Yesaya 48:3 - Mandinka Bible

³ “Koomanto ŋa a fo ali ye le, meŋ be ke la. Ŋa ñaato kuwolu fo le, aduŋ ŋa moolu kalamutandi ì la le. Kataba kiliŋ, ŋa wo kuwolu taamandi, ì naata ke.

Yesaya 48:3 Mawu Ofanana

Yesaya 29:5

Bari ñiŋ bee ñaa-wo-ñaa, i jawu jurumoo be naa ke la le ko kankaŋ kenseŋo, tilimbali kafu jurumoo ye tii ko fuufulewo.

Yesaya 30:13

ñiŋ junuboo be ke la ali ye le ko tata sansaŋ jaŋo meŋ farata, a be laamaariŋ, kataba kiliŋ a ye naa boyi piram.

Yesaya 37:29

Baawo Sennakeribu kamfaata nte le kamma, aduŋ ŋa a la faŋ waroo moyi le, m be n na dooliŋo le duŋ na a nuŋo la, ŋa karafewo bula a daa la. M be a murundi la siloo le la, a naata meŋ na.”

Yesaya 37:7

I lamoyi, Yaawe be a tinna la le, a be kibaaroo moyi la, aduŋ a be muru la a fansuŋ bankoo kaŋ ne. Wo to le ate Yaawe be a tinna la ì ye a faa niŋ hawusaroo* la.”

Yesaya 41:22

Ali ali la batufeŋolu samba ǹ ye naŋ, ì ye a fo ǹ ye, meŋ be naa ke la. Kuwolu mennu tambita, ì si ì fo ǹ ye, fo ǹ si ǹ hakilitu ì to, ŋà a loŋ a koolaa be ke la meŋ ti. Ì si a fo ǹ ye, kuwolu mennu be naa ke la,

Yesaya 41:27

Nte le foloo ye a bankee Siyoninkoolu* ye, ŋa kiilaariyaa kuma diimaa le futandi Yerusalaamunkoolu ma ko, ‘A juubee, ali la moolu ka naa le.’

Yesaya 42:9

A fele, ŋa feŋ-wo-feŋ bankee, a keta tooñaa le ti, saayiŋ m be kuu kutoolu bankee la le. M be ñaato kuwolu fo la ali ye le, janniŋ ì be sii la.”

Yesaya 43:9

Bankoolu bee moolu si beŋ ñoo kaŋ. Jumaa le sotota ñinnu kono, mennu ye ñiŋ ñaato kuwolu fo, waraŋ ka folooto kuwolu yitandi ǹ na? Ì si ì la seedoolu samba ǹ ye naŋ, ka a yitandi ko, ì be tooñaa le kaŋ, fo niŋ doolu ye a moyi, ì si a fo ko, tooñaa le mu.

Yesaya 45:21

Ali a fo meŋ be ke la, ali ye a yitandi. Ali ye kuwo kacaa ñoo kaŋ. Jumaa le ye ñiŋ fo nuŋ kabiriŋ? Jumaa le ye a fo nuŋ koomanto? Fo nte Yaawe n te baŋ? Alla koteŋ te jee nte koolaa. Alla tilindiŋo niŋ kiisandirilaa doo te jee, nte dammaa le mu.

Yosuwa 21:45

Yaawe ye Banisirayilankoolu laahidi kuu kendoolu mennu bee la, kuu kende kiliŋ te jee meŋ maŋ ke. Kuwolu bee le timmata, ko a laahidita ñaameŋ.