Yohana 12:34 - Mandinka Bible

³⁴ Wo to le kafoo ye a jaabi ko, “Ŋà a moyi le ka bo Tawuraatoo to ko, Alimasiihu* be tu la baluuriŋ ne fo abadaa. Wo to ite si a fo noo ñaadii le ko, Moo Dinkewo ñanta wulindi la santo le? Jumaa le mu wo Moo Dinkewo ti?”

Yohana 12:34 Mawu Ofanana

2 Samuweli 7:13

Ate le be ke la moo ti, meŋ be buŋo loo la n too la kuwo kamma la, aduŋ m be a ke la a la mansayaa ye tu fo abadaa.

Jabuuroolu 110:4

Yaawe ye i kali le, aduŋ a te a hakiloo faliŋ na ko, “Ite keta piriisoo* le ti fo abadaa, ko Melikisedeki la piriisiyaa be ñaameŋ.”

Jabuuroolu 72:7

Allamaa tiliŋo ye wajabi a tiloo la, kayiroo ye siyaa, fo janniŋ karoo la boo be daŋ na.

Yesaya 53:8

Ì ye a muta le, ì ye a samba, ka taa a kiitindi ka a faa, moo maŋ a la kuwo hakilitu. N na moolu la junuboolu le ye a tinna, ì ye a barama ka a bondi ñiŋ duniyaa kono.

Yesaya 9:7

A la maraloo be tara la lafaa la le doroŋ, aduŋ kayira bambaloo le be tara la keriŋ. A be a bonsuŋo Dawuda la bankoo mara la le, a be sii la a la siiraŋo le kaŋ. A be a la maraloo londi la le, a ye bambaŋ, aduŋ a be a taamandi la tiliŋo niŋ tooñaa le la, ka dati a la waatoo la, fo abadaa. Yaawe* Alihawaa Maariyo* ye a hame le, ka ñiŋ kuwo taamandi.

Daniyeli 2:44

Wo mansoolu la waatoo la, Arijana Maarii be mansamarali bankoo le londi la, meŋ nene te baŋ na, aduŋ moo koteŋolu te ì semboo laa noo la a kaŋ. A be wo mansamarali banku koteŋolu bee le teyi la, ka ì janjaŋ, ì ye baŋ, aduŋ a be tu la looriŋ ne fo abadaa.

Daniyeli 7:14

Wo le to a ye kaŋo dii a la, horomoo, aniŋ mansayaa semboo, ñiŋ kamma la banku-wo-banku, sii-wo-sii, aniŋ moolu bee si a batu. A la mansayaa semboo be tu la keriŋ ne fo abadaa, aduŋ a la mansabaayaa te baŋ na.

Daniyeli 7:27

Bituŋ ì si naa duniyaa mansamarali bankoolu bee la semboo niŋ waroo dii Alla Mansa Tallaa la moolu la. Ì la mansayaa be tu la le fo abadaa. Maralilaalu bee be soŋ na ì ma le, aduŋ ì be dookuwo ke la ì ye le.”

Mika 4:7

Ñiŋ lanjuurutoolu le be ke la moo baluuriŋ toomaalu ti. Ì ye mennu bayi ì fansuŋ bankoo kaŋ, ì ye ke banku sembemaa baa ti. Nte Yaawe faŋo le be ke la ì la Mansa ti Siyoni Konkoo kaŋ, ka bo saayiŋ fo abadaa.

Matiyu 16:13

Kabiriŋ Yeesu naata Sisareya-Filipi tundoo la, a ye a la saayiboolu ñininkaa ko, “Moolu ko, Moo Dinkewo* mu jumaa le ti?”

Matiyu 21:10

Kabiriŋ Yeesu dunta Yerusalaamu, saatewo bee le duuta ruk. Moolu be a fo kaŋ ko, “Jumaa le mu ñiŋ ti?”

Matiyu 8:20

Bituŋ Yeesu ko a ye ko, “Kunkuwuloolu ye dinkoolu soto le, ì ka tara daameŋ to. Aduŋ kunoolu fanaa ye ñaŋolu soto le, ì ka tara daameŋ to. Bari Moo Dinkewo* maŋ hani dulaa soto, a be a kuŋo laa la daameŋ.”

Yohana 10:34

Wo to le Yeesu ye ì jaabi ko, “Fo a maŋ tara safeeriŋ ali la Kitaabu Senuŋo kono ko, ‘Nte ko, ali mu alloolu le ti’?

Yohana 12:32

Aduŋ nte, niŋ n wulindita ka bo bankoo to, m be moolu bee le katandi la m faŋo la.”

Yohana 15:25

Bari ñiŋ keta le ka kumoo timmandi, meŋ be safeeriŋ Luwaa Kitaaboo* kono ko: ‘Ì ye n koŋ ne, daliila te a la.’

Yohana 8:28

Wo to le Yeesu ko ì ye ko, “Niŋ ali ye Moo Dinkewo* wulindi santo, wo to le ali be a loŋ na, nte mu meŋ ti, aduŋ ali be a loŋ na le ko, nte buka feŋ ke m fansuŋ semboo la. Bari n ka kuwolu fo le ko m Faamaa ye n karandi ñaameŋ.

Roomankoolu 3:19

Ŋà a loŋ ne ko, Musa la Luwaa* ye feŋ-wo-feŋ fo, a ye a fo moolu le ye, mennu be Luwaa koto, fo moo-wo-moo daa si muta, aduŋ duniyaa bee si tara Alla la kiitiyo koto.

Roomankoolu 5:18

Moo kiliŋ ne la junuboo ye a tinna, halakoo naata moolu bee kaŋ. Wo ñaa kiliŋo la, moo kiliŋ na kebaara tilindiŋo le ye a tinna, moolu bee ye tiliŋo soto ka baluu.

Hiburunkoolu 7:24

Bari Yeesu ye a la piriisiyaa meŋ soto, wo nene te baŋ na, kaatu a be tu la baluuriŋ ne fo abadaa.