Yesaya 4:5 - Mandinka Bible

⁵ Bituŋ Siyoni Konkoo kunto, jamaa moolu bendiŋo jee, Yaawe be minaayoo le daa la ka tara jee tiloo la, dimbaa maloo aniŋ siisiyo suutoo la. Ì be tara la wankariŋ a taradulaa kallankeeyaariŋo* bee le kunto.

Yesaya 4:5 Mawu Ofanana

Nehemiya 9:12

I ka tawali samasimmaa le tambindi ì ñaato tiloo la, aniŋ dimbaa samasimmaa suutoo la, ka maloo dii ì la ì taaraŋ siloo kaŋ.

Jabuuroolu 105:39

Alla ye minaayoo le wanka ì kunto, suutoo a ka dimbaa le bondi ka maloo dii ì la.

Jabuuroolu 111:1

Ali Yaawe* jayi. M be Yaawe tentu la niŋ n sondomoo bee le la, a la moo tilindiŋolu la beŋo to.

Jabuuroolu 78:14

Tiloo waatoo la a ka tambi ì ñaato niŋ minaayoo le la, suutoo a ka tara ì fee niŋ dimbaa maloo la.

Jabuuroolu 85:9

A be koyiriŋ ne ko, a be pareeriŋ ne ka moolu kiisa mennu ye a kuliyaa, fo horomoo si tara a ye, ǹ na bankoo kaŋ.

Jabuuroolu 89:7

Ite Alla, i ñaasilaŋo be i la malaayika kafoo la baake le. I la waroo niŋ i ñaasilaŋo le tambita mennu bee be i dandaŋo la.

2 Musa 14:24

Suutoo duutalaa Yaawe ye juubeeroo ke Misirankoolu la kelediŋolu la, ka bo niŋ dimbaa samasimmaa la aniŋ minaayoo, aduŋ a ye ì kijoo teyi.

2 Musa 24:16

aduŋ Yaawe la kallankeeyaa* tarata Sinayi Konkoo kaŋ ne. Minaayoo ye konkoo muuri le fo tili wooro, aduŋ tili woorowulanjaŋ luŋo la, Yaawe ye Musa kumandi ka bo minaayoo kono.

2 Musa 26:1

Yaawe* ko Musa ye ko: Ali tiriliisoo la bitiraŋ foloo dadaa niŋ bayi faani taŋ na, mennu daata niŋ juluboora koyoo la, buluuriŋo, wuluyeloo aniŋ wuleeriŋo. Daarilaa meŋ buloo koyita, wo le ñanta kerubu malaayikoolu* soo la a bala.

2 Musa 26:7

Ali si tiriliisoo bitiraŋ fulanjaŋo dadaa niŋ bayi faani taŋ niŋ kiliŋ na, ì ye mennu daa ka bo niŋ baatiyo la.

Yesaya 32:18

Hani wo, samberoo be jii la yiri sutoo kaŋ ne, a ye jee bee kasaara ka taa fo saatewo, bari n na moolu be tara la sabatiriŋ dinkiraa tenkundiŋo le to, koridaa tankariŋolu kono, aniŋ foñondiŋ dulaalu, moo te ì batandi la daameŋ.

Yesaya 33:20

Siyoni juubee, ǹ ka ǹ na diina beŋolu kidimandi daameŋ. Ali be a je la le, Yerusalaamu be tara la tenkuŋo meŋ kono, ko tiriliisoo* meŋ pikaloolu te wutu la a noo to, aniŋ meŋ juloolu te kuntu noo la muumeeke.

Yesaya 37:35

Yaawe be loo la ñiŋ saatewo ye le ka a tankandi a faŋo la kuwo kamma la, aniŋ a la dookuulaa Dawuda la kuwo kamma.”

Yesaya 46:13

M pareeta le ka n na tankoo sutiyandi naŋ, a maŋ jamfa, aduŋ n na kiisoo te mee la a be naa. M be Siyoninkoolu* kiisa la le, ŋa n na kallankeeyaa* dii Banisirayilankoolu la.”

Yesaya 60:1

Siyoni*, wuli fo i si malamala, kaatu i la maloo naata le, aduŋ Yaawe* la kallankeeyaa* be mala la i kaŋ ne ko tiloo.

Yesaya 60:2

A juubee, diboo le ye duniyaa bee beŋ, dibi fiŋ baa ye bankoolu muuri, bari Yaawe la maloo be i kaŋ ne ko tiloo, a la kallankeeyaa fintita i bala le.

Matiyu 18:20

Kaatu niŋ moo fula waraŋ saba benta nte too la daa-wo-daa, n ka tara ì fee jee le.”

Matiyu 28:20

Ali si ì karandi ka kumoolu bee muta, nte ye ali yaamari mennu la. Aduŋ nte be tara la ali fee le waati-wo-waati hani fo duniyaa dandulaa to.”