Yohana 19:2 - Mandinka Bible

² Kelediŋolu naata ŋaniŋ buloolu debe ñoo bala ka a duŋ a kuŋo la ko mansanaafoo. Ì ye waramba wuleŋo duŋ a la.

Yohana 19:2 Mawu Ofanana

Jabuuroolu 22:6

Bari nte wo maŋ ke moo ti, n ka munta le ko tumboo, moolu jututa n na, aduŋ ì ye n ke jelefeŋo ti.

Yesaya 49:7

Yaawe, Banisirayila la Senuŋ Baa, a Kumakaalaa ka diyaamu moo le ye, bankoolu jututa meŋ na, ì ye a koŋ, a keta maralilaalu la dookuulaa ti, a ye ñiŋ ne fo a ye ko, “Niŋ mansoolu ye i je, ì be wuli la le, maralilaalu fanaa be ñoyi la i ye le, kaatu nte Yaawe le be a saabu la. N ka laahidoolu timmandi le, nte Banisirayila la Senuŋ Baa meŋ ye i tomboŋ.”

Yesaya 53:3

Moolu jututa a la le, ì ye i baŋ a to, moo le mu meŋ ye dimoo niŋ kuuraŋo taki. Ǹ jututa a la le, m̀ maŋ a muta feŋ ti ko moolu maŋ lafi ka moo meŋ je.

Luka 23:11

Wo to le Herodi niŋ a la kelediŋolu ye jutunnayaa kuwo ke a la, aduŋ ì ye a ñaawali fanaa. Labaŋo la ì ye waramba ñiimaa duŋ a la. Bituŋ ì ye a murundi Payileti yaa.

Yohana 19:5

Wo to le Yeesu fintita naŋ banta, ŋaniŋ naafamaa be dundiŋ a kuŋo to, waramba wuleŋo be dundiŋ a la. Bituŋ Payileti ko ì ye ko, “Ali kewo juubee!”