Yohana 15:7 - Mandinka Bible

⁷ Niŋ ali tuta nte kono, aduŋ n na kumoolu tuta ali kono, ali ye kuu-wo-kuu daani, ali lafita meŋ na, a be ke la ali ye le.

Yohana 15:7 Mawu Ofanana

1 Mansoolu 3:5

Yaawe fintita Sulemani kaŋ Kibeyoni siiboo kono suutoo, aduŋ Alla ko, “Feŋ-wo-feŋ daani i lafita ŋa meŋ dii i la.”

Yuuba 22:26

Ate Alla Tallaa le be naa ke la i la seewoo sababoo ti, aduŋ i te malu la a ñaatiliŋo la.

Yuuba 23:12

N nene maŋ a la yaamaroolu soosoo dooto. A fokumoolu, wolu le be m bulu.

Jabuuroolu 119:11

Ŋa i la kumoolu muta n sondomoo kono le, ñiŋ kamma la n kana junube kuu ke i la.

Jabuuroolu 37:4

Seewoo Yaawe la kuwo la, aduŋ hame kuwolu mennu be i sondomoo to, a be ì dii la i la le.

Kuma Kotoomaalu 10:24

Moo kuruŋo silata kuwo meŋ na, a be bula la a kono le, bari moo kendoo ye meŋ ŋaniya, wo le be ke la a ye.

Kuma Kotoomaalu 4:4

m faamaa ka n karandi le, a ka a fo n ye ko, “N na kumoo muta i sondomoo kono, i ye n na yaamaroo nooma, wo le be i balundi la.

Yesaya 58:8

Niŋ ali ye wo kuwolu ke, ali la kiisoo be naa la le ko fanikewo. Ali be jaaraloo soto la katabake le. Ali la tiliŋo le be ali ñaatonkayaa la, nte Yaawe la kallankeeyaa* le ye ali kooma tankandi.

Yeremiya 15:16

Ŋa i la kumoo kiliŋ-kiliŋ tomboŋ ne, ŋa a ke ko n na domoroo, aduŋ i la kumakaŋolu keta n ye seewoo le ti, aniŋ jusulaa. Hee Yaawe Alihawaa Maariyo*, i tooyaa le be n kunna.

Matiyu 7:7

“Ali daaniroo ke, aduŋ a be dii la ali la le. Ali ñinindiroo ke, aduŋ ali be a je la le. Ali konkondiroo ke, aduŋ bundaa be yele la ali ye le.

Yohana 14:13

Ali ye feŋ-wo-feŋ daani nte too la, m be a ke la ali ye le, fo Faamaa la semboo niŋ waroo si yitandi ka bo niŋ Dinkewo la.

Yohana 15:16

Alitolu maŋ nte tomboŋ, bari nte le ye alitolu tomboŋ. Ŋa ali tomboŋ ne, fo ali si taa ka diŋ ko yiroo, aduŋ ali la diŋolu si tu jee, ì kana tiñaa. Wo to le, niŋ ali ye m Faamaa daani feŋ-wo-feŋ na nte too la, a be a dii la ali la.

Yohana 16:23

Wo luŋo la, ali te nte ñininkaa la feŋ na. Tooñaa-tooñaa, m be a fo la ali ye, niŋ ali ye m Faamaa daani feŋ-wo-feŋ na nte too la, a be a dii la ali la le.

Yohana 8:31

Bituŋ Yeesu ko Yahuudoolu ye, mennu laata a la ko, “Niŋ ali ye n na kumoolu muta, ali be ke la n noomalanka tooñaalu le ti.

Yohana 8:37

“Ŋa a loŋ ne ko, ali mu Iburayima koomalankoolu le ti. Bari hani wo, ali ka siloo ñini ka m faa, kaatu ali maŋ dulaa soto n na kumoo ye ali sondomoolu kono.

Kalatiyankoolu 4:2

A be tara la jiyaatiyolu aniŋ topatoorilaalu le koto fo niŋ waatoo siita, a faamaa ye meŋ londi.

Kalatiyankoolu 5:16

N ko, ali taama Nooroo la siloo la, ì si a je, ali kana ali la hadamadiŋyaa hame kuwolu nooma ka ali faŋolu seewondi.

5 Musa 6:6

Ali hakiloo kana bo ñiŋ yaamaroolu la, n ka mennu dii ali la teŋ bii luŋo la.

Kolosankoolu 3:16

Ali Kiristu la kumoo bula, a ye baluu kendeke ali kono. Ali ñoo karandi, ali ye ñoo yaamari niŋ ñaameŋo bee la. Ali jabuuroolu laa, jayiri suukuwolu aniŋ suukuu senuŋolu. Ali si ì laa niŋ tenturoo la ali sondomoolu kono.

1 Yohana 2:14

Dindiŋolu, ŋa a safee ali ye le, kaatu ali ye m̀ Faamaa loŋ ne. Faalu, ŋa a safee ali ye le, kaatu ali ye ate le loŋ, meŋ sotota kabiriŋ foloodulaa to. Fondinkewolu, ŋa a safee ali ye le, kaatu alitolu bambanta le, aduŋ Alla la kumoo ka sabati ali kono le, aduŋ ali ye Seetaanoo noo le.

1 Yohana 2:27

Bari Nooroo, ali ye meŋ soto ka bo Alla bulu, a sabatita ali kono le. Wo kamma la, ali maŋ suula moo-wo-moo ye ali karandi, kaatu Alla la Nooroo ye ali karandi kuwolu bee le la. Ñiŋ karandiroo mu tooñaa le ti, a maŋ ke faniyaa ti. Baawo a ye ali karandi le, wo to ali sabati Kiristu kono.

1 Yohana 3:22

Aduŋ ŋà feŋ-wo-feŋ daani a bulu, m̀ be wo soto la le, kaatu ǹ ka a la yaamaroolu muta le, aniŋ ǹ ka kuwolu le ke, mennu ka a seewondi.

1 Yohana 5:14

Aduŋ ŋà ñiŋ dankeneyaa le soto ate kono ko, niŋ ŋà feŋ-wo-feŋ daani ka bo a la lafoo la, a ka m̀ moyi le.