Yesaya 9:3 - Mandinka Bible

³ Ite Yaawe ye bankoo moolu siyandi, i ye ì la kontaanoo lafaa. Ì be seewoo la i ñaatiliŋo la le, ko moolu ka seewoo ñaameŋ, niŋ ì be katiroo la, waraŋ niŋ kelediŋolu be ñapinkaŋ feŋolu talaa la.

Yesaya 9:3 Mawu Ofanana

Nehemiya 9:23

I ye ì koomalankoolu siyandi le ko looloolu, aduŋ i ye ì samba naŋ bankoo kaŋ ne, i ko ì mumuñolu si duŋ daameŋ ka a taa.

Yuuba 12:23

Ate le ka bankoo la kuwo warandi, a ye naa a la kuwo dooyandi. Ate le ka bankoo ke banku baa ti, a ye naa a moolu bee wudaayindi.

Jabuuroolu 107:38

A ka neema a la moolu ma le, ì ye jiidi kendeke, aduŋ a buka ì la beeyaŋolu yirikoo talaa.

Jabuuroolu 119:162

N ka seewoo i la laahidoo la le komeŋ niŋ moo ye naafulu baa tomboŋ.

Jabuuroolu 4:7

I ye nte jusulandi le ka tambi n jawoolu la, hani ì ye siimaŋolu niŋ miŋ feŋ diimaalu soto ñaa-wo-ñaa.

Yesaya 10:26

Yaawe Alihawaa Maariyo be ì lipa la busoo la le, ko a ye Midiyaninkoolu busa ñaameŋ Orebu Bere Konkoo to. A be a la dokoo wulindi la baa kunto le, ko a ye a ke nuŋ ñaameŋ Misira.

Yesaya 12:1

Wo luŋo la, i be a fo la le ko: “Hee Yaawe*, m be i jayi la le! I kamfaabaata n kamma ñaa-wo-ñaa, i la kamfaa banta le, i ye n ñaajiyo fita.

Yesaya 14:5

Yaawe ye busoo kati moo kuruŋolu bulu le, aniŋ maralilaalu la mansadokoo.

Yesaya 25:9

Wo luŋo la, ñiŋ ne be fo la, “A fele, ñiŋ ne mu ǹ na Alla ti, ǹ jikita a la le, aduŋ a ye ǹ tankandi. Ñiŋ ne mu Yaawe ti, ǹ jikita meŋ na. Ali ŋà seewoo, ka jusulaa a la kiisandiroo la.”

Yesaya 26:15

Hee Yaawe, i ye ǹ na bankoo warandi le, i ye ǹ na bankoo warandi, ka buuñaa naati i faŋo ye, i ye bankoo naanewolu bee lafaa le.

Yesaya 35:10

Yaawe ye moolu mennu kumakaa le be muruŋ na Siyoni*, ì niŋ suukuwo le be duŋ na jee, seewoo bambaloo ye tara ì fee. Niikuyaa niŋ niifitiyo be taa le, kontaanoo niŋ seewoo ye ì futufaa.

Yesaya 35:2

A be yiriwaa la le, a ye ñiiñaa, ko firi ñiimaa. A be tara la kontaaniriŋ baake le fo a ka denkiloo laa. A be yiriwaa la le ko Libanooni sutoo be ñaameŋ, a ye tara ñiiñaariŋ ko Karimeli Konkoo aniŋ Saroni kunkoolu. Moolu bee be Yaawe* la mansabaayaa je la le, aniŋ a la kallankeeyaa*.

Yesaya 54:1

Yaawe* ko: “Yerusalaamu, suukuwo laa. I ka muluŋ ne ko musoo meŋ nene maŋ diŋo soto. Suukuulaa dati, i ye sari seewoo kamma la. Ite musu kiideeriŋo, meŋ maŋ tiŋo la koleyaa loŋ, i be diŋ jamaa soto la le, ka tambi musoo la, kewo be meŋ bulu.

Yesaya 55:12

“Ali be finti la seewoo le kono, ŋa ali ñaatonkayaa kayiroo kono. Konko baalu niŋ konkoriŋolu be wutu la suukuwo ti, aduŋ yiroolu mennu be kunkoolu to si buloo kosi.

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

Yesaya 61:7

N na moolu, ali la malu kuwo noo to, ali be fanka baa le soto la. Ali la dooyaa noo to, ali be kontaanoo le soto la ali la keetaafeŋo to. Wo to ali be dulaa fula le soto la keetaa to ali la bankoo kaŋ, aduŋ ali be tara la seewoo bambaloo le kono.

