariyo ti, Yeesu Kiristu.

5 Musa 18:20

Bari annabiyomu-wo-annabiyomu meŋ haañita ka kumoo fo nte tooyaa la, a ye a tara m maŋ a yaamari a la, waraŋ a ka diyaamu alla koteŋolu tooyaa la, wo annabiyomoo ñanta faa la le.”