Yohana 1:5 - Mandinka Bible

⁵ Maloo be mala kaŋ diboo kono, aduŋ diboo maŋ a dubeŋ noo.

Yohana 1:5 Mawu Ofanana

Kuma Kotoomaalu 1:22

“Janniŋ waati jumaa le, alitolu moo sooneeyaariŋ baalu be lafi la sooneeyaa la? Janniŋ waati jumaa le, alitolu ñaawalilaalu be tu la ali la ñaawaliroo la, aniŋ alitolu toolewolu be londoo koŋ na?

Matiyu 5:15

Moolu buka lampoo mala ka a ke booloo koto, bari ì ka a ke lampu looraŋo le kaŋ. Wo to le a ka maloo dii moolu bee la, mennu be buŋo kono.

Yohana 1:10

A be nuŋ duniyaa kono le, aduŋ duniyaa dadaata ka bo niŋ ate le la, bari duniyaa maŋ a suutee.

Kiilaalu 26:18

I si ì ñaalu yelendi fo ì si bo diboo kono ka naa maloo kono, ka bo Seetaanoo* la maraloo kono ka naa Alla kaŋ. Wo to le ì be junube yamfoo soto la, aniŋ niyo moolu kono, mennu naata seneyaa kaatu ì laata nte la.’

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.

1 Korintinkoolu 2:14

Hadamadiŋo daañaa te Alla la Nooroo la soorifeŋolu soto noo la, kaatu wolu mu tooleeyaa le ti ate fee. A maŋ ì fahaamu noo, kaatu ì ñanta kisikisi la niŋ Nooroo la siloo le la.