Yohana 10:6 - Mandinka Bible

⁶ Yeesu ye ñiŋ mansaaloo fo ì ye le, bari ì maŋ a fahaamu a ka meŋ fo.

Yohana 10:6 Mawu Ofanana

Jabuuroolu 106:7

Tuma meŋ m̀ mumuñolu be Misira, ì maŋ ì hakilitu kaawakuwolu to Alla Tallaa ye mennu ke. A ye kanu bambaloo meŋ yitandi ì la, a fuumata le, bari ì ñinata wo la le, aduŋ ì balanta a ma Kulunjumbe Baa to.

Jabuuroolu 82:5

“Ì maŋ feŋ ne loŋ, ì maŋ feŋ fahaamu. Ì ka taama ì faŋ ye diboo le kono, a ye a tara duniyaa bee be teyi kaŋ.

Kuma Kotoomaalu 28:5

Moo kuruŋolu buka tiliŋo la kuwo fahaamu noo, bari moolu mennu ka Yaawe* ñini, wolu ka a fahaamu kendeke le.

Yesaya 56:11

Ì mu wulu domorilaa baalu le ti, ì konoo buka faa. Itolu mu kantarilaalu le ti, mennu maŋ fahaamuroo soto, ì bee ka taa ì fansuŋ siloolu le la, ì ka a ke fankuŋ-fankuŋ ne ti.

Daniyeli 12:10

Moo jamaa be janku la le, ì ye seneyaa Alla la karoo la. Bari moo jawoolu be jawuyaakuu la le, aduŋ ì te ñiŋ kuwolu fahaamu la. Bari moolu mennu ñaamenta, wolu be fahaamuroo ke la le.

Matiyu 13:34

Bituŋ Yeesu ye ñiŋ kuwolu bee fo moolu ye mansaaloolu le kono. A maŋ feŋ fo ì ye, meŋ maŋ tara mansaaloo kono.

Matiyu 13:51

Wo to le Yeesu ye ì ñininkaa ko, “Fo ali ye ñiŋ bee fahaamu le baŋ?” Ì ye a jaabi ko, “Haa.”

Maaka 4:34

A maŋ feŋ fo ì ye, meŋ maŋ ke mansaaloo ti. Bari niŋ a niŋ a fansuŋ saayiboolu dammaa be daameŋ, a ka kumoolu bee le firiŋ wolu ye.

Yohana 16:25

“Ŋa ñiŋ kuwolu fo ali ye mansaaloolu le kono. Waatoo be naa la le, n te diyaamu la ali ye niŋ mansaaloolu la kotenke, bari m be m Faamaa la kuwo fo la ali ye seneyaarinke le.

Yohana 16:29

Wo to le a la saayiboolu ko a ye ko, “Saayiŋ i be diyaamu kaŋ seneyaarinke le, i maŋ a ke mansaaloolu kono kotenke.

Yohana 6:52

Bituŋ Yahuudoolu kamfaatoo ko ñoo ye ko, “Ñiŋ kewo si a balajaatoo dii ǹ na noo ñaadii le ka a domo?”

Yohana 6:60

Kabiriŋ a noomalanka jamaa ye ñiŋ kumoolu moyi, ì ko, “Ñiŋ mu kuma koleŋ baa le ti. Jumaa le si ñiŋ muta noo?”

Yohana 7:36

A ko, ‘Ali be n ñini la le, ali te n je la,’ aduŋ ‘M be taa la daameŋ, ali te naa noo la jee.’ Wo kumoolu kotoo mu muŋ ne ti?”

Yohana 8:27

Ì maŋ a fahaamu ko, a ka a Faamaa la kuwo le fo ì ye.

Yohana 8:43

Muŋ ne ye a tinna ali maŋ n na kumoo fahaamu? Kaatu ali maŋ ali tuloolu loo noo ka n na kumoo moyi.

1 Korintinkoolu 2:14

Hadamadiŋo daañaa te Alla la Nooroo la soorifeŋolu soto noo la, kaatu wolu mu tooleeyaa le ti ate fee. A maŋ ì fahaamu noo, kaatu ì ñanta kisikisi la niŋ Nooroo la siloo le la.

2 Pita 2:22

Kuwo meŋ keta ì ye, kuma kotoomaa ye wo yitandi le ko: “Wuloo ka muru a faŋo la foonoo kaŋ ne ka a domo, aduŋ seewu kuuriŋo ka muru le ka i birimintiŋ potoo kono.”

1 Yohana 5:20

Aduŋ ŋà a loŋ ne fanaa ko, Alla Dinkewo naata le, a ye fahaamuroo dii ǹ na fo ǹ si ate loŋ, meŋ mu tooñaa ti. M̀ be ate kono le, meŋ mu tooñaa ti, Yeesu Kiristu, Alla Dinkewo. Ate le mu Alla tooñaa ti, aniŋ badaa-badaa baluwo.