Yohana 1:49 - Mandinka Bible

⁴⁹ Bituŋ Nataniyel ko a ye ko, “Karammoo, ite mu Alla Dinkewo le ti! Ite le mu Banisirayila la Mansakewo ti!”

Yohana 1:49 Mawu Ofanana

Jabuuroolu 110:1

Yaawe* ko m maarii Mansa ye ko, “Sii m bulubaa karoo la, fo ŋa i jawoolu ke i siŋo koto.”

Jabuuroolu 2:6

A ko, “Ŋa n na mansa londi Siyoni* le, n na konko senuŋo* kaŋ.”

Yesaya 9:7

A la maraloo be tara la lafaa la le doroŋ, aduŋ kayira bambaloo le be tara la keriŋ. A be a bonsuŋo Dawuda la bankoo mara la le, a be sii la a la siiraŋo le kaŋ. A be a la maraloo londi la le, a ye bambaŋ, aduŋ a be a taamandi la tiliŋo niŋ tooñaa le la, ka dati a la waatoo la, fo abadaa. Yaawe* Alihawaa Maariyo* ye a hame le, ka ñiŋ kuwo taamandi.

Daniyeli 9:25

“Wo to i si ñiŋ loŋ ko, ka bo waatoo meŋ na yaamaroo diita ka Yerusalaamu saatewo seyinkaŋ loo, ka a murundi a ñaama, ka taa bula Alla la maralilaa tombondiŋo la naa waatoo la, sanji woorowula siidulaa woorowula le be tambi la. Yerusalaamu be seyinkaŋ loo la le, a ye mbeedoolu soto, aniŋ tata bambandiŋolu. A be tara la looriŋ ne fo sanji taŋ wooro niŋ fula siidulaa woorowula. Bari a be ke la mantoora waatoo le ti.

Hoseya 3:5

Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Mika 5:2

Alitolu Efurata*-Betilehemunkoolu, Yaawe* ye ñiŋ ne fo ko, “Ali la saatewo keta saateeriŋo ti ñaa-wo-ñaa Yahuuda, bari Banisirayila maralilaa be bo la alitolu le kono, a be maraloo ke la niŋ nte Yaawe tooyaa le la. A foloota naŋ waati jaŋ ne la, kabiriŋ.”

Sefaniya 3:15

Yaawe ye i la jaraboo sika i kaŋ ne, a ye i jawoolu bayi. Yaawe, Banisirayila la Mansa be i fee le, i te sila la bataa kuu la kotenke.

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Matiyu 14:33

Bituŋ mennu be kuluŋo kono sujudita a ye ka a batu. Ì ko, “Tooñaa, ite le mu Alla Dinkewo* ti!”

Matiyu 2:2

Ì ko, “Yahuudoolu la mansakewo meŋ wuluuta, a be mintoo le? Ŋà a la looloo je tiliboo la le, aduŋ ǹ naata le ka a batu.”

Matiyu 21:5

“A fo Dimmusuriŋ* Siyoni* ye ko, a juubee, i la mansakewo be naa kaŋ i kaŋ ne! A fammajiiriŋo be seleriŋ faloo le kaŋ, aduŋ falindiŋo, falimusoo diŋo.”

Matiyu 23:7

Ì ka lafi le, moolu ka ì kontoŋ marisewolu to, aniŋ ka ì kumandi ‘karammoo’ la.

Matiyu 23:8

Bari alitolu, ali maŋ ñaŋ na ka kumandi karammoo la, kaatu alitolu ye karammoo kiliŋ doroŋ ne soto, aduŋ ali bee mu baadimmaalu le ti.

Matiyu 27:11

Saayiŋ, Yeesu be looriŋ kumandaŋo Payileti ñaatiliŋo la. A ye a ñininkaa ko, “Fo ite le mu Yahuudoolu la mansakewo ti baŋ?” Yeesu ko a ye ko, “Ite le ye a fo de.”

Matiyu 27:42

“A ye moo koteŋolu tankandi le, bari a maŋ a faŋo tankandi noo! Ate le mu Banisirayila la mansakewo ti! Wo to a ye jii naŋ yiribantambiloo kaŋ saayiŋ, ǹ si naa laa a la!

Matiyu 4:3

Wo to le marisarilaa naata, a ko a ye ko, “Niŋ a ye a tara, ite le mu Alla Dinkewo* ti, ñiŋ beroolu yaamari ka ke mbuuroo ti.”

Maaka 15:32

Alimasiihu* Banisirayilankoolu la mansakewo, a ye jii naŋ yiribantambiloo kaŋ saayiŋ, fo ǹ si a je aniŋ ŋà laa a la.” Aduŋ ì ye a niŋ moo fuloo mennu pempeŋ, wolu fanaa ye a neŋ ne.

Luka 1:35

Wo to le malaayikoo ko a ye ko, “Noora Kuliŋo be naa la i kaŋ ne, aduŋ Alla Mansa Tallaa la semboo be i muuri la le. Wo kamma la, i be diŋo meŋ wuluu la, a seneyaata le, aduŋ a be kumandi la Alla Dinkewo* le la.

Luka 19:38

Ì be a fo kaŋ ko, “Tenturoo niŋ jayiroo be mansakewo ye, meŋ ka naa Maariyo too la! Kayiroo be Arijana kono, semboo niŋ waroo be Alla ye Arijana dulaa jamfariŋ baa to!”

Yohana 1:18

Moo nene maŋ Alla je fo a Dinkee kiliŋo doroŋ, meŋ be ko Alla faŋo, aduŋ a be a Faamaa fee. Ate le ye moolu londi Alla la.

Yohana 1:34

Ŋa a je le, aduŋ ŋa seedeyaaroo ke le ko, ñiŋ mu Alla Dinkewo* le ti.”

Yohana 1:38

Yeesu ye a kooma fele, a ye ì je, ì be a nooma kaŋ. A ko ì ye ko, “Ali ka muŋ ne ñini?” Bituŋ ì ko a ye ko, “Rabbi,” meŋ kotoo mu karammoo ti, “i be sabatiriŋ mintoo le?”

Yohana 1:50

Yeesu ye a jaabi ko, “Fo i laata le, kaatu n ko le, ŋa i je sooto suŋo koto le? I be kuwolu mennu je la, wolu le be tambi la ñiŋ na!”

Yohana 18:37

Bituŋ Payileti ko a ye ko, “Saayiŋ, ite mu mansa le ti baŋ?” Yeesu ye a jaabi ko, “Ite le ye a fo ko, m mu mansa le ti. Daliiloo meŋ ye a tinna nte wuluuta aniŋ n naata duniyaa kono, wo le mu ka tooñaa la kuwo seedeyaa. Aduŋ moo-wo-moo meŋ ye tooñaa kanu, wo maarii ka n lamoyi le.”

Yohana 4:31

Wo waatoo la, a la saayiboolu ye a daani ko, “N karammoo, domoroo ke!”