Yohana 19:5 - Mandinka Bible

⁵ Wo to le Yeesu fintita naŋ banta, ŋaniŋ naafamaa be dundiŋ a kuŋo to, waramba wuleŋo be dundiŋ a la. Bituŋ Payileti ko ì ye ko, “Ali kewo juubee!”

Yohana 19:5 Mawu Ofanana

Yesaya 40:9

Ite meŋ ka kibaari diimaa naati Siyoni*, sele konko jaŋo santo, ite meŋ ka kibaari diimaa naati Yerusalaamu, sari kendeke, sari santo, aduŋ i kana sila. A fo Yahuuda saatee moolu ye ko, “Ali la Alla fele!”

Yesaya 43:1

Wo to saayiŋ, Yaawe* meŋ ye ite Yaakuba daa, a ye muluŋo ke ite Banisirayila la, a ye ñiŋ ne fo ko: “Ali kana sila, kaatu ŋa ali kumakaa le, ŋa ali kumandi ali too le la ka ke m faŋo taa ti.

Yesaya 7:14

Saayiŋ Maariyo faŋo le be taamanseeroo dii la ali la. Ali a juubee, sunkutoo be konoo taa la le, aduŋ a be dinkewo le wuluu la. A be a toolaa la Immanuweli le la.

Niikuyaa Suukuwolu 1:12

“Muna tambilaalu, ñiŋ maŋ ke alitolu ye feŋ ti baŋ? Ali a juubee, fo niikuyaa le tambita nte la niikuyaa la baŋ, meŋ laata n kaŋ, Yaawe ye m mantoora meŋ na, a la kamfaa saŋaroo waatoo la.

Matiyu 27:29

Ì naata ŋaniŋ buloolu debe ñoo bala, ka a duŋ a kuŋo la ko mansanaafoo. Ì ye dokoo fanaa duŋ a bulubaa buloo kono. Ì naata ñoyi a ñaatiliŋo la ka a ñaawali ko, “I nimbaara, Yahuudoolu la mansakewo!”

Yohana 1:29

Wo saamoo Yaayaa ye Yeesu je naa la a kaŋ. Bituŋ a ko, “Alla la Saajiiriŋo fele, meŋ ka naa duniyaa la junuboo bondi!

Yohana 19:2

Kelediŋolu naata ŋaniŋ buloolu debe ñoo bala ka a duŋ a kuŋo la ko mansanaafoo. Ì ye waramba wuleŋo duŋ a la.

Hiburunkoolu 12:2

Ali ŋà ǹ ñaa loo Yeesu kaŋ, ǹ na lannoo be looriŋ ate le kaŋ, ka bo a foloodulaa ka taa a labandulaa to. A ye yiribantambiloo tooroo muña le, a maŋ a la malu kuwo juubee, kaatu a ñaa be looriŋ seewoo le kaŋ, meŋ parendita a ye, aduŋ a naata sii Alla la mansasiiraŋo bulubaa karoo la.