Yohana 15:14 - Mandinka Bible

¹⁴ Ŋa ali yaamari meŋ na, niŋ ali ye wo ke, ali mu n teeroolu le ti.

Yohana 15:14 Mawu Ofanana

1 Mansoolu 4:5

Natani dinkewo Asariya le mu mansa la dookuulaalu la kumandaŋ baa ti. Natani dinkee doo Sabudi mu piriisoo le ti aniŋ mansa yaamarilaa.

2 Mansoolu 18:6

A ye Yaawe la kuwo muta a bulu fuloo la le, aduŋ a maŋ bo a la siloo nooma. A ye yaamaroolu muta le, Yaawe ye mennu dii ka bo niŋ Musa la.

2 Taarika 20:7

Fo ite le maŋ ke ǹ na Alla ti, meŋ ye ñiŋ bankoo moolu bayi Banisirayilankoolu ñaato, i la moolu, aduŋ i ye ì la bankoo dii i teerimaa Iburayima koomalankoolu la fo fawu?

2 Musa 7:6

Yaawe ye Musa niŋ Haaruna yaamari meŋ na, ì ye wo le ke.

Kuma Kotoomaalu 18:24

Moo meŋ teeroo siyaata, a ka labaŋ kasaara la le, bari teeroo ka tara jee le, meŋ sutiyaata i la ka tambi i baadiŋo la.

Suukuwo 5:1

M baarimmusu, n na maañoo, m be naa kaŋ n na naakoo to le, ka n na miiri* niŋ seerandi feŋ koteŋolu kafu ñoo ma. M be n na liyo niŋ a kaañoo domo la le, ŋa n na wayinoo* niŋ n na keekewo miŋ. N teerimaalu, ali domoroo ke, ali ye i miŋ, ali ye siira kanoo kono. Musoo ko:

Yesaya 41:8

Yaawe ko, “Bari alitolu Banisirayilankoolu mu n na dookuulaalu le ti. Ŋa Yaakuba koomalankoolu le tomboŋ, ate meŋ bota n teeri Iburayima bala.

Yeremiya 32:23

Ì dunta ñiŋ bankoo kaŋ ne, ì ye a taa, bari ì maŋ i la kumakaŋolu muta, waraŋ ka taama i la yaamaroolu la. I ye ì yaamari kuwolu mennu bee la, ì maŋ hani feŋ ke jee. Wo le ye a tinna i ye ñiŋ kasaaroo bee boyi ì kaŋ.

Esekiyeli 12:7

Yaawe ye a fo n ye ñaameŋ, ŋa a ke wo le ñaama. Wo luŋo faŋo la le, ŋa n na fudoo fintindi naŋ ko meŋ ka taa mutoo kono. Bituŋ wulaara maafaŋo la, ì bee ñaa la, ŋa buŋo baloo siŋ m faŋo buloo la. M fintita niŋ wo huwo la, diboo kono, ŋa n na fudoo deŋ n kaba la.

Matiyu 12:50

Moo-wo-moo meŋ ka m Faamaa la lafoo ke, meŋ be Arijana, wo le mu m baadinkewo ti, m baarimmusoo aniŋ m baamaa.”

Luka 12:4

“N teeroolu, m be a fo la ali ye, ali kana sila moolu la, mennu si balajaatoo faa noo, bari wo koolaa ì buka naa kuu koteŋ ke noo.

Yohana 13:17

Niŋ ali ye ñiŋ kuwolu loŋ, aduŋ ali ye ì ke fanaa, ali be barakoo soto la le.

Yohana 14:15

“Niŋ ali ye nte kanu, ali be n na yaamaroolu muta la le.

Yohana 14:21

Moo meŋ ye n na yaamaroolu moyi, aduŋ a ye ì muta, wo le ye n kanu. Meŋ ye n kanu, m Faamaa be wo kanu la le. Nte fanaa be wo kanu la le, aduŋ m be m faŋo yitandi la a la le.”

Yohana 14:28

Ali ye a moyi le, ŋa meŋ fo ali ye ko, ‘M be taa la le, bari m be naa la ali kaŋ ne kotenke.’ Niŋ ali ye n kanu, ali be seewoo la le ko, n ka taa m Faamaa le yaa, kaatu ate le la kuwo warata ka tambi nte la.

Yohana 2:5

Wo to le a baamaa ko dookuulaalu ye ko, “A ye meŋ-wo-meŋ fo ali ye, ali si wo ke.”

Yankuba 2:23

Ka bo wo siloo le la, Kitaabu Senuŋo la kumoo timmata meŋ ko, “Iburayima laata Alla la le, aduŋ a la wo lannoo le naata a ke moo tilindiŋo ti Alla ñaa koto.” Bituŋ a naata kumandi “Alla teeroo” la.

1 Yohana 5:3

Ka Alla kanu, wo mu ka a la yaamaroolu muta, aduŋ a la yaamaroolu maŋ koleyaa.

Ruti 3:6

Wo to le a taata toñonkari dulaa to, bituŋ a bitammusu ye meŋ bee fo a ye, a ye a bee ke.