Yesaya 65:14

N na dookuulaalu nii seewooriŋo le be suukuwo laa la, bari alitolu nii toorariŋo le be woosii la, jikilateyoo ye a tinna ali ka tu kumboo la.

Yesaya 65:18

Bari m be feŋolu mennu daa la be a tinna la le, ali ye tara seewoo niŋ maadiyaa kono fo abadaa. Kaatu m be Yerusalaamu daakuu la le, ka ke ñaaboo dulaa ti, a moolu la kuwo si n seewoo.

Yesaya 66:10

“Ali niŋ Yerusalaamu ye maadiyaa, ali ye seewoo a la kuwo la, alitolu mennu bee ye a kanu. Yerusalaamu la kuwo ye alitolu mennu sunu, ali niŋ a ñanta deŋ na le ka seewoo.

Yeremiya 31:7

Yaawe ye ñiŋ ne fo ko: “Ali seewooriŋo ye suukuwo laa Yaakuba ye, ali wuuri banku koteŋolu bee ñaatonkoo Banisirayila ye. Ali a kankulaa, ali ye jayiroo ke, ka a fo ko, ‘Hee Yaawe, i ye i la moolu kiisa le, Banisirayila toomaalu.’

Hoseya 4:7

Ali ka siyaa ñaameŋ, ali ka junuboo ke wo le ñaama, ali ka ali la horomoo faliŋ maloo le la.

3 Musa 26:13

Nte le mu Yaawe ali la Alla ti, meŋ ye ali bondi joŋyaa kono, Misirankoolu bulu, ŋa ali bondi naŋ ì la bankoo kaŋ. Ŋa ali la joŋyaa yookoo* kati le ka bo ali toŋo to, ŋa ali kuŋo wulindi, ka ali firiŋ.

Jakariya 10:8

“N si m buloo maa ì ye naŋ, ŋa ì kumbeŋ naŋ ñoo ma, kaatu nte le ye ì kiisa naŋ. Ì si siyaa ko ì be nuŋ ñaameŋ.

Jakariya 2:11

Wo luŋo la, banku jamaa si naa Yaawe kaŋ, aduŋ ì be ke la a la moolu le ti. A be sabati la ali kono le. Niŋ wo keta, ali be a loŋ na le ko, Yaawe Alihawaa Maariyo le ye n kii ali kaŋ.

Jakariya 8:23

Yaawe Alihawaa Maariyo ye ñiŋ ne fo ko: Ñiŋ waatoo la, sii koteŋolu moo taŋ si i miniŋ Yahuudoo la waramba tuloo la, ka a fo a ye ko, “M̀ batu ŋà bula ali nooma, kaatu ŋà a moyi le ko, Alla be ali fee le.”

Luka 11:22

Bari niŋ kewo meŋ semboo warata a ti ye a boyinkaŋ, a be a noo la le, a ye a la kelejooraŋolu buusi a bulu, a be jikiriŋ mennu la. Wo to le a be a la suuñaari feŋolu talaŋ-talaŋ na.

Kiilaalu 8:8

Wo ye seewoo baa le naati wo saatewo kono.

Filipinkoolu 4:4

Ali kali tu seewooriŋ Maariyo kono! Aduŋ m be a fo la kotenke, ali seewoo!

1 Pita 1:8

Ali nene maŋ a je ñaa-wo-ñaa, bari ali ye a kanu. Hani ali maŋ ate je saayiŋ, ali laata a la, aduŋ ali be faariŋ niŋ seewoo baa la, meŋ warata fo a te misaali noo la.

Kiitindirilaalu 5:3

Ali moyiroo ke, alitolu mansoolu, ali i lamoyi, alitolu maralilaalu! M be suukuwo laa la Yaawe ye, m be tara la kumafeŋ kosoo le la, niŋ m be suukuwo laa kaŋ Yaawe ye, Banisirayila la Alla.

Kiitindirilaalu 8:12

Midiyani mansakee fuloo, Seba aniŋ Salimunna borita. Bari a ye ì bayindi le, fo a ye ì muta. A ye ì la kelediŋ kafoo bee kijoo farandi.

1 Samuweli 30:16

A tambita Dawuda ñaato, ì taata jee. Ñapinkannaalu tarata janjandiŋ karoo bee le la, ì be domoroo niŋ miŋo la aniŋ doŋo, kaatu ì ye feŋ jamaa le taa Filisitinkoolu niŋ Yahuuda moolu la bankoolu kaŋ.