Yesaya 8:4 - Mandinka Bible

⁴ Janniŋ a be a baa niŋ a faa too kumandi noo la, Asiriya mansa be Damasiku la naafuloo bee taa la le, a ye Samariya la feŋolu bee ñapinkaŋ ka ì samba.”

Yesaya 8:4 Mawu Ofanana

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

2 Mansoolu 16:9

Asiriya mansa sonta Ahasi ye a daani kuwo meŋ na. A wulita Damasiku saatewo kamma, a ye jee muta. A ye jee moolu bayi ka taa Kiri maafaŋo la, aduŋ a ye Mansa Resini faa.

2 Mansoolu 17:3

Asiriya mansa Salimanesa wulita naŋ ka naa Hoseya kele. Hoseya naata tara a la kaŋo le koto, aduŋ a ka naamoo joo a yaa le.

Yesaya 17:1

Kiilaariyaa kumoo fele Damasiku la kuwo to. Yaawe* ko, “Ali a juubee, Damasiku te kumandi la saatewo la kotenke, kaatu a be naa ke la tumbuŋ tuŋo le ti.

Yesaya 17:3

Efurayimu* tatoolu be kasaara la le, mansayaa semboo ye buruka Damasiku. Too meŋ tuta Aramu bankoo kaŋ, be ke la le ko Banisirayila jikiraŋ semboo yeemanta ñaameŋ.” Yaawe Alihawaa Maariyo* le ye a fo.

Yesaya 28:4

Saatewo la sapuraŋo meŋ be looriŋ konkoo kaŋ, wulumbaŋ jambandiriŋo daala, be ke la le ko firi nororiŋo. A be muluŋ na le ko sooto juunoo, niŋ moolu ye a je doroŋ, ì ka tariyaa le ka a kati.

Yesaya 8:5

Yaawe diyaamuta n ye kotenke.

Amosi 1:3

Yaawe ye ñiŋ ne fo ko, “Damasiku moolu ye landatambi junube kuwolu le ke. Ì ye Kileyadi moolu toorandi le, komeŋ niŋ i ye moo toñonka niŋ toñonkarilaŋo* la. Wo kamma la n te ì jaraboo baayi la muk.

Amosi 1:5

M be Damasiku saatewo daa tawundaŋolu kati la, ŋa Bikati-Aweninkoolu kasaara, aniŋ mansadokoo be meŋ bulu Beti-Edeni. Aramunkoolu ye tara mutoo kono Kiri bankoo kaŋ.” Yaawe le ye a fo.

Yunusa 4:11

Bari moolu mennu be Ninewe, ì siyaata moo wuli keme niŋ wuli muwaŋ ti le, mennu maŋ ì bulubaa niŋ ì maraa bo ñoo to, aniŋ daafeŋolu fanaa. Fo ñiŋ saatee baa la kuwo maŋ ñaŋ na n dewuŋ na baŋ?”

Roomankoolu 9:11

Janniŋ a la fulandiŋolu ka wuluu, ì maŋ kebaara betoo waraŋ baara jawoo ke foloo, Alla ye kuwolu taamandi a la daliiloo le kaŋ fo a la tombondiroo si tenteŋ.

5 Musa 1:39

“Aduŋ ali la dindiŋolu, ali ye a miira mennu be taa mutoo kono, wolu fanaa be duŋ na jee le, dindiŋolu mennu maŋ kuu kendoo niŋ kuu jawoo bo ñoo to. M be bankoo ñiŋ dii la itolu le la ka ke ì taa ti